天氣冷了, 兔兔會減少活動嗎???

平日小B好鐘意出黎玩, 但今晚成日縮係個籠度唔出黎 (縮到好似個毛毛球咁~ )....
想請教下各位兔爸, 兔媽, 會唔會同天氣轉凍有關呢???
thx~~

聽聞18-22度是兔兔最舒適的溫度.....
聽聞兔兔怕熱多過怕凍......

昨天氣溫雖然低左D, 但都有16-7度卦, 理應唔會因低左DD氣溫而縮到一舊........我用COMMON SENSE來睇。

會唔會你屋企周圍都好當風, 只有個籠最無風??

都有可能, 你摸吓佢耳仔凍唔凍, 有需要係個籠圍毛巾保暖

飲食和便便有冇異常?!

兔兔幾大??
如果係BB請注意保暖(抵抗力弱)，同埋食物可以加量 (儲熱量保暖)
平時比佢晒下太陽，多D運動..

[ 本帖最後由 katy 於 2010-10-28 12:14 PM 編輯 ]

若果係當風位,就要遮一遮,呢個溫度,其實兔兔會幾舒的,不過,唔可以比風直接吹~=

小B就快三個月了~
我都有用毛巾幫佢擋風, 佢D便便都正常, 但佢食少左兔糧(平時比兩匙佢, 佢都同清食得好快)
而佢耳仔都係暖~

好慘呀, 買左佢快一個月, 佢都係未肯比我抱, 一預備抱佢, 佢就跑走.... 唉....:050:

小B可能知道呢度冇兔搶野食，所以慢慢食掛∼∼（呀Ｂ而家都係咁）
慢慢來啦，等佢信任你先∼　唔係一間怕左你ＸＤＤ

原帖由 Claudia_Ji 於 2010-10-28 01:43 PM 發表
小B就快三個月了~
我都有用毛巾幫佢擋風, 佢D便便都正常, 但佢食少左兔糧(平時比兩匙佢, 佢都同清食得好快)
而佢耳仔都係暖~

好慘呀, 買左佢快一個月, 佢都係未肯比我抱, 一預備抱佢, 佢就跑走.... 唉....:05 ...

有d兔兔係hea糎架~我隻啤啤都係咁,分開兩,3次左右

呵呵~好多兔兔都唔鐘意比人抱架,由佢係反轉佢地,比d耐性啦~每日都抱下佢,抱完就比小小著數佢,等兔兔習慣下,一個月好小事,但若果唔持之以恆,兔兔可能一世都唔比抱架~

係囉,呢兩日的確係懶咗.
懶惰的兔~~

好多謝各位的意見~~:002:

小B佢太細個, 所以好多時候都超緊張, 成日都好驚佢病,
有一次摸到佢耳仔好熱, 呼吸好急促, 好擔心情況底下, 夜媽媽帶左佢睇急症,
醫生睇完佢之後, 話佢好健康, 好正常..... 我聽完之後都O左咀....

原來係我自己緊張過頭, 擺左烏龍, 無端端又洗一筆(雖然醫生已經好好心, 收平我一半, 我都唔好意思要佢趕返去).... 但最緊要都係小B無事

原帖由 天才文仔 於 2010-10-29 12:11 PM 發表
係囉,呢兩日的確係懶咗.
懶惰的兔~~

好CUTE呀, 你隻兔兔~~:021:

原帖由 天才文仔 於 29-10-2010 12:11 PM 發表
係囉,呢兩日的確係懶咗.
懶惰的兔~~

好舒服丫見到佢訓得~!

搞到我都想訓覺tim~!

我個隻都係叫小B 喎 haha :053:
一個月你就想抱? 我隻仔養左兩年而家先叫做乖乖地俾我抱.....一陣~
佢呢幾日都好lazy 喎~死日都訓到死豬咁可能真係凍左