兔兔能否直接飲水喉水呢？

見有兔友說某寵物店老板說香港的水適合兔兔直接飲用，更能增加抵抗力添！
我半信半疑，煩請各兔友給些意見。:043:

香港既水有chloride, 其實連人都唔可以直接飲

野兔係會飲生水, 亂食野, 所以野兔一向唔長命?
寵物兔一般抵抗力比野兔更低, 飲食一定要執到正

我以前係屋企樓下執兩隻衰女返去養時咩都唔識，又用網底、又飲生水，初初仲淨食糧冇食草，兩隻嘢反而健健康康，仲幾長命。
宜家隻衰仔係長期病患者，比以前兩隻矜貴得多
我有時諗可能粗生粗養仲健康

其實講真果句,冇話邊樣唔得既,
人都可以飲生水食生肉架,
食得多習慣左粗生粗養唔會死得去既,
只不過你呀爸呀媽唔俾你飲,教你唔好之嘛,
佢地都可以叫你咁做架,
你宜家就係兔兔既爸爸媽媽,
你點教佢俾乜佢佢一定受架,因為佢都唔知,佢唔會知咁樣係唔好,
只係你係度拎走緊兔兔享用健康野既權利,
你唔好話人地o的人點樣對人唔好, 唔俾呢樣果樣
因為你都係度唔俾兔兔享有佢可以有既野~

原帖由 pamela_peony 於 2011-1-27 07:17 PM 發表
其實講真果句,冇話邊樣唔得既,
人都可以飲生水食生肉架,
食得多習慣左粗生粗養唔會死得去既,
只不過你呀爸呀媽唔俾你飲,教你唔好之嘛,
佢地都可以叫你咁做架,
你宜家就係兔兔既爸爸媽媽,
你點教佢俾乜佢佢一定 ...

嘩！你駛唔駛咁激呀？
我只不過講返以前執兩隻兔返去時咩都唔識，做錯晒但好好彩佢地都冇事。
我有話我宜家俾生水佢飲？唔俾草佢食咩？
我點樣拎走緊兔兔享用健康野既權利？點樣唔俾兔兔享有佢可以有既野呀？

唔係澈,只係真係眼見好多人真係咁,
只係想提下你而已,
唔知唔係錯,但好多人明知都會係咁做,
因為養得動物,佢既一世就係你架喇,
所以唔想有人將佢地當玩具,
你都有眼見我地兔友身邊係有o的咁既人,
我地可以阻止到講到就固然好,但唔得我地都冇辦法,
可能語氣大左,但係都係想你好好咁對你既兔兔

原帖由 pamela_peony 於 2011-1-28 05:40 PM 發表
唔係澈,只係真係眼見好多人真係咁,
只係想提下你而已,
唔知唔係錯,但好多人明知都會係咁做,
因為養得動物,佢既一世就係你架喇,
所以唔想有人將佢地當玩具,
你都有眼見我地兔友身邊係有o的咁既人,
我地可以阻止 ...

我宜家當然知道要點樣照顧兔仔，只不過宜家隻衰仔咁矜貴，但反而係長期病患，見佢成日打乞痴，有時仲打到chok親個喉嚨，我都替佢辛苦，諗返以前兩隻照顧得唔好，反而健健康康，有d感慨啫！
我都明白你係想兔兔好，不過講真你之前d語氣真係幾差。我都想你明白，有好多黎呢度問嘢既都係好多嘢唔識既新手，如果人地一講錯少少嘢就鬧人，會唔會令到人地唔敢黎問嘢？咁反而會幫唔到佢地！

唔得!
我自己用濾水器再用酒店個d水煲煲水 等佢凍左再俾兔兔飲!