學完AC, 想徵求動物傳心練習個案

之前因為見林爸去學animal communication,因為想知女女既想法就走左去學,
但學完之後發覺呢樣不可思議既野係可以幫助到好多動物,

當然我宜家剛學完我唔係好肯定可以100%將訊息傳俾主人,
但希望各位可以提供你地仔仔女女既個案俾我練習,
等我可以慢慢進步,多謝大家支持!

如有興趣動物傳心，請將以下資料傳送我的電郵或PM我,

1.動物正面照片一至兩張（清楚見到眼和面孔、兔或鼠類可影單面)
2.動物名字 (平時的稱呼)和主人的名字(動物面前自己的稱呼)
3.年齡(至少6個月以上)
4.性別
5.問題三條
6.MSN/ email 和電話(可以直接聯絡主人的方法）

如有任何問題，可以用以下方法查詢
E-mail/msn/facebook : [email protected]

因為特別原因,希望各爸爸媽媽唔好問以下類型問題
1 就醫、藥物、人道毀滅的問題
2 非動物所能回答的事
3 包括多個問題既問題
4 包括多個訊息既訊息
5 兩星期內曾經找過其他的AC去問既問題
(因為動物如果你成日問佢同一條問題,你都會覺得煩啦^^)
6 不愛自己寵物又希望透過動物傳心去改變佢地既行為問題

收到所有資料後,我會於一個星期內聯絡及回覆各位爸爸媽媽,
多謝各位支持!:001:

話說學完AC第二日, 我就要出trip去東北地區- 瀋陽

一心諗住只好等返到香港先可以開始我既AC practice,

點知今日係-30度既雪地之中俾我發現一隻狗狗,

可能我係上堂practice既都係家庭寵物,

對比自由放養既動物, 我第一次接觸到咁串既動物。



Q1: 呢度咁凍你唔怕咩?

A1: 我都慣左架啦,怕乜 ? (聲音)

Q2: 你有冇人養你架?

A2: 我住係一埋藍色小平房果度 (聲音,影像)

Q3: 你平時食乜架?

A3: 乜都食,主人食乜我咪食乜囉..(聲音,影像)

Q4: 咁我聽日都呢個時間搵你傾偈再見下,好冇?

A4: 見到咪見囉, 我唔知呢個時間我會係邊咼 (聲音)



對住呢隻狗仔真係串爆,

而第二日我呢個時間經過果度又真係見到佢咼,

雖然唔知係真實定偶然, 亦冇主人核實我收到既信息係

今次第一次同一時間接觸兩隻兔兔,可能因為一齊問,有o的答案經佢地媽咪証實後有o的真係掉轉左,可能係interrupt左既關係。

兩隻兔兔剛好一冷一熱,一隻想同另一隻玩,但另一隻就最好唔好煩我,我都明白佢地媽咪既擔心,如果係我我都唔知可以有乜辦法。當知道兔地點諗之後,我都試下係個媽咪個角度諗下可以點做,但就算諗到都好難做,所以兔地既媽咪要加油喇~

兔兔A: 覺得佢串串地,最好唔好煩佢攪佢

Q1: 你係屋企開唔開心呀?

A1: 有乜所謂, 咪又係食同

呢隻媽媽眼中既皇帝仔真係好易滿足, 呢個case 隻兔兔好小朋友, 同佢傾偈佢把聲好得意, 而佢既性格都好得人鍾意。

兔兔: 好為食,好鍾意同主人一齊,可以跟出跟入就已經覺得好幸福

Q1: 係屋住得開唔開心,幸唔幸福呀?
A1: 好開心,有草草食, 有菜菜食, 可以周圍走, 可以跟住你地走黎走去最開心 (影像, 感覺)
主人回應: 佢好鍾意跟住我地四周走, 跟左一陣就跳兔仔舞

Q2: 得你一隻兔兔會唔會好寂寞呀?
A2: 我想有兔兔陪我玩,但我怕你地之後會唔理我 (影像, 感覺)
主人回應: 怕佢一個自己會悶, 所以想知

Q3: 我有乜野可以為你做架?
A3: 我想食多o的菜菜, 特別係綠色有波浪形葉既菜 (影像, 聲音)
主人回應: 唔係成日俾, 只有買菜既時候先有, 多數都係食車前草, 白菜唐生菜呢o的類似所形容既都有俾過

呢隻case既媽咪真係好錫兔兔, 又見到一隻好幸福既兔兔真係好開心, 但最後一題我諗左好耐都諗唔到佢俾我見到既究竟係咩菜, 好似白菜唐生菜, 但又好似唔係, 我諗媽咪要慢慢去試下兔兔鍾意邊隻喇~

呢個case 好順利, 可能我有左小小經驗, 而且問題比較平常, 所以兔兔答得好直接, 希望有進步, 之後既case可以接收得更準確啦, 最多謝既都係呢位兔媽俾我既支持, 好開心佢有一隻快樂兔兔係身邊。

今次呢隻兔兔好乖, 俾我感覺好consider佢周圍既人, 係一隻好鍾意人愛錫亦好愛錫人既兔兔, 雖然係仔仔, 但把聲好女仔好嗲好得意。

Q1: 你係屋企開唔開心呀? 大家都好錫你

A1: 開心, 你地成日同我按摩同摸我, 所以我好開心跳兔仔舞 (影像)

主人回應: 跟據形容,摸佢既應該係男朋友既爸爸, 成日行過都會摸下佢



Q2: 你有日整親隻手仔, 好返未呀? 我地好擔心你呀

A1: 我冇事呀, 唔駛擔心 (聲音)

Q2 (cont): 咁你有冇邊度唔舒服呀?

A2 (cont): 左右手既關節生硬 (身體感覺)

主人回應:  佢成日周圍好快咁跑跑跳跳, 成日好怕佢會整親



Q3: 你鍾唔鍾意去屋企以外既地方玩?

A3: 去草地玩會好開心 (影像)

主人回應: 我冇同佢出過街乜滯, 有帶過佢去玩, 唔知點解佢會話去草地



呢隻兔兔好怕屋企人太擔心自己, 佢係果o的好乖好considerate屋企人既小朋友, 佢把聲雖然好嗲,但佢好似乜都知道咁, 同佢媽咪傾完後發覺佢屋企人真係好緊張好緊張佢,可能佢一直都見到,唔想自己令到屋企人唔開心, 所以我問佢第二條果陣佢話冇事會自己好返,但我再問既時候, 其實佢係有小小唔舒服的。

好多小朋友都好乖唔想我地做主人既擔心, 所以我地好多時就要留意返佢地o的活動喇。

今次呢個case 做得好好,因為同兔媽都傾左好多兔兔既野,之後更加了解返呢隻兔兔,除左第三條, 我之前搵ac幫我問我個兔兔去唔去公園玩,都係出左個草地既畫面, 我都諗左好耐都唔知點解, 之後有個朋友同我講會唔會其實兔兔一生出黎就知道有草地呢樣野, 就好似天性一樣, 咁呢樣就真係唔知道喇。

呢隻愛情鳥我第一眼覺得佢真係好靚, 七彩顏色既羽毛俾人好開心既感覺, 而且同佢傾偈之間我覺得佢係一隻好珍惜屋企人既雀仔, 佢俾我個感覺好哲學家, 因為佢好鍾意沉思好自己一個。

Q1:飛飛係姑媽屋企已經住左咁多年, 你住得開唔開心?
A1: 唔係好開心,覺得好沉重, 好想靜 (感覺, 影像)
主人回應: 當係我鋪頭住, 佢會係窗外望街, 係會好靜

Q2: 我係被迫送飛飛去姑媽屋企住, 你有冇嬲我?
A2: 冇嬲, 一個中長髮戴眼鏡既女傾偈同埋放佢係手指度(影像)
主人回應: 中長髮戴眼鏡既女係我黎既, 我好多時會放佢出來, 佢好中意飛去我膊頭/手指度玩我手上既野

Q3: 飛飛你想繼續係姑媽屋企住, 定係返黎同我住?
A3: 想同主人住, 好唔捨得主人,覺得好恐懼 (感覺, 影像)
主人回應: 佢宜家係同四隻小動物一齊住的

主人一直都誤解左雀仔覺得佢同其他動物一齊會開心過一隻自己, 但今次呢隻雀仔係鍾意靜, 至少主人知道佢既諗法而知道點做, 呢隻雀係自來雀, 但佢好珍惜佢同主人一齊既日子, 佢覺得只要可以見到主人佢就已經好開心, 唔駛話雖要做o的乜野。

其實好多小動物都有咁既諗法,可能因為我地主人就係佢地生命中既唯一, 係佢地既全部, 就算佢地有其他小動物作伴都好, 佢地只要認定左果個係佢地主人, 佢地就忠心不二, 所以希望我問完既答案可以幫到主人了解佢地既小動物, 為我地既小天使做晒小小野。

今次其實係我最怕收到主人回覆既一次, 因為呢隻雀仔俾左一個人既影像, 我始終唔係有多次經驗, 好怕呢個影像係我幻想出黎, 但當收到主人話係佢黎之後, 總算自己冇收錯信息。

我發現好多主人問佢地小動物問題其實都係o的emergency既問題, 我亦都好開心俾到佢地知道小動物點諗。

我同每位搵我傳心既主人都講話, 如果你有時有o的野想同佢地講,其實只要靜靜地望住佢, 用個心黎同佢講的話, 佢地係會聽到架, 唔需要講出口既, 只不過你唔會收到佢地話俾你聽既信息o者。雖然聽落好似好神奇,但其實佢地係真係知架, 試過有主人成日同佢小朋友講同一樣野, 之後搵我傳心同佢小朋友confirm, 佢小朋友竟然話佢知道, 講左好多次啦咁, 所以大家可以試下呀~

呢隻龍貓媽咪既性格真係好媽咪, 佢既屋企人唔係佢主人, 而係佢女女同爸爸, 佢無論做乜都好, 千萬唔好傷害佢既屋企人, 雖然佢未至於會同你"死過",但佢既怏樂就係建基於呢樣野, 可能因為佢覺得自己有一個家庭, 所以佢俾我既感覺係好媽咪feel,好成熟。

Q1: 覺得之前戈屋企開心d定係而家開心d..?
A1: 冇乜所謂, 可以同其他龍貓一齊就冇問題, 唔理籠外有乜事發生 (感覺, 影像)
主人回應:  總算知道佢既性格係點

Q2: 你想我再做多d咩.?
A2: 想多o的出籠出面走走,想自己一個可以出籠外面玩 (影像)
主人回應: 佢地會出去玩架, 但試過一次得佢冇出到去玩,但唔知點解

Q3: 之後會多隻兔仔.你要同佢做好朋友知唔知?
A3: 多一隻兔仔唔緊要, 擔心隻兔仔會唔會咬佢地 (聲音, 影像)
主人回應: 希望佢同隻兔兔可以好好地啦

Q4: 想唔想去見下第二o的同類朋友仔?
A4: 初初要睇下佢地係點先, 都好

同媽咪傾完之後有機會同埋爸爸傾, 我當初以為佢會好正經, 點知原來佢仲小朋友過其他動物, 呢個龍貓爸爸係非常貪玩, 為食既程度簡直真係只要用食物, 佢就會乜都唔記得。我同佢傾過陣咁

小龍貓呢個case係由一個主人介紹黎既, 我當初接呢個case果陣好冇信心, 但又好想幫呢個主人, 事關隻龍貓女女已經去左彩虹橋, 我明白到主人既心痛, 特別係自己唔能夠陪到佢地走最後既路就特別痛心, 而係我同龍貓女女傳話果陣, 更加感受到佢同主人五相既不捨之情, 令到我都好唔專業咁流眼淚。

主人覺得對龍貓女女唔住, 因為當初係唔錫佢, 直至到龍貓女女病, 佢慢慢照顧佢開始先鍾意佢, 所以感到對佢有o的虧欠。但對龍貓女女黎講, 佢既一抱一笑對佢黎講都係恩典, 佢甚至當主人係佢媽媽, 仲講左句"你做乜要同我講對唔住?"

雖然只係短短十個月既生命, 但佢活係呢個世上係開心幸福, 佢好唔捨得, 但佢冇辦法, 只能藉ac幫佢傳話, 我知道佢有好多野想講俾佢主人聽, 係短短十五分鐘佢不停咁同我講野,而且係好緊張既語氣, 好似怕我會唔記得傳話。

呢隻龍貓女女係一隻好開朗既龍貓, 佢好鍾意係佢身邊既一切, 直至到佢宜家到達彩虹橋呢一刻, 佢都好感恩佢遇到既所有野, 佢唔希望佢周圍既人為左佢而唔開心。

Q1: 對唔住, 你會唔會原諒我?

A1: 我唔會唔原諒你, 你對我咁好, 唔好因為陪唔到我所以唔開心, 原本我係想等你返黎, 只係我好累, 而且知道你會因為見到我咁而唔開心, 所以我唔等你 (影像, 聲音)

主人回應: 好開心佢原諒我, 我知道佢原本係想等我返黎



Q2: 你仲有咩野係想我做?

A2: 幫我睇住龍貓a, 我怕我唔係度佢會唔食野, 你要笑多o的, 我鍾意你抱住我笑果樣 (影像, 聲音)

主人回應: 佢有事前一直都係龍貓a旁邊

今次呢個case既兔兔成日好想出黎玩, 就算佢自己有一個area都好想主人可以陪住佢, 但因為佢發情, 佢主人就怕左佢諗住等佢自己一個玩, 因為好多方法試過都冇用, 佢就因為咁而唔開心, 佢既發情行為就愈嚴重, 主人就愈唔陪佢...佢都算係一隻痴身兔, 好想主人陪佢, 因為一直以來主人都會幫佢按照等等, 但因為主人怕左佢就冇做, 好在呢隻兔兔同個主人好在早o的知道個問題, 唔係的話我諗會愈黎愈嚴重。

Q1: 最近一出黎就周圍尿尿,點解呢?

A1: 我想你陪我, 但你唔理我, 我想你留意我咪咁做囉 (感覺, 聲音)

主人回應: 我呢排係真係比之前少左陪佢好多, 因為佢一出黎就係我手發情, 我阻止唔到



Q2: 身體有冇唔舒服?

A1: 手臂關節同胃有小小唔舒服, 好似食滯咁, 不過有乜事 (感覺)

主人回應: 佢呢排成日衝入籠又衝返出黎, 會唔會因為咁



Q3: 你鍾意o的乜野?

A3: 我想同你一齊睇電視陪我, 我鍾意玩橙色放糧既波波 (聲音, 影像)

主人回應: 我陪佢果個area係冇電視, 但我真係冇放佢出黎咁多, 至於玩具佢係有個放糧既波波, 但係係粉紅色, 而佢另一個玩具係個公仔就係橙色喇

今次無意中幫主人解決左一個大問題, 同主人講完個結果後發現呢個原來係一個惡性循環, 主人唔理佢, 兔兔就愈唔乖, 之後主人就更唔想理佢, 好彩宜家主人總算知道兔兔乜事就可以陪佢多o的, 等佢可以好似以前咁, 主人覺得今次個問題有個答案, 因為兔兔突然間咁做, 主人都唔知點解決, 但宜家起碼知道兔兔點諗。

今次唔知算唔算解決左一個行為問題既case呢?雖然係一o的好輕微既問題, 但都好開心幫主人解開左個問題徵結, 呢隻兔兔其實真係好唔開心, 佢把聲好冇心情, 睇黎佢真係好想主人可以陪佢多o的, 我諗呢樣野每隻小動物都想, 好似我屋企隻破壞王豆豆, 尋晚真係好想佢放鬆唔好咁緊張, 抱住哄左佢

至從12月學完AC之後, 因為我一直都唔係香港,

所以咁多個月既集體練習都miss左,到尋日先至係我第一次參加。

今次student night 除左可以同其他動物傾之外,仲想知豆豆諗乜,

因為佢絕育之後性情大變, 而我又對佢毫無辦法,

唔知係咪我始終都覺得同佢ac會有bias, 始終都收唔到個答案。

多謝Loki話俾我聽加強心連心既方法同鼓勵,

不過最後都趁student night搵其他同學幫我問豆豆



以下係"外表天使, 內裡魔鬼"豆豆個答案,

聽完之後我都冇野好講.....



Q1: 你點解絕左育之後成日咬同抓媽媽o的床同被呀?

A1: 我想有多o的私人空間, 我想有私隱

AC回應: 佢細個果陣可能唔會理呢o的,但因為佢已經大個女,佢會想有一個地方係佢睇唔到我,而我又睇佢唔到既私竇, 可以有野俾佢咬



Q2: 你唔鍾意o的乜?

A2: 我唔鍾意你推我patpat 叫我走,呢度我都有份, 點解我唔可以周圍走

AC回應: 可能有時因為安全理由要佢走,但呢個方法唔可以再用喇



Q3: 你點解上次去兔兔嘉年華, 你又話想出去玩識朋友仔, 但你一見到其他兔行近就走?

A3: 我點解要同佢地玩呀?



Q4: 咁你點解成日無端端就踏地發脾氣?

A4: 我鍾意呀~



Q5: 咁你仲想唔想出去玩?

A5: 想, 不過唔要有其他兔兔



兩個AC同豆豆講完之後都一致都認為佢根本唔覺得自己係一隻兔兔,

佢覺得自己同我地一樣, 而且佢仲係男仔性格,

而我發現佢o的性格同脾氣同我呢個主人以前細個係一模一樣><

真係物似主人形。



Loki知道豆豆既結果後叫我以後要好好教好個女,

因為佢已經有"公主病", 都唔知係咪我仲慣佢, 唉~

我都知我好少陪佢, 上student night呢日我都係朝早5點先放到工,

其實我個女都已經好乖, 有好多時媽媽全日都返唔到屋企,

佢都冇嘈出黎算係咁, 但希望可以教好佢啦~



呢晚student night我仲搵左同學幫我同離開左既大佬同係生死邊緣既細佬AC,

我好開心宜家大佬好活躍好開心, 佢冇嬲我,

因為我係因為怕知道答案所以遲遲都冇同佢傳心。

至於細佬,佢想有草, 但佢宜家脫唔到殼令佢好不安,

所以我諗我要做返o的野, 我見左佢好耐都未可以安心挖沙埋自己真係好驚。



最獲益良多係今晚我除左同5隻狗仔傾偈之外,

仲同左一隻馬仔傾偈, 其間我同佢講到想喊, 之後同主人講結果果陣兩個都忍唔住。



實情係呢隻馬仔由細養到大,唔老但有先天問題但一直都冇事,

直至有一日馬房同主人講佢唔可以再騎隻馬仔,

因為佢背骨已經負荷唔到人既重量,

主人好想騎佢, 但覺得自己好自私, 因為佢始終有病,就問左隻馬仔:



Q1: 我想再騎住你跑, 但你宜家有事我仲想咁, 我係咪好自私?

A1: 我都想你騎我周圍走, 我覺得好自由好有依靠, 我知道我做唔到, 但我真係好想, 我都知你好想, 但我真係唔知可以點做...

Q2: 之前我病冇黎探你, 你原諒我啦?

A2: 我明白架, 我唔想你擔心我, 我冇事架, 我真係明白架~

Q3: 你有乜想同我講/

A3: 我想出去跑, 我唔想留係度, 跑去邊都好, 我知道你唔想只係拖我散步, 我知你想騎住我跑, 我知架, 我感覺到架, 因為我都好想可以咁做, 但我真係諗唔到有乜辦法, 唔知可以點做....

我同馬馬傳心果陣, 除左因為佢對主人果份情誼同caring 令我感動外,

我覺得最痛心既係佢果份無奈同徬徨, 佢完全冇晒辦法,

但佢呢種唔開心亦只會令佢病情惡化,

同時我明白作為主人既自私, 始終馬馬唔係老,

我地主人唔介意陪佢地終老同照顧,

因為馬唔同其他動物可以日日都見, 每次見佢都想可以去"感受"佢,

但宜家呢個機會因為馬馬既病而減少,著實令人好痛心。



今次student night令我學左好多, 見到好多同學學完auto drawing

令我都好想快o的去學, 可以用多一個技巧去傳心,

好多謝兩位幫豆豆同大佬做auto drawing既同學,

幫佢地送左幅畫俾我~

好多謝俾我同佢馬馬傳心既同學俾我係呢度分享佢個case,

同其他同學俾機會我同佢地既寵物傳心。

下一次就要等到3月14日喇~

大家好, 我係一隻狗仔, 但其實我連自己幾大我自己都唔知,

但我好肯定我比有好多小狗都幸福,

因為係呢個世界上仲有人會擔心我掛住我...



我的快樂時光
我細個果陣係俾一家人由寵物店買我返屋企,

果陣我同一隻白色既狗狗同埋姐姐一齊住,

果時我好開心,因為有一個錫我既主人同同我玩既同伴...

過左唔知幾耐, 我再唔小朋友喇, 我既身體開始有o的毛病,

我知道我既病令到姐姐成日要帶我睇醫生,



真係唔要我?
有一日如常姐姐帶左我出去,

但今次去到一個放滿好多車既灰色地方就放低左我,

開左我個籠門, 之後好奇怪咁同我講左一句:

"你小心o的,知唔知道呀?對唔住呀!"

之後就係我眼前消失左,

我想跟住姐姐, 但佢實在走得太快, 呢度又多車, 而我又未黎過呢度,

所以我行下行下甚至連我個寵物籠, 我現時既家都搵唔到...

我好心急咁想搵返主人, 因為我知道佢唔會就咁就唔要我,

所以我一定要留係度等姐姐返黎。



新既家?新既生活?
唔知過左幾耐, 我一直迴避o的車, 因為我怕佢地會捉我走,

唔俾我再留係度等姐姐....

但好可惜我既身體唔爭氣, 而且又因為冇野食,

阻左一段時間, 我都唔知幾多日喇, 我終於支持唔住...

之後唔知點解我去左另一個屋企,

因為我一直都唔清醒, 當我真正回過神黎既時候我發覺我去左第度,

一陣熟悉既味同白色既環境話俾我聽我又去左醫生度,

難道姐姐黎接返我? 我都話左佢唔會唔要我啦,

但帶我睇醫生既人唔係姐姐把聲,而係一個男既...

當我再清醒既時候我都唔知過左幾時,

我淨係知果把男聲同佢既屋企人都好照顧我,

慢慢我康復返,但當然一直纏繞我既病都仲係度,

但我已經融入左呢個屋企,而我又有一個爸爸喇,

繼姐姐之後, 我又多左一個爸爸,

不過係我冇用,係我等唔到姐姐返,

但我好多謝爸爸照顧住我, 唔係的話我諗我已經唔知去左邊喇..

[ 本帖最後由 pamela_peony 於 2011-3-21 04:31 PM 編輯 ]

兔兔係咁多種動物之中最有安全感但又最鍾意逞強既小朋友,

好多兔兔都係好貪玩, 而今次既兔兔都係其中一隻,

屋企對佢黎講係一個安全網, 冇任何野比起家更令佢安心,

我了解佢對佢主人同屋企既信任係主人用左好長時間先建立到出黎,

因為對於一隻棄兔黎講係好難再信任其他人, 特別佢地既安全感特別小,

但今次既兔兔可以將佢屋企建立成自己既地盤, 主人實在用左唔少心機。



Q1: 係呢個家開唔開心，滿意嗎？

A1: 有媽媽同我玩躲貓貓, 我知媽媽捉到我好嬲, 又有草草菜菜食好開心

主人回應: 多數我想抱佢果陣佢就匿埋, 見到捉佢唔到



Q2: 仲想唔想出去玩�識其他兔兔？

A2: 唔好太嘈同太多燈整住我都得架, 識兔兔就要慢愎,我好怕醜架...

主人回應: 好少會帶佢出街, 可能習慣左屋企好靜既環境, 所以好怕嘈



Q3: 點解成日都咬媽媽?

A3: 因為媽媽俾我咬完個反應好搞笑, 我覺得好好玩

主人回應: 佢果下衝過黎想咬我果下真係好恐怖



Q4: 有咩想同媽媽講?

A4: 多謝媽媽對我好,有好多菜菜食, 不過我想食多o的, 我知我好多時都搞到媽媽嬲

主人回應: 好多謝佢咁講, 只要知道佢鍾意就ok 喇



主人既辛苦冇白費到, 因為兔兔感受到主人對佢既愛, 佢好喜歡呢個屋企俾佢既溫暖, 好多時我地身邊既小魔怪其實佢地好care我地主人, 而我地既感受佢地係完全知道架, 所以佢地好清楚主人對於佢地既感受。

不過呢隻兔兔都幾惡作劇, 因為媽媽驚訝既反應令佢覺得咬媽媽好好玩, 我諗主人唔可以再咁大反應喇, 而且仲要同佢講係痛架, 如果唔係第時玩慣左就好難改架喇。

有一日,爸爸又再帶我落街行,

係我最鍾意既散步時間,

但突然我嗅到一陣好似姐姐既氣味,

我完全冇理會爸爸就向左果個方向一直跑,

我知我自己離開左爸爸既視線範圍, 我知佢會好擔心我

但唔理咁多, 我一定要搵到姐姐,

點知我走呀走, 我再嗅唔到果陣氣味,我更加搵唔到爸爸...

爸爸,對唔住呀,又係我唔聽話又走失左....

我係街度行, 但好似成個迷宮咁, 一直都搵唔到一處我熟悉既地方,

過左冇幾耐落雨喇, 我想搵個地方避雨,

但就好似冇一個容納到我既地方,

因為除左我之外都有好多比我大隻好多既狗...

[ 本帖最後由 pamela_peony 於 2011-3-21 04:43 PM 編輯 ]

可以返屋企?
"狗仔狗仔,你點呀?"過左唔知幾耐, 我聽到有把女聲同我講,

我睜開眼見到一佪長頭髮戴眼鏡既女仔,

佢見我有反應就用左個紙盒戴住我上左車,

我唔知道去邊, 之後先知道原來又係去醫生度,

我唔知醫生同個女仔講乜, 因為我好累留意唔到,

我淨係知道個氣氛好沉重, 甚至比我任何一次睇醫生果陣更嚴重,

個女仔甚至喊左出黎, 究竟發生乜事? 做乜個個都咁樣既?

之後個女仔抱左我去另一間房,

佢係我耳邊同我講:

"狗仔,對唔住呀,醫你唔到, 醫生話要同你人道毀滅,

你之後去到天堂果陣要同其他狗狗好好咁生活,

到時會有好多狗狗同你玩, 記住呀!"

之後個女仔就拎係我隻手, 而護士就幫我打左支針,

好快我就覺得成身好累, 累到我已經支持唔到...



我既終點- 彩虹橋
我唔知發生乜事, 一直以黎就好似發左一場發夢咁,

但我宜家仲好記得我既姐姐, 爸爸同幫我既女仔,

呢度有好多同伴同我一齊, 而我感覺到我身體好健康,

我係呢度好開心, 呢度有一個戴眼鏡既大肚腩叔叔照顧住我,

唔知同我有乜關係呢?

我知道爸爸仲好掛住我, 唔駛擔心, 我宜家雖然係彩虹橋,

但當你需要我果陣,我既主靈一定會返黎你身邊支持你架..

係我對你唔住,你對我咁好,但我就因為頑皮走失左,

要你擔心, 爸爸, 唔駛再擔心我喇, 我宜家過得好好,

"對唔住~多謝你對我既關愛!"

-完-


呢次係我第一次咁打個case出黎, 我做完之後一直諗點樣可以present到個case,

呢個case既background係個主人係幾年前走失左一隻狗仔,

搵我傳心最主要想知道隻狗仔宜家究竟係生定死, 因為狗仔係一直都有病既,

呢個blog最主要既資料都係由狗仔果度問返黎,

狗仔既遭遇好慘, 但佢從未懷疑過每個人,

佢好樂觀深信每個人都係對佢好既,而且忠心,

所以前半段係走失主人未能確定既...

但好開心過左咁多年呢個主人仍掛住狗仔,可見不離不棄,

今次第一次咁樣打個case出黎, 而且呢個case做果時對我黎講係一個挑戰,

因為我連狗仔既生死我都唔知道。

希望各位主人都愛自己既寵物, 因為佢地既一生就只有你一個, 忠貞不二..



最後提醒各主人,如果有走失動物的話,

最好搵AC幫手, 因為我地可以問返佢地宜家係邊帶返佢地出黎,

但當然唔好搞好耐先搵我地, 因為唔知佢地會係生定死,

而且搵AC果個一定要係legal owner, 我地唔會接受其他人要我地搵走失動物,

唔好諗住呃我地, 我地只要一問隻動物就會知佢主人係邊個。

所以各位主人如果有動物走失左記得搵AC幫下手,

總好過等人地見到啦!