中國虐兔片最新消息

虐兔片揭變態賣片集團
利誘長腿少女虐畜 每次6000元
23/11/2010

【明報專訊】內地一名少女早前隔覑玻璃板「坐死」小兔子的「虐兔片段」曝光後，引發網民群起聲討，呼籲將她「人肉搜索出來」。內地天涯網隨即有網民發布大量片段截圖和QQ聊天紀錄，聲稱虐兔片段幕後竟隱藏覑一個可恥賺錢大計，虐待動物團體透過利益引誘長腿模特兒虐殺動物，然後拍片和錄製光碟賣到國外，施虐者每次可獲高達6000元人民幣報酬，虐兔片中的3名少女，正是被僱用的模特兒之一。有網民形容，這是「中國之恥」。

天涯網知名網友「柳隨風」發布資料，聲稱今次涉及的，是一個名為「crushfetish」（意為「粉碎崇拜」）的團體。他在帖子中貼出大量虐殺小動物的片段截圖證據，更直接貼出了「crushfetish成員的聊天紀錄」。這些圖文資料，是一名熱中動物保護的網友小觀(化名)向「柳隨風」提供的。

網友「人肉搜索」 貼截圖聊天紀錄

小觀自稱潛進crushfetish團體收集資訊兩年，致力揭發黑幕。小觀透露，crushfetish的站長「天堂之音-老R」，極端反對動物保護者，儘管在網上曝光的聊天紀錄中，這位站長辯稱，「喜歡 CF(即crushfetish)的人，並非被宣傳成的那些喜歡暴力鼓吹虐殺的人，而是SM的一種延伸」。他成立的網站「艾蓮俱樂部」，採取VIP會員制等方式，誘騙一些無知少女加入，並以「女王」姿態參與拍攝虐殺片段。為防保護動物者探視，這個網站每晚只開放2、3小時。

站長稱是「SM的一種延伸」

小觀還向記者提供了多段網上尚未流傳的虐待動物片段、約80張截圖和QQ聊天紀錄，稱「喜歡看這種片的多數都是戀足癖」。這些出現在片段中的女主角被稱為「模特兒」或「施虐美女」，施虐對象最多的是貓，其次是兔子和各類蟲、蝦和蟹。小觀說，「那個虐兔的只是一個招聘的模特兒」，拍攝者才是僱主，他們多數利用人脈關係，找來腿和腳長得好看的女孩拍攝這種變態片段。小觀道﹕「片段買賣者在那些QQ群裏只發買賣資訊，不會理睬陌生人的提問。」

變態片銷海外 最平31元

內地《成都商報》聲稱，這個團體製作虐殺動物片段的目的，在於把片段製成光碟銷往國外。網民「柳隨風」在帖中還引用知情者的話說，施虐者是一種高收入職業，3000元起價，每拍攝1次可獲得最低6000元的報酬。內地記者在小觀提供的售賣片段網站上，看到279段虐待動物片段，售4至10美元（約31.2至78港元），片段主角都是女性。該網站甚至聲稱可以根據需要，「訂製踩死動物的片段」。

QQ做買賣 網站徵女模

2006年2月26日，內地網上曾出現一組片段和照片，其中一名女子用高跟鞋踩死小貓，後經「人肉搜索」，當事人身分曝光，在網上道歉。小觀說，自從「踩貓女」曝光後，拍攝這種片段叫價從2000元起到 6000元人民幣不等，而且參與者都要蒙面進行，因為害怕「被人肉」。小觀說。根據他掌握的情報，這兩天流傳的女子虐兔片段，其實是一段兩年前的舊片，可能是因為片段買賣雙方發生爭拗內訌而泄露出來的。

成都商報
----------------------------------------------------------------------------

這個站長「天堂之音-老R」, 最應該被人人肉, 然後公審!!!!!!

起初以為係件個別事件
但都已經好令人痛心.
事實竟然係賺錢"集團"

說什麼 「訂製踩死動物的片段」
我現在最想看是 踩死crushfetish成員的片段
請所有無辜死去的動物 記著殺死自己的人
晚晚搵佢地報仇,等佢地食吾安訓吾落.

感激樓主提供消息

長髮果個女仔~~好似係大學生~~!

岩岩睇報紙都有睇~~!

果個拍攝果條友~~我祝佢不得好死~有朝一日十倍o既報應還返晒比佢~!

其實我真係冇諗過...報紙會報e件事出黎~仲可以比我地知道真相~!

已經可以比所有比佢虐殺o既動物得到一個安慰~

希望死去的o既動物可以安息~!

我都想訂製踩死天堂之音-老R的片段, 死變態!
一定要拉晒crushfetish成員!!!! \_/

原帖由 small_tra 於 23/11/2010 10:43 PM 發表
長髮果個女仔~~好似係大學生~~!

岩岩睇報紙都有睇~~!

果個拍攝果條友~~我祝佢不得好死~有朝一日十倍o既報應還返晒比佢~!

其實我真係冇諗過...報紙會報e件事出黎~仲可以比我地知道真相~!

已經可以比所有比 ...

佢地要為佢地做過既負上一生責任

我看到呢條片時,個心情係無法形容既傷心,
好心痛,講左好多句粗口,腦裡不停在重覆畫面,
真係好慘,而家呢個世界已經係變態到不能用言語形容,
我只相信呢個世界有報應,我祝福拍片者和施虐者早日享受返佢地既行為...

毒D都係咁話
有份做既人應該俾玻璃夾10次
俾全世界D人踩:005:
受害小動物RIP:063:

原帖由 小賢 於 2010-11-23 11:10 PM 發表
我看到呢條片時,個心情係無法形容既傷心,
好心痛,講左好多句粗口,腦裡不停在重覆畫面,
真係好慘,而家呢個世界已經係變態到不能用言語形容,
我只相信呢個世界有報應,我祝福拍片者和施虐者早日享受返佢地既行為...

其實我都係...
尋日睇完
夜晚仲諗緊隻兔仔><

其實我根本唔夠膽睇條片,
不過睇完轉貼既報導,我已經憤怒了!!
就算幾想搵錢都好啦...做埋呢D傷天害理既事,
點解佢地既良心可以過到自己!?

諗出呢門生意既人更加應該不得好死添!
為左少少利潤,就將其他生命不當一會事...
直情枉為人!!禽獸都不如~
咁鍾意SM,點解唔直接請兩個人SM夠JE?
人地收左錢,願意被SM,我地無野好講,
但係利用其他小動物既生命,真係好無恥!好冷血!!

希望所有被呢個組織利用過既小動物可以安息...

我一路都唔敢睇呢d片,我記得幾年前我係某討論區裡面既動物欄,睇過一d圖片,睇完之後,我不安左好耐,我接受唔到人點解可以咁變態,可以咁對待動物

內容係一個様貎身材都ok既女子,只係著住內衣褲,著住一對好高既豆令掙既高掙鞋,之後見到隻兔,個女仔仲對隻兔仔好好,隻兔仔又好乖,之後女仔就開始虐待隻兔仔......就係用佢果對豆令掙高爭鞋....

呢d圖片我巳經係幾年前睇架喇~係有一班人專拍呢類片,而呢類片又有銷路........

佢地做得呢d野,簡直係豬狗不如,我唔會希望佢地本人享受報應,我希望佢地親眼睇住自己既家人,佢地所愛既人,比人施虐!試下果種絕望,無助~~

拍得呢d片既人,佢地未必係為左錢,跟本佢地自己都好享受個過程,試問一個正常人面對呢d咁變態既野,唔嚇傻都嚇餐死啦

呢一班人(一定必定)有報應的
打後十世都會投胎成動物昆蟲受返呢一d變態虐待~:052:
本人雖不是有特定的宗教信仰但相信因果循環.

原帖由 raywong521 於 2010-11-24 02:35 AM 發表
我一路都唔敢睇呢d片,我記得幾年前我係某討論區裡面既動物欄,睇過一d圖片,睇完之後,我不安左好耐,我接受唔到人點解可以咁變態,可以咁對待動物

內容係一個様貎身材都ok既女子,只係著住內衣褲,著住一對 ...

我都唔敢睇D片
好奇禁過離睇但睇左少少就CLOSE左
但係睇過D人既CAP圖
一路睇就一路好不安
好多兔仔比D變態人踩死踩到血肉模糊…
好難接受有呢D人會有呢D嗜好…
好多無辜小動物受害… #^56^#
唯有為不幸既小動物默哀
同希望呢D人會有報應!!!!!!!

鬼唔望佢地遲早就受到隻兔兔咁既對待,
唔好話黑心,
隻兔兔大細好似得3-4個月左右...

快D將果D人拎去萬人坑槍弊..死左都無人可憐.:028:

我都係, 睇完果次D相之後, 其他片都唔敢睇~
虐殺小動物既人一定會有報應~