我真係唔識點樣教仔/_\ 有無人幫下我

我真係唔識點樣教仔/_\
我隻兔仔得3個月番左十幾日,我1幫佢換d草,清理佢既便便 佢就發出好嬲既聲攻擊我
咬到我隻手損曬仲流血
幫佢剪手甲腳甲佢勁爭扎,剪唔到都算啦仲比佢咬到成隻腳損曬
佢都唔聽人話成日亂咁大小便 天氣凍我比左2條毛巾佢,佢又會咬又會係捆度小便大便
我教過佢好多次要係toilet到去,但都無改善

最大問題係隻兔仔好有敵意.點算好?我真係唔識教佢/_\
仲有一個問題係兔兔既小便有d粉果d係咩黎架?

十隻兔入邊冇9隻都有8隻係臭皮氣
兔仔同小朋友1樣,要有耐性,何況佢黎得你家只有10幾日.
佢未放心,你咁快就將佢反轉.......
當佢做錯野時,你唔好打佢同大聲罵佢,
咁樣只會令佢更加驚你
去廁所問題::
俾d耐性..我隻栗子絕育後更加周圍尿尿便便
我覺得兔兔周圍大小係天性.係野外隨處都可以去.
兔兔識去廁所反而係'就'我地..間唔中尿左係地下就原諒佢吧..
當然識去就最好..唔洗兔奴咁辛苦
小便有d粉::
唔係咁清楚,等有經驗兔友答你,
遲小小記得帶兔兔去body check

栗子來我家差唔多1年,佢仍然係中意周圍尿尿便便(包括我張床)
佢都試過咬到我流血同爪到我成身爪痕(包括面)
不過我愛佢,我唔會怪佢,只要接受佢既缺點,你就會睇到佢可愛既一面^^

花老爺都有關心人既一面架

好多兔仔都唔鐘意人地幫佢清籠架~你應該將兔兔放去第二個位置,清籠時間可以做埋兔兔既活動時間~你係佢面前清籠,某程度上等同挑戰佢,日日都挑戰下,感情好難好....兔籠係佢既地盆,兔兔好有地盆意識

兔仔都有好脾氣,唔好脾氣既,有d比較欺善怕惡,有d就勁怕事,超細膽,勁貪玩,好似人仔咁既,乜野性格都有,至於佢係邊款性格,你係主人,對得佢耐,自然會知~做錯左,千寄唔好打,脾氣臭果d,見你打佢,佢會同你死過~,怕事既,你打佢,佢會覺得你係壞人,蝦佢.....要同佢建立關係,佢做錯野,要糾正佢,但一定要有耐性!!!

如果呢刻兔兔巳經對你產生敵意,你就要好好比佢知道你係愛佢既,摸下佢,同兔兔做按摩,摸頭仔,若果摸下都打你既,你最近就唔好再做d佢唔鐘意既野(比如抱,剪指甲,兔協有修甲)等大家既關係唔好咁緊張,慢慢黎,係需要d時間,兔仔有時好記仇....

你見到佢d尿尿四圍痾,就要係佢面前指住佢篤尿話"唔得,no"(總之就係一個形容詞,用開邊個形容詞,就要邊個,若果時時轉,佢會唔明既)同埋將兔兔趕上廁所,邊話佢,邊指住篤尿

又或者留意下兔兔,佢鐘意咩時候去廁所,佢地尿尿你會見到兔兔個pp,同埋條尾係向上既,就要趕兔兔去廁所

若果佢有邊次識得去廁所,你就要讚佢,話佢叻叻,摸頭仔,請佢食小食(記得係健康的小食)記住,兔兔唔係要老馮做得好既,佢做得好就要讚佢,久而久之,佢就會學識去

比d耐性啦~兔兔咬人,兔兔脾氣差,唔高興,所以咬你,另一樣,可能係佢太驚,都會咬人

http://mini-house.info/thread-52-1-1.html<<小便有d粉,呢度有講,其實好多問題"兔兔寶典"都有講

希望你同兔兔可以和諧共處,建立好關係之後,兔兔是很可愛的呢:012:

聽完你咁講之後,
我發現豆豆其實都幾好脾氣,
成日都可以俾我反轉再反轉

原帖由 pamela_peony 於 2010-10-30 11:19 PM 發表
聽完你咁講之後,
我發現豆豆其實都幾好脾氣,
成日都可以俾我反轉再反轉

咁係超級好#^65^# 我蕃薯成日欺凌我嫁#^56^#

蕃薯以前都成日係咁嫁,,之後佢一係次所以外小便我就會用滴路洗龍,,除左次所唔用乜都用,,之後佢依家冇再係出面小便lu,,#^57^#

睇完你講D野...我都覺得奶茶都幾好脾氣...由細到大我都當住佢面前清籠, 佢都無咩反應.....咬人就無試過(除左食得狼死既時候唔小心咬親我)....係我想抱佢既時候佢先會發脾氣(dum地) 同埋幫佢cut指甲之後嬲左我成個星期....:056:

去toilet比D忍性(兔兔仲細嘛)..雖然我無咩教過佢去toilet, 不過我留意佢鐘意去邊到all左差唔多成個月, 最後都發現左佢超鐘意既toilet位啦...:057:

你隻兔兔仲係小朋友係頑皮d的.
尤其是培養感情,由我個仔返來第一日起我就成日對住牠同牠傾計但都要成大半個月先乖乖比我摸同跟我玩
牠們天生鍾意咬野,你如果怕牠凍的話把毛巾覆蓋於籠外.
慢慢來比d耐性啦~

你唔講我都唔知原來膽小的兔兔係會主動攻擊主人既.......

要建立和兔兔間的信任、教牠上廁所等等，真的需要時間和耐心的，而且每隻兔兔個性不同，有些可能要花更多心血，我也經歷過曾經覺得灰心的時候，還問自己兔兔是不是那麼討厭我哦，可是當兔兔信任了你，親近你，甚至會親你一個的時候，什麼都值得了，CC~ 樓主，加油哦~

十幾日真係好短時間，兔仔本來咩都唔識，唔可以一時三刻了解哂你比佢既規距既。
我當初都好緊張，會覺得點解仲唔識去廁所架，點解唔中意比我摸呀咁。
後來放鬆左心情，時間耐左，薯蛋反而慢慢識去廁所，又主動行去我身邊。

兔兔是很慢熱的動物
你唔可以用養貓狗的態度覺得佢好快適應你或者你屋企
你要比多D時間佢
正常剛回家個幾日係比佢自己係籠到冷靜下, 係籠邊細細聲咁同佢講野
等佢慢慢習慣你把聲......
至於教廁所問題, 係個係一個長期抗爭
唔係一時三刻可以解決得到
每隻兔學習程度都唔一樣, 就正如人都係咁
有D教一次就識, 有D係教極都唔識
你花幾多心機心思係佢地身上, 佢地會感受到的
或者你的出發點係好, 但可能用錯方法
而家知錯唔太遲, 襯仲有方法去補救, 就一定就得改變

我隻兔兔聽音樂(Disney)就會好relax
有音樂樂聽就點都得
:023:

係咪你自己過份心急,別對兔兔寄望太高,佢哋要長時間教.