有邊d兔仔..養到大都唔會好大隻 ??

因為唔係好識d 品種..
想養下兔仔..但想問清楚..
睇左好多兔兔名冊.. 好似隻隻都有番咁上下size...

有無d兔兔係一隻大掌咁大架 ?? or最大去到隻半手掌 ??
分享下兩張唔知咩種, o係廣州買既兔兔相..

[ 本帖最後由 shinningforce 於 2011-3-13 12:23 AM 編輯 ]

其實如果真係想去領養呀不如~因為兔協個D都長大成兔~ size都定了!講真你去街買隻隻都話三個月大,不過有好多兔友都認為只有幾星期大!我今日係旺角都睇左幾間,好多都呆下呆下,好無精神！唔係嚇你~真係有好多人買左返去有病~唔夠幾日去左彩虹橋~！去領養又可以慳到絕育錢，可以確保兔兔完全健康！最重要係可能令被遺棄既兔兔有溫暖既家！如果唔係財爺個6000唔多”come”洗了！

原帖由 beatrice1229 於 2011-3-13 12:33 AM 發表
其實如果真係想去領養呀不如~因為兔協個D都長大成兔~ size都定了!講真你去街買隻隻都話三個月大,不過有好多兔友都認為只有幾星期大!我今日係旺角都睇左幾間,好多都呆下呆下,好無精神！唔係嚇你~真係有好多人買左返去 ...

你講得岩.. 呢隻兔都係廣州偷運返黎..唔夠2日就去左彩虹橋..
但想先了解種類才決定...
所以想問下邊種會比較細隻..

咁~去兔協到睇就知道啦！因為多數混既都有差別！

其實有無邊度可以睇到兔兔品種同成長後size有幾大架 ??
我search 極都search 唔到..

你相裡面既兔兔應該連奶都未戒~咁細隻,好多人都好似你咁,覺得細隻既兔兔得意d,可愛d,所以果d商人賣既兔兔好多都仲未可以離開媽媽,就巳經拿出來賣了

最細隻既應該係侏儒兔了,但都無可能大定只有半隻手掌~若果你咁介意,兔兔的大小,去兔協領養成年的兔兔,就可以肯定兔兔長大後的木小了

原帖由 raywong521 於 2011-3-13 01:30 AM 發表
你相裡面既兔兔應該連奶都未戒~咁細隻,好多人都好似你咁,覺得細隻既兔兔得意d,可愛d,所以果d商人賣既兔兔好多都仲未可以離開媽媽,就巳經拿出來賣了

最細隻既應該係侏儒兔了,但都無可能大定只有半隻手掌~若果你咁介 ...

咁我咪俾人呃左..但我相中果隻兔又會不停咁食野..
我仲驚佢太飽..唔俾咁多佢..其實兔仔會唔會飽死架?
我都有一日餵兩餐..但個份量可能唔足夠..死因真係唔清楚..
爬文都話一日餵兩餐無問題..

我諗我會去兔協睇下架喇..唔該哂各位 !!

原帖由 aguiler 於 2011-3-13 01:50 AM 發表
糧就一日兩餐,T草同A草都要無限量供應喔...
兔兔中意食糧係正常的..
隻隻都係食完又想再食~但一定唔可以心軟比得多!!

我見佢食得草太多.. 所以餵少左糧..
唔知會唔會因為咁餓死..:043:

如果你俾無限量既草~而俾少左糧係唔會餓死佢嫁~~唔好咁自責啦~~

因為我上次睇獸醫...佢都建議我隻兔兔大左可以慢慢咁減糧都OK..只要KEEP住俾草~~

另外WHY一定要咁細SIZE既兔兔呢? 其實大小SIZE既兔仔都好可愛嫁~~:033:

樓主呀,唔好自責啦
你戈2隻係因為太細個離開媽媽
冇奶奶飲唔夠營養死架
你快D爬多D文
可以既話買返本書睇,有本係屋企都方便D
草係長期無限量咁放架
兔兔冇草落肚,腸停就會死
但係冇糧就唔會死既^^

太細SIZE既兔仔係好可愛
但係你抱起佢戈下唔夠"罪"手,又唔夠大都幾難抱架
大細SIZE既兔各有特色
你去兔協睇下啦~ 有D賓尼兔大大隻都幾傻幾可愛架#^51^#

琴日我上左兔協買草，比一個月前多左好多新面孔！希望樓主考慮去領養！:054:

希望樓主係搵岩合眼緣既兔仔之前，多D爬下文或者睇下書哦，因為見你好似連佢地既飲食習慣都唔係太清楚就買左兔兔返去...唔好因為一時衝動就養哦，照顧佢地真係要花好多心力同時間架，而且係對佢地一生一世既承諾~:054:
我都支持去兔協領養呢，真係多左好多新面孔，即係又多左好多棄兔...領養可以幫到D兔兔俾個家佢地之外，仲有得上堂學點照顧佢地架~

講真 而家出面賣 話佢隻兔兔係侏儒兔唔識大 你信唔信
咁你買到番去養養下 佢原來係會大... 愈來愈大咁你點?? 唔要佢

麻煩你養之前諗清楚
你有冇能力養佢地?
你有冇金錢養佢?
你有冇足夠既地方俾佢?????

停一停 諗一諗

唔該哂各位師兄師姊..
我都諗清楚喇.. 我會去睇下兔協先.. 有合眼緣先領養..
如果無合眼緣咪等下先lo..
還掂我都唔急.. 仲好啦有多d 時間俾我爬下文..
慢慢黎 !!:001:

anyway.. 如果隻眼仔養到好大..都一定唔會唔理佢..
始終都會有感情.. 多謝哂咁多位既意見 !! 由衷感激 !!

去兔協睇下都好既, 果度多數係成兔, size已定,
如果都認為太大隻既話, 養天竺鼠岩你多Ｄ
養咩都好, 俾心機揾多Ｄ資料