我的兔兔骨折

我已經送她去看醫生,現在留醫中...唔知有無兔友知道,通常咁樣,好唔好得返呢?因為佢下半身都唔郁得,醫生就話有机會好返,但都有D會行唔到...都要好長時間康復~我真係好擔心佢~

兔兔依家係邊間醫院啊?

搵個好小小既醫生呀要,趕得及醫,多數會好番...但都要睇骨折程度

如果斷得太碎可能唔係咁樂觀...

仲有一個問題...主人要諗諗點解自己寶貝會跌親..係唔係家中環境令佢容易發生危險呢

點解攪到咁嚴重? :050:

點解會搞到下半身郁吾到:050:   發生咩事

而家睇緊邊個醫生啊?記得搵O岩醫生,搵到個好醫生,對你同兔兔都好呢~~~

祝兔兔早日康復

祝早日康復！兔爸/兔媽也不需太擔心。:020:

佢現在係大圍珍禽異獸睇DR.NICOLE,唔知佢好唔好呢?兔兔唔係跌親,佢係自己係個籠入邊整親的,唔知有咩嚇親佢卦.因為佢之前仲好地地,都無出過黎玩.我阿媽話佢比左D菜佢食,見佢唔知係咪跣左一下.夜晚十一點佢突然好到典典下,我仲以為佢抽筋.見佢後半部好似唔郁得,就馬上同佢出去睇醫生~第二朝再去睇大圍個間,照左XRAY同抽血,見佢spinal cord 係中間腫左好似歪左咁,唔知好唔好得返...

應該係扭親下je~一定會好返既!!!!!:002:
不過會唔會係個籠有d位會kick住佢隻腳仔??
真係要小心檢查下呢...

今日我再打去問佢可唔可以拎返佢,佢地話佢好嚴重...原本話可以拎佢返去照顧,又話現在多左個問題,要睇埋佢小便係咪自己疴定流出黎,如果唔係要學識同佢按膀胱先得.但佢地又講唔定佢好唔好得返,放佢係度都係佢地餵下佢食野同醫生巡察,咁不如我拎返去照顧係咪好D呢>因為我好掛住佢,況且又唔係住二三日就知佢好唔好得返>每日住係度要890蚊,加埋之前檢查各樣成五千蚊都唔知夠唔夠比,我驚佢長住我比唔起咁多錢...

我明你既處境同諗法∼
我當初都有咁諗過...

其實宜家都唯有等聽日助護打比你confirm返究竟兔兔係自己小便定失禁流出黎...先可以再確定到下一步點做∼因為萬一係失禁的話,就一定唔止整傷腳咁簡單...
其實醫生現階段都只有等,因為佢都無辦法去迫兔兔拿拿臨小便∼
但住院的話起碼醫生可以按兔兔既情況開d勁小小既止痛藥比兔兔,
相對兔兔都會無咁辛苦∼

雖然金錢負擔係重,,但係都要等兔兔確認出得院先..
佢既安全先係重要..如果唔係就前功盡廢架喇..

sherry14hk，
Dr. Nicole 係大圍其中一位好好o既獸醫，醫兔仔好叻，同埋樣樣都係為動物著想，你要相信佢。
不過，問題係...spainl cord injury 係非常之嚴重o既問題，假如人有spinal cord injury，將有機會下半身癱瘓，兔仔亦如是，如果發生o係人身上，你去問醫生呢個人會唔會企得返起身，我肯定醫生都唔可以答實你的。
spinal vertebrae 骨折o左，同時會令周圍o既soft tisse 發生腫脹，繼而further 壓住spinal cord，令病惻看起來更加嚴重，所以要俾一段時間，睇下d swelling 會唔會subside一d 先，同時，spinal cord injury會影響下半身神經，有d情況會令人/兔控制唔到膀胱，即係排唔到小便，假如發現唔到呢個問題，會有機會爆膀胱/中尿毒的，所以醫生咁講係好正確o架，你真係要相信佢地呀....
錢o既問題當然明白係好貴....我都唔知點幫你好....但希望病理上，又或者其他問題上，我可以幫到你啦...
p.s. 好多時spinal cord injury 好常見於兔仔身上，因為佢地jumping power 強，同埋d兔籠又多gap，好似zip 住隻腳後佢地用力踢，一chok 條spine 就會斷o架啦...大家o既籠要小心揀呀....

希望你兔兔無事啦...

Dr. Nicole唔係返美國教書咩