領養兔子

近日上兔協網一看發現少左好多待領兔子，其中一隻叫george，佢個樣好得意，但點解禁耐都無人帶佢返屋企?
有無兔友義工照顧佢?佢適合新手養嗎?我sd 左e-mail去，你地d 經驗由申請至帶他回家大概要幾耐?
其實，想養兔子好耐，不過，等到宜家grad左先有$ 同時間做兔奴...

http://www.hkrabbit.org/?cat=4&rabbitID=1921 < -?
我印象中 睇其他兔友講   你sd左領養表 佢係會約時間 等你上去做義工  

# 收到電郵或表格申請後，本會的義工會於10天內與申請人聯絡，並進行初步評估。評估項目包括飼養經驗、養兔知識、對待動物的態度、經濟能力等。
# 待所有申請完成評估後 (約需7至10個工作天)，本會會從眾多同期的申請人中，按個別兔子的需要和性格，選擇最合適的主人。被揀選的新主人會收到本會義工以電話形式通知。如有需要，本會會要求作家訪。如完成評估10日後收不到電話通知，即表示已落選，可考慮另選其他合適的兔子。
# 合適的申請將按其飼養經驗，跟據本會義工的安排，到本中心進行不少於一次的義工服務；主要協助清潔兔籠的工作。
# 申請人完成義工服務後，將被安排與領養之兔子見面，申請人及本會可於當時決定兔子是否適合被其領養。
# 完成義工服務後，申請人須接受一堂的基本護養訓練課程，完成後才可接兔子回家。
# 如領養的兔子並未進行絕育手術，本會會先安排兔子進行絕育手術，待手術康復後才可接兔子回家。




同我個女有幾分相似:063:  ..    希望你領養成功

[ 本帖最後由 小小夕 於 2011-3-13 12:05 PM 編輯 ]

太好啦~近日都只係見人講買兔！見你好領養太感動了！我家Boxing 仔係係兔協領養既！我其實開始打Blog,可惜太懶只打左一編！你可以睇下！係講我地點領養Boxing 既！http://hk.myblog.yahoo.com/beatrice1229/article?mid=90
其實我覺得你如果有時間去旺角兔協度睇下！我琴日都有見到佢！都幾可愛!加油！

佢原來在mk呀~我半年前上過去一次，果時只有好少兔仔，義工叫我上網睇~

佢好似係申請處理中架喎..
果個係咪就係你黎?
希望你成功帶到佢番屋企啦!

beatrice1229: 多謝你分享經驗呀~原來都要整成個月wo~
yanyi:你點知道佢係申請處理中?我見佢個狀態仲係待領中..
好心急呀,,希望佢快d打比我la~
不過,我都睇下li 幾日去中心睇下佢先~
始終網頁只有佢3個月張相..

George 應該未被申請, 我初時都有諗過佢

BB都要十月懷胎啦！等待新生命係要時間既！請好好準備！希望你領養成功！