希望各位可以幫下我~~

我岩岩買左隻貓貓兔(叫笨笨!多多指教)返泥(係q pxt買)...買時個店員話4個月左右..依家已經過左3個星期..
   個店員叫我買左好多野..基本既野都算係識用..但實際果d連個店員都係答到一半半就算..
   依家有2隻草..一種係alfalfa..一種係timothy..我比邊隻佢食好?份量大約幾多?依家我比timothy果隻佢食.岩唔岩?
   因為我都有比糧佢食(隻糧我下次post相比各位幫我睇睇..因為依家未有相住)佢一日三餐..毎餐比2匙(用外賣果d匙)佢食..多唔多得濟?我包糧800g..3星期叉唔多比佢食哂..得返大約1/6左右..係咪正常速度?我問d店員..d店員話草食唔飽..係咪要比多d糧佢食?
   仲有..佢去吾吾速度勁點..我以前果隻賓尼兔無咁快..佢4.5粒中已經可以柯出40粒up..同佢成日食野有無關係?因為我見親佢都係食野..我睇左客位既文..話無限量放草草..會唔會食得太多而唔健康?放邊一隻草先好?我依2隻草又岩唔岩佢e個年紀?
   我係放木槺係佢個籠到...仲有無其他可以放?因為一泥用得快..二泥佢愈泥愈洩..痴住一埋木康走泥走去..幾粒中又要掃地一次..同埋我一星期用一次沖涼粉幫佢沖涼..岩唔岩?多定少?同埋我幫佢洗白白時..唔洗佢個鼻仔..因為怕佢會吸左d粉..但今日發現佢鼻仔有小小甩毛..係咪正常?定同我唔幫佢洗鼻仔有關?
   我得閒會放佢係沙發到跑..因為地下太滑..佢會愈跑愈興奮..彈下彈下..係咪正常架?
   今日買左磨牙石比佢..因為見佢e 2日成日咬野..係咪正常?我仲會間唔中放一舊木(好似d壓縮左既草咁)咁對佢d牙仔有無問題?(因為都係d店員叫我買架)
   最後我睇過客位既文話..吾吾分2種..笨笨岩岩泥時..d吾吾硬小小..但之後有幾日軟左小小..但都係一粒粒..而size同佢一開始係一樣架..咁係咪正常?

  今日我買左一包3kg既幼兔糧..夠唔夠食a?

[ 本帖最後由 笨媽 於 2010-11-14 10:09 PM 編輯 ]

救命丫~~~你一d兔兔資識都未有~就買兔~!

兔係比無限草~糧一日比2次(各一匙)

沖涼粉唔需要用~佢自己會清潔自己~!但你要每日都要幫佢梳毛~!

兔兔唔可以用木糠~!比佢用貓沙.,木粒....

磨牙石兔兔係唔需耍~~!!

點解你唔買之前搵定d資料~!

唔該你努力睇多d兔兔資料~!

你要問o既野~e個兔網都有齊晒~!

咁放邊一隻草好d a?

你巳前仲養過賓尼兔?但係你呢篇野d常識都好錯喎.............

木糠同沖涼粉都唔需要架~木糠同沖涼粉都會影響呼吸道,你會害左兔兔架

你有好多野都要做功課,墊料可以用紙砂,廁所用木粒

磨牙石都係唔需要架

草要無限量供應,可以平放係籠到,兔兔食得越多越好

唔好比兔兔食日本糧

其實果d店員講野都無句真,佢地成日都係賣未介奶既兔兔,同埋跟本都無正確常識,6個月以下的應該係食a草,6個月以上食t草,不過唔係一下轉,係要由a,慢慢轉t,你而家係a草入面,慢慢逐少加入t草,兔兔6~7個月大,就要全部食t草

6~7個月大果陣,就最好減糧,一日2湯匙(早,晚,各1),兔兔食糧食飽左,唔食草,咁樣唔健康架

糧係提供基本營養,唔係比佢食到飽架,草先係比兔兔食飽

最重要係,你身為主人,一定要吸收多d養兔知識,兔兔既健康靠晒你架~

1. 你有無買厠所? 因為兔子會習慣係四角(某一個角)尿尿, 所以我們會係佢習慣個個角落放厠所, 令他習慣係厠所尿尿, 咁就會乾淨好多。厠所裡的墊料好少用木糠, 因為唔係種種啱, 有一些木槺太碎會令兔兔鼻敏感, 常用木粒和紙砂。籠底係唔需要放墊料, 頂多放小小草方便佢食。

2. 新買的兔仔最好去有醫兔經驗的獸醫body check, 你會安心好多, $250左右, 佢會教埋你點照顧兔仔, 特別開始入冬, 要做好保暖工作。

3. 鍾意跑、鍾意咬...係兔仔天性, 你只要多點爬文就會知

4. 正常的屎屎是乾身, 愈大愈好, 正常食得草多就自然會有又大又乾的屎。若呵軟便, 就要小心調節糧的份糧, 或未有改善要看醫生。尿尿會弄傷兔仔皮膚, 所以要養成兔仔係厠所尿尿的習慣, 反而屎屎又唔臭又乾身, 而且係習慣四圍呵的。

5. 唔好用沖涼粉和磨牙石, 會損壞兔仔健康。

6. 你兔仔5個月, 一定要無限量供應T草, 養成食T草的習慣, 而早晚放佢總食量3-5成的A草給佢, 佢會好快食完A草。隨著年紀成長, 愈近1歲愈減少A草的份量, 到1歲後唔再比A草

7. 6個月開始要早晚比菜

回想起買我隻兔兔返黎個時...我都係好似你咁...乜都唔識...亂咁黎...:043:
我都係Q-PxT度買的~因為個時咩都唔識就聽D店員講話點喂兔兔~我仲記得個店員個時拎左包A草俾我先既~跟住另一個店員(應該係店長黎既)就同我講話兔兔唔應該淨食A草個wo~會肚屙架:046: (佢拎埋包t草黎)依家俾佢食多d依包草先岩~咁我就信以為真:026: ~幾個月之後我睇到依個網講既兔兔知識~恍然大悟~d店員講既野信唔過~我即刻改過晒d錯處~唔係既話就慘啦害左我隻兔兔:050:
所以呢~你唔洗心急架~有唔明慢慢問個明白~依度各位兔友都好好人的~你要加油呀~:038:

原帖由 raywong521 於 2010-11-14 10:53 PM 發表
你巳前仲養過賓尼兔?但係你呢篇野d常識都好錯喎.............

木糠同沖涼粉都唔需要架~木糠同沖涼粉都會影響呼吸道,你會害左兔兔架

你有好多野都要做功課,墊料可以用紙砂,廁所用木粒

磨牙石都係唔需要架

...

因為之前係同另一個朋友一齊養..不過之後我屋企唔養得..
所以隻兔兔佢理哂.之後佢移左民...我對住佢只係幾個月..
咁如果唔用沖涼粉..咁用咩幫佢洗白白A?
我怕佢因為污"租"而病..有無咩可以預防A?
紙砂係D咩泥架?木粒D兔兔會唔會食A?
咁D糧咪唔要得LO?因為岩岩買左成大包比佢食..
但我隻兔兔好中意食糧..又好中意食草草..
係咪好事呢架>?
唔好意思咁多野問~~

原帖由 wm20472 於 2010-11-15 12:42 AM 發表
1. 你有無買厠所? 因為兔子會習慣係四角(某一個角)尿尿, 所以我們會係佢習慣個個角落放厠所, 令他習慣係厠所尿尿, 咁就會乾淨好多。厠所裡的墊料好少用木糠, 因為唔係種種啱, 有一些木 ...

1.我有買果個廁所比佢A..但佢吾會係入面到尿尿..係咪要教架?
佢成日柯係自己個個食物兜旁邊架..我唔知點教佢去果到尿尿..
而且佢好中意係個廁所到訓覺..成日玩到攰就走去休息..
唔洗放墊料佢會唔會唔舒服a?

2.我多口問一問..就入冬..應該點算好?
我怕佢會凍..想買33比佢..
但見有個post話唔好比33佢著..咁會壓住佢d毛毛..會唔好..
會仲冬d..咁有咩方法可以教下我a?

3.但係佢呢排先開始咬野..所以我以為佢出牙仔/=\:053:

4.我知啦..我會比佢食多d草草..但係點教佢去尿尿..
因為我唔色教佢..有無咩方法a?

5.唔用沖涼粉..佢怕唔怕佢污"租"a?會有病a?:077:

6.我依家主要比t草佢食..但我唔知岩唔岩..
所以要多謝你教我:054:

7.6個月就開始比菜菜佢食架啦?有無話比咩菜會好d?

原帖由 琉璃魚 於 2010-11-15 11:02 AM 發表
回想起買我隻兔兔返黎個時...我都係好似你咁...乜都唔識...亂咁黎...:043:
我都係Q-PxT度買的~因為個時咩都唔識就聽D店員講話點喂兔兔~我仲記得個店員個時拎左包A草俾我先既~跟住另一個店員(應該係店長黎既)就同我 ...

你又知我好緊張既?
我原本以為我跟d店員講既方法就無問題..
但睇完呢個網就好緊張..
因為好多都唔岩既..
我怕我隻兔兔會病病~~

妳應該去睇兔兔寶典......可以搵到所有答案,有咩唔明可以再問~

http://mini-house.info/forum-26-1.html<<新手養兔,必睇

1.我有買果個廁所比佢A..但佢吾會係入面到尿尿..係咪要教架?
佢成日柯係自己個個食物兜旁邊架..我唔知點教佢去果到尿尿..
而且佢好中意係個廁所到訓覺..成日玩到攰就走去休息..
唔洗放墊料佢會唔會唔舒服a?
我又幫手答下~~~^^ 要慢慢教架，因為兔仔唔識呢個係廁所，而好多兔仔都鍾意訓廁所(安全感)，廁所入面放墊料GA~廁所以外地方就唔洗

2.我多口問一問..就入冬..應該點算好?
我怕佢會凍..想買33比佢..
但見有個post話唔好比33佢著..咁會壓住佢d毛毛..會唔好..
會仲冬d..咁有咩方法可以教下我a?
首先推佢去屋企冇咁大風的地方(我會推佢入房一齊訓)，大多數兔仔唔鍾意着，佢又唔自在，所以你當著3係玩/影下相用好了… 妳留意兔仔會唔會亂咬，冇咬就舖毛巾/VET BED/掛保溫燈，有咬就舖大毛巾/厚布蓋住個籠，記住留返D位比佢唞氣!

3.但係佢呢排先開始咬野..所以我以為佢出牙仔/=\
兔兔的牙齒一生都在生長...所以要食大量牧草磨牙

4.我知啦..我會比佢食多d草草..但係點教佢去尿尿..
因為我唔色教佢..有無咩方法a?
妳而家留意下兔仔鍾意喺邊個角落小便，然後放廁所去果度，一去錯左用白醋抺走佢，一去岩地方就勁讚佢 (有些兔友被這個問題困擾好耐，你可以爬下佢地分享的帖)

5.唔用沖涼粉..佢怕唔怕佢污"租"a?會有病a?
呢方面唔洗擔心！兔仔好鍾意乾淨GA!!基本上佢地8~9成時間都係沖涼。每日用佢梳下毛、隔一段時間修毛(夏天怕佢熱會剪密D、冬天好凍只係剪屁屁附近D毛已經夠喇~~)#^11^#


6.我依家主要比t草佢食..但我唔知岩唔岩..
所以要多謝你教我
2個月… 應該A草為主 這方法很多帖子已提過~我唔咁長氣啦~~~

7.6個月就開始比菜菜佢食架啦?有無話比咩菜會好d?
可以比佢試下，比洗乾淨的菜菜，一開始比菜心吧(PS:唔係所有兔都鍾意食菜GA)

原帖由 raywong521 於 2010-11-17 04:44 PM 發表
妳應該去睇兔兔寶典......可以搵到所有答案,有咩唔明可以再問~

http://mini-house.info/forum-26-1.html

你比E個網我係發POST前已經睇左..所以先有咁多問題問各位..
唔該哂:053:

原帖由 katy 於 2010-11-17 04:56 PM 發表
1.我有買果個廁所比佢A..但佢吾會係入面到尿尿..係咪要教架?
佢成日柯係自己個個食物兜旁邊架..我唔知點教佢去果到尿尿..
而且佢好中意係個廁所到訓覺..成日玩到攰就走去休息..
唔洗放墊料佢會唔會唔舒服a? ...

1.我買個籠果陣..個店員叫我買左一塊一間間咁既木板(織到好似井字咁既木)..
佢話兔兔加左呢舊野會舒服好多..咁各位有無架?
因為我怕唔放墊料隻兔兔會"CAKE"親.

2.依家我係佢個籠入面某一個角落放左毛巾..我見佢成日去果到訓..
所以由佢泥到我到開始凍已經一直用毛巾包住佢個籠..上面留洞比佢..

3.好的..咁我會放多D草比佢食~~

4.佢最中意係自己個食物兜到去廁所..咁應該點算好?

5.我之前會一星期用一次沖涼粉幫佢洗白白+用水沖佢個籠1次.
咁係咪唔好架?

6.我已經轉左A草比佢食..

7.好的..遲D我會轉菜菜比佢試下~~

1.我買個籠果陣..個店員叫我買左一塊一間間咁既木板(織到好似井字咁既木)..
佢話兔兔加左呢舊野會舒服好多..咁各位有無架?
因為我怕唔放墊料隻兔兔會"CAKE"親.
木條幾粗GA?? 不過木條都OK GE, 如果鐵網一定唔好用，兔地對腳會好痛+生瘡
佢唔識去廁所照比佢用，費是踩到手腳黃哂… 另外有少少建議…

遲D兔兔識去廁所:: (唔想用木板的時候)
- 唔用隔網，但係個籠底好滑，長期踩會甩毛，所以去舖草墊住

4.佢最中意係自己個食物兜到去廁所..咁應該點算好?
大部份BB兔都係咁… 所以佢食完一餐糧好拎走個兜喇!

5.我之前會一星期用一次沖涼粉幫佢洗白白+用水沖佢個籠1次.
咁係咪唔好架?
唔洗用沖涼粉GA~ 如果你留意... 佢一日大部份時間都同自己沖涼,
除非佢D尿整濕/玩到污糟左︰
- 先睇情況同佢清潔，少少污糟用毛巾加暖水抺；
- 勁污糟(如肚痾)先至用暖水浸身，水位高腳仔少少就得，記得係一歲之後、天熱暖先好咁做，否則好易嚇死/凍死/冷病，浸完快手用毛巾抺 & 用風筒吹

1日洗一次籠---都OK呀！我就一星期用白醋大洗一次籠LO~~