側頭兔籠春夏點佈置?

我兔兔有側頭, 已發病5個月了=], 而家setting是alex紫色大籠入面放了1個fit size的軟cushion兜+毛巾+尿片 + vet bed 的

冬天秋天還可以keep住洗vet bed, 第2日/3日就乾

但春天/夏天來了, 想問問籠應該點set? vetbed將會乾得好慢, (我而家暫時有3張替換) 而且我怕天氣潮濕vetbed 尿左又會更潮濕, 怕對兔兔皮膚/毛髮有影響?

唔該唔該:001: :001:

原帖由 rubee 於 2011-2-15 10:53 AM 發表
我兔兔有側頭, 已發病5個月了=], 而家setting是alex紫色大籠入面放了1個fit size的軟cushion兜+毛巾+尿片 + vet bed 的

冬天秋天還可以keep住洗vet bed, 第2日/3日就乾

但春天/夏天來了, 想問問籠應該點set?  ...

開抽濕機得唔得呀?
唔係話側頭既小朋友要用細D既籠咩?
其實我都唔係好清楚呀,等其他有經驗兔友答你啦^^
希望兔兔身體健康#^54^#

berki, 先謝謝你^^ 其實兔兔雖然側頭, 但係除左頭仔所有野都無問題, 而家行/跑都唔會跌或撞到野, 同埋有軟cushion 兜0係入面protection 住佢, 基本上都唔會撞到鐵欄, 所以用返而家個籠都ok既#^5_002^#

另外想問一下有冇一d 低d既兔兔廁所岩側頭兔兔用呢? 自從病發後就唔識得去廁所了! 因為牠以前去廁所係好叻的, 所以想試一下培養返呢個習慣, 謝謝

我都照顧緊隻側頭兔兔哦，最初佢亂咁拉尿(完全冇固定地方)，我同你一樣都係驚佢成日訓係尿濕左既VETBED上面，所以決定試下放個廁所(之前迪迪用既普通長方形廁所)入去，本來兔協教我唔好用廁所個網底，但係隻傻妹唔敢跳入去，反而加左呢，佢一枝箭跳左上去，仲好開心成晚係咁跳上跳落，同去廁所~ 我見佢唔會成日走上去坐，就由佢囉~ 宜家雖然都會係廁所外拉尿，但係範圍細左好多，只係固定某D位~
係咪已經試過放舊廁所佢唔用呢?

VETBED既問題我都遇到，好似前兩日落雨，我返唔切去收VETBED...濕晒唔夠換...有兔友教我用風筒吹乾佢，如果只係差少少未乾，尼個方法真係幾好，可以試下~
夏天時會開冷氣，諗住到時唔好天個陣就掛係冷氣吹到既位置，不過我都未試過到夏天，唔知VETBED係咪真係乾得切~

大家交流下~ CC~

ernie, 我而家有放返舊廁所比佢咖 (三角形果隻), 但係佢就無上去柯, 佢反而中意上半身伏0係上面, 下身半伏0係枕頭仔度訓, 激鬼死, 我試過拎走佢個廁所, 佢反而不知所措, 因為佢慣左墊住訓, 而唔係用黎柯cc vv=_= 我都唔知點算...  我好怕回南天vetbed 濕淋淋會易生蝨!!

想問一下你的兔兔而家行路ok嘛? 你係用咩籠呀? 迪迪可以自由出入籠嗎?
thx ah!!

RUBEE，其實係迪迪走左之後，我申請左做暫養哦，而兔協俾左EXPRESSO我照顧，CC~

可能MO B覺得墊住個頭訓舒服D，但係又唔訓枕頭仔，真係傻豬~ 有時EXPRESSO都會訓左半個身上去廁所的~ 唔知MO B係擔心跳上去企唔穩? 定係佢係跳到上廁所只係唔肯係廁所尿尿呢? 一係試下俾個新廁所MO B睇下有咩反應?

好似EXPRESSO咁，發現傻妹要有腳踏實地個種感覺佢先放心走動，太軟既野佢好似唔敢行上去，我最初試過放張3摺個種薄墊褥係地諗住俾佢D大範圍走動，唔怕佢跌親，點知佢行都唔行上去...

本來我都有放枕頭仔，但係衰妹第一日就拉晒D尿落去，洗完好多日先乾透，之後就冇放入籠了~ 我都係用ALEX紫色籠的，籠入面就尿片+VETBED+廁所~ 宜家傻妹出入完全冇問題了，仲好鍾意跑圈，有時仲跳兔仔舞架~ (不過脾氣大到暈@@)

咁MO B既情況點呢? 平衡得如何?

可能因為係3角形廁所啦, 正常佢要柯VV都會跳上去然後轉一轉身, 而家佢就唔識呢個動作了, 都唔會點企0係廁所上面, 淨係好懶鬼地攤上半身0係廁所度, 好似墊住個頭仔會舒服D咁!

其實毛B初初側頭係行都行唔到, 淨係碌碌碌, 或者靠個籠邊借力依住先坐得到, 到後來慢慢練返行路, 到而家行得都OK, 可以通屋行, 跑, 甚至快速跑(當然對他來說是快啦, HAHA)...#^75^#

牠會自己入籠, 但出籠有點困難, 好多時都係眼神叫我抱佢#^74^# EXPRESSO咁叻女既識得又出又入!! 其實ALEX個出入口都幾高的啊...

想問一下你用ALEX籠, 籠邊係唔係都係WRAP左毛巾? 因為果時毛毛唔行, 又一仆一碌, WRAP 毛巾都整到飛走晒, 所以我買了1個同ALEX乇同SIZE 的CUSHION 兜放在ALEX籠入面, 問題來了, 我怕他夏天會熱啊...

咁會唔會係唔夠位佢轉身呢? 定係轉身佢會覺得暈哦?
其實EXPRESSO都好懶豬架，佢通常都係玩兩玩就攤下，休息完又再行兩行又攤:056:

ALEX個籠真係幾高的，迪迪個時跳出黎有時都會KICK到腳仔，但係尼隻傻妹完全唔會，我成日覺得佢個跳出跳入個姿勢好似人地D跳高選手咁架~

因為佢唔會撞到，所以我都冇另外放毛巾入籠了，佢會係咁咬...其實如果MO B已經行得好穩，可以試下拎走，睇下情況如何~ 我覺得兔兔其實好叻的，之前我都買定D保護用既軟墊之類，點知傻妹唔鍾意，就算跌佢都要不斷試，好鬼硬頸架佢，我幫佢佢仲反而DUMP地...所以不妨試下等佢自己練習下習慣下，佢地會自己搵到方法的~ 當然要係屋企時可以睇住佢先試啦~

等我買個大d既廁所, 睇下情況會唔會改善先!!

expresso真係好叻呀, 側住頭咁高都跳到? 而家佢側幾多度呀? 因為mo b 仔跳入籠果時有時大力得滯, 都會仆一仆, 哈哈... 所以我都唔敢拎開d 軟淋淋.... 我而家考慮緊買個狗籠, 個出入口低d, 可能會對佢方便d =]

好丫~ 希望MO B快D用返廁所啦~

我之前見佢係會度位架，用牙仔咬下左邊咬下右邊，然後試到某個角度佢岩岩好跳到入去為止~ (兔兔真係好聰明，哈哈)

我都唔知算係幾多度哦，但係都幾側的...我想問下，你會唔會見到MO B有時個頭會正的呢? 例如佢抓癢、洗面面既時候~

EXACTLY!!!! 佢抓癢, 洗面果時係正咖!! 有時食野食得太激動都會突然正返=0=
MO B 其實都好側下, 佢有70度到..因為佢係膿瘡壓內耳中耳... 都唔會正返咖喇 #^77^#

我家隻傻妹唔知咩原因側頭，都有問過兔協佢個頭仔有冇機會正反，佢地話應該唔會...但係每次見佢個頭正反既時候，其實都會好開心，同埋心入面會有一絲絲既希望有一日佢個頭仔會好返...:044:

每日我都會幫傻妹按摩下，希望佢頸位、耳仔會舒服D冇咁累~
MO B鍾意按摩嗎?

:040: 唔知係咪日日幫佢按摩，宜家佢越黎越嗲豬，成日跟係我腳邊，又成日貢個頭埋黎要我同佢按摩，好可愛丫~:073:

我隻豬都係係側架~ 不過30度到  佢係兔協果時叫JUDI  XD
佢係兔協果時有TOILET 不過唔係次次去
番到家就識得用TOILET喇 好少痾濕出面
我諗要俾D時間佢適應番
佢都好鍾意用TOILET (LONG住個頭)  我都係用白色長方形果隻
我諗係頸仔累
佢都好鍾意按摩仔架
希望佢地以後都無病無痛啦~~:048:

CARROTYAN，你好丫~ 我地係兔協見過面架，哈哈~
個次我同朋友去幫忙清籠，見到JUDI「僕」係你到好耐都冇擰計要走佬，好舒服咁俾你按摩，CC，我地仲讚佢咁乖豬~ :055: