-"- 分男女既問題

我本身有隻仔, 諗住換左個大籠, 買多隻仔返家陪佢啦,
我買個時, 個店員講明依隻係仔, 我先買, 為左隻仔,
我都行左好多次旺角, 因為次次睇親都係女, 好無緣...

買左返佢之後, 隔左1個WEEK, 今日放佢地2隻出哩玩啦,
點知... 我隻仔係咁擒住佢哩UN, 但我睇佢地器官, 2隻都差不多- -"
天呀... 我好想問... 係咪兔兔本身嗅對方就分到男定女?!
我係咪俾個店員呃左-,-" 當然依家都養左, 我都唔會話咩...
只可以幫佢地絕肓啦... 本身我唔想見佢到痛先想養仔-_-"

[ 本帖最後由 katatata 於 2011-3-28 02:33 AM 編輯 ]

小朋友仲細個好難分男定女
好多時連醫生都分唔到, 何況店員
所以要知佢男定女唯有等佢再大個D
大概4-5個月, 性器具開始成熟
如果係男仔既話會見到有噹噹

同埋兔兔唔一定異性先UN
同性都會UN, 搞GAY ~_~

仲咁細個,..好難分得到..
你係旺角邊間買?快d帶佢去body check好d~

依家都幾苦惱... 唔好理佢男定女都好,
依家係咁追住哩UN~ 嚇到隻新仔... 走來走去... 好鬼驚...

其實如果係男仔 個蛋蛋係米好明顯一眼望到=0=

小心D 2隻仔...唔絕育...
好易打交...:051:
兔仔見到同類都UN
我個2隻女
細個隻買返里都比大UN...

:050:  都唔知會UN到幾時... 依家細仔仲好細仔, 我都睇唔到係男定女~
因為唔好係女啦, 我一心只係想2隻仔一齊住~><" 我唔忍心去絕育, 見住佢痛...

養兔之前應該做多d功課~唔好樣樣野諗得咁完美-.-兔兔太細,連獸醫都好難分到男定女,男仔大大下會見到有噹噹

佢地un有時係當遊戲,有時係欺負對方,有時係扮大佬,有時係交配

兔仔同兔女最好都係絕育架~無分男女的,老左生殖器官都會出毛病

兩隻兔兔未絕育前,比較難相處,明明無乜野,都會突然之間打交,可能你而家見唔到問題,係因為佢地仲未長大~

agree raywong521!
"佢地un有時係當遊戲,有時係欺負對方,有時係扮大佬,有時係交配"
同埋就算佢地只係玩都唔好比佢地UN
因為UN果時會好肉緊又咬又抓住被UN果隻, 好痛架 >_<

另外仲有既係.....
一陣佢地要爭地盤爭到噴尿你就慘喇 囧
我見識過....會嚇你一跳 orz


同埋好似樓上既朋友咁講
你兔兔係MK買既話怏D帶佢去BODY CHECK
同埋暫時唔好同另一隻一齊玩一齊訓住
唔好一陣有咩病轉染左比大果隻 -_-