Help! 包包唔食野!

包包今朝點到依家都唔肯食野, 連糧都唔食,  痾左幾粒屎, 少少尿, 但係出面去 (平時會係toilet去), 唔知咩事, 打去診所又booking full 晒, 點算好? walk in 可以嗎?

WALK IN無問題
你去邊間..??
係你就快d帶佢去睇啦
而家5知咩事..
點知一hr後會5會.............
快d帶佢睇啦

我想去睇betty, 老公依家搭taxi去walk in, 另外其實我book左大圍(dr Mancy or Dr Zoltan), 但我唔知好唔好, 所以都係去betty 度walk in, 希望佢會睇包包.

老公帶左包包睇Betty, Betty話包包肚脹都幾嚴重, 腸仲有郁,  要吊鹽水同餵左草粉, 留診所觀察到六點再睇下點. 包包可能係食左唔健康既野, 或者有stress...唔知係咪因為bb(我剛生了bb) 唔開心...我一有時間就會摸包包,同佢傾計, 點解都會咁. Betty話肚脹有一半機會48小時內唔得, 希望包包唔係果一半.

對唔住包包, 可能係我照顧得你唔好, 希望你會冇事....

原帖由 Biomama 於 2011-1-16 02:03 PM 發表
老公帶左包包睇Betty, Betty話包包肚脹都幾嚴重, 腸仲有郁,  要吊鹽水同餵左草粉, 留診所觀察到六點再睇下點. 包包可能係食左唔健康既野, 或者有stress...唔知係咪因為bb(我剛生了bb) 唔開心...我一有時間就會摸包包 ...

好彩你即刻帶左佢c e生..
如果再拖...可能.....
不過你放心啦...應該無事...
5好咁負面...如果包包番左黎.要多d同佢傾偈..
5好冷落左佢..
因為兔兔如果覺得自己主人5care佢既話..
都會5食野架..
bb方面..可以有時你湊下..有時你老公湊下..
咁咪可以陪多d包包..
包包都係生命..
睇得出你都好錫佢..
生左bb可能會有d情緒化..
但盡量樂觀d...5好比d負面情緒煩擾到..

加油呀...記得多d同包包傾下偈同佢玩下..
半個中1個中都好...

好彩你及早帶佢睇醫生
腸塞係好危險, 以前有過咁既case, 希望包包無事啦

包包點呀~??? 希望包包快D好返~!!!

包包有一個像你咁錫佢的主人,會無事好返晒的!

包包一定沒事ge !!~
#^65^# #^65^#

尋晚接左包包返來, 佢已經開始食草啦! 好開心呀! 不過未肯飲水, 今早返去覆診, E生話包包個肚冇脹啦, 不過都要KEEP住餵草粉直至佢肯飲水同食草. 希望佢快d康復.

仲有我諗清楚...今次包包唔舒服的原因可能係我樓上裝修, 請問我可以點做令佢冇咁Stressful呢?

樓上裝修真係冇咩辦法,
我屋企我隻包包都係咁(又係叫包包)
不過因為太多人裝修, 輪住咁黎
依家包包反面好似習慣左
你多D留意下佢, 一見佢唔食野,
就要帶佢睇醫生了
平時多少少時間陪下佢玩, 幫佢按摩下,
都可以減輕一D壓力既

希望你既包包健健康康啦

樓主，請問係唔係walk in睇betty都ok呀？要唔要加錢呀？之前姑娘好似講過要收charge，不過佢地真係成日都full。

睇呀, 去到剛剛lunch前, e生睇晒上午d証同埋可能兔仔唔食野真係好緊急, 所以即刻睇包包, surcharge係一百蚊, 最後佢地好好人冇收到, 連今日覆診二百蚊都冇收, 真係好好.