豆豆囡囡絕育記

由女女五個月就開始考慮俾唔俾佢絕育,
同好多新手兔爸兔媽一樣唔知點做好,
但最後豆媽我好趕急咁係上星期BOOK左DR BETTY前日星期五絕..

一早九點幾起身,好彩前一晚執定晒O的野,水樽同草等,
因為我住係北角,最後去左黃大仙轉的士,好彩趕到都係1020,
呢日有成8隻兔兔做DESEX,有4隻係兔協既兔兔,佢地好乖架

等左一陣就入去俾betty檢查,
因為豆豆剛剛8個月,BETTY原先話見佢咁細唔知得唔得,
點知一上磅有成1.49,之後檢查心肺都好好,
所以BETTY先俾做,但最難就係簽同意書果刻:046:
因為上星期有個兔友分享佢兔兔因為DESEX對麻醉敏感所以走左,
而BETTY又話每千隻兔兔就有一隻敏感,
而且係冇TEST可以做架,好擔心但最後都簽左:050:
之後就靠豆豆既意志喇,
成個星期日日都同佢講會點痛,媽媽會黎接佢等說話,希望佢既意志會強O的...

之後4點鐘返去接豆豆,BETTY話會上堂教點樣護理佢地,
由普通養既注意事項到手術保養都有提及,
最後教餵草粉同藥,
因為豆豆之前係藥煲,所以唔駛係姑娘面前示範:014:

返到屋企,豆豆成隻呆晒,可能真係好累,
成日走黎走去既今日瞓左係度唔動,連鍾意既草粉都唔食,
幾驚佢唔食野,點知佢瞓左一陣之後自已去食草草同菜菜,
嚇死我,不過佢都係好累

到左星期六豆豆好似已經復原返,會走黎走去又會食野,
可能豆豆仲細,所以復原得快,
第一日我已經冇俾佢戴頭罩,
佢一戴住就好唔舒服,就冇晒心情,
見佢唔搞個傷口就是但佢啦,

今次好彩冇事,但宜家就要等下個星期覆診睇下個傷口埋成點,
好緊張呀!:026:

恭喜晒豆豆~ (同我隻仔同名的XD)
要努力復原啊

恭喜恭喜豆豆!
到時毛毛絕育我都一定會同你一樣咁擔心.....
驚驚..:056:

第一次係咁架啦~
有咩事記得打返診所問

唔知佢係咪走黎走去,
今日同佢檢查傷口時發覺唔係一條線,
好似爆開左咁,
但佢又好似冇乜野,
會唔會係個傷口爆左架??:029:

我都好驚我隻橙仔會對麻醉藥敏感呀..
係呢. 想問問desex之前食個d草粉係咩樣同咩brand ga?
係唔係平時T草個D草碎就得架啦?
THX~~

當然唔係啦,草粉係oxbow 既蘋果香蕉味,原味兔地唔食架,
要的話就要去vet度買,
草粉唔係草碎,佢包括左好多營養係入面,
係好有用既營養補充品,
其實每個兔爸兔媽都應該有一包用黎睇門口,
因為如果兔兔有時唔肯食野,病左或做完手術都應該食,
就好似我地人既人參燕窩咁,
果時我豆豆睇好多次醫生唔夠營養都係靠醫生叫食草粉養到宜家肥肥白白,
去vet買一包同叫佢教你點餵,因為餵草粉都有技巧架

人都有TEST，點解兔兔冇架......

仲要一千隻兔入面有一隻敏感.....

係呀,找聽到dr betty咁講我都好擔心,
佢雖然係用麻煩煙霧,
但都會有敏感,仲要係冇得test,
即係可能因為咁死左都唔知乜事

好驚呀!!~芊芊黎緊都要做..
4/2011....吾做又吾得

你同佢講多O的啦,佢會明架,
只要搵熟手既vet 做我諗問題都唔會太大既
兔兔既意志力係最緊要