有無人係兔協既暫養家庭?

我諗緊好唔好係兔協申請做暫養家庭?
我屋企係大埔, 離兔協都幾遠, 唔知要唔要成日帶暫養兔返兔協?
兔協會唔會俾長期需要打針,食藥既兔去暫養家庭?
我都唔識打針同喂兔食藥, 難唔難?

據我理解, 病情穩定既病兔都會被安排到暫養家庭的.
不過佢地應該唔會安排畀新手/第一次做暫養既義工.
通常會留返係兔協等義工們方便照顧同帶佢地去覆診
或者安排畀經驗豐富既家庭照顧.
如果你真係有興趣, 可以同佢地溝通下. 最緊張有溝通架je^^

樓主有呢個心思都好丫
我就有心冇力啦...#^3_002^#

做暫養家庭一定要要對兔兔有基本認識.
同埋一定要懂餵藥,如果唔係兔兔萬一病左由誰去照顧?

其實最緊要係諗清楚自己點解想做暫養家庭，因為兔協交隻兔兔俾你照顧，你就要承擔尼個責任好好照顧佢，我覺得責任重大架~
若果你諗清楚真係有心做，可以試下申請啦，唔使太擔心既，因為兔協都會評估返你既經驗等等，如果兔協真係覺得你合適做暫養，佢地亦都會根據你既情況&經驗而安排兔兔俾你既~
最緊要有基本既正確養兔知識同態度，其他護理方面既野可以學嘛~
我暫養緊隻可愛活潑既側頭兔兔~ CC

暫養家庭要先做好耐義工
同埋有一定養兔年資, 唔係想就可以做架

我之前都有做暫養家庭，做咗年幾，但領養多一隻兔仔後停咗一排，其實唔一定要做好耐義工先可以做暫養家庭，兔協都係叫我做一日義工，做義工令我更清楚照顧兔仔的技巧，其實雖然係唔可以揀暫養GE兔，但兔協會按你GE情況、經驗而安排合適GE兔仔俾你，第一次的物資(籠、廁所、草、墊料....)又會送到去你屋企，如果之後用的物資就要到兔協取，但我之前都係個幾月先需要出去一次，其實都唔會太麻煩，有時我索性餵自己買的草，就兩三個月都唔駛出一次添。