兔兔對於出街好唔習慣時.......

因為聽日絕育既原因，而我屋企比較離那間醫院遠；於是乎我決定
先去令佢適應一下先。
就裝左佢係個寵物袋到，再拎住佢去超市買野，買完再係樓下平台坐低。
誰知道．．．．．．
唔知係因為沿途我行路搞到一登一登，定係佢驚驚既關係，我放佢係到坐既時候，
俾野佢食佢都唔肯食，嚇得我。

之後去左個少人既角落位，兩個人（我媽同我）盯實佢俾佢出黎行一陣。
但，佢一野ｊｕｍｐ左落地板上，我同我媽盯實佢都驚驚地（因為佢個樣好似下一秒就會奪命狂奔咁）。
結果，都係擺番佢入個袋到先，懶得佢走左真係搵唔番就大件癬。

最後，回到家．．門口，到在走廊時，放佢落黎，佢即刻認得屋企係邊，衝到屋企大門前（當時門正關），見山左門，就死死氣調頭，跟住我就開門啦；之後就黎啦佢．．．．

佢居然用著唔洗兩秒既時間快速奔回家中，更要好像驚我捉佢走咁跑到屋企勁入先係停。


．．．．．．　　　這麼害怕，那麼明天要搭兩個鐘車咪糟糕？


Ｔ．Ｔ我該怎麼辦！

其實兔仔天生好細膽
不過又唔洗驚的
上次我帶我隻細去睇醫生~ 驚左小陣之後又係走里走去
係診所到周圍行~
同兔仔上街小心D 唔係咁搖, 最好坐火車咁都無咩問題架LA~

5洗怕
去到e院就好生猛
番到去佢應該好累
等佢訓下先.之後佢先食野
ps.出街5洗帶水瓶.佢地5會飲的.水瓶口可能會除行路登登下.俾人撞到等而插親佢.可以的話可俾d菜

好心就搭的士啦~雖然係貴左D,但為左佢地安全,唔好驚,坐飛機都係咁話~!!

原帖由 ccychoy 於 2011-4-9 08:45 PM 發表
5洗怕
去到e院就好生猛
番到去佢應該好累
等佢訓下先.之後佢先食野
ps.出街5洗帶水瓶.佢地5會飲的.水瓶口可能會除行路登登下.俾人撞到等而插親佢.可以的話可俾d菜

同意.. 我上次兔兔去到個到 (第1次)
佢係 木台 我一路摸佢 1路同dr.ma傾緊計
之後佢竟然趴左係到訓教:056:

dr.ma仲話佢訓得好搞笑:056:  
到走喇 佢個衰女仲趴係到唔願郁 推佢..佢都唔起身
要我抱走佢:025:

原帖由 小小夕 於 2011-4-9 09:10 PM 發表


同意.. 我上次兔兔去到個到 (第1次)
佢係 木台 我一路摸佢 1路同dr.ma傾緊計
之後佢竟然趴左係到訓教:056:

dr.ma仲話佢訓得好搞笑:056:  
到走喇 佢個衰女仲趴係到唔願郁 推佢..佢都唔起身
要我抱走佢:02 ...

哈
佢真系得~
系芝麻定花生?

原帖由 ccychoy 於 2011-4-9 10:04 PM 發表

哈
佢真系得~
系芝麻定花生?

芝麻:025:
岩岩出街已經係袋入面郁黎郁去.. 開個袋口望下佢 佢仲新個頭出黎:026:   
都唔怕既:008:

我家兔兔一d都唔驚出街! 係出街箱到都可以訓得好舒服咁訓教!
去到診所就周圍跳,唔俾佢出黎就咬箱!!
我兔兔出街都會照食野..又食菜又食草..不過我都建議你唔好帶水啦,因為真係無咩用...俾菜佢地食野..菜有水份嘛!

我去九龍城都好遠,都差唔多兩個鐘頭車程..不過我兔兔習慣加上唔驚.所以帶佢出去都放心d! 遲d帶佢絕育,我都諗住揸車or call的士/van去..因為驚搭巴士耐同埋整親佢傷口!

我兩隻兔兔都好大膽，一d驚都冇:024:
正賢佢就好有出街經驗，因為之前出街睇e生睇到熟哂~
放佢落袋都唔會跳番出黎..:021:

呠呠都幾驚出街架.
不過我發現當我開左個寵物袋伸隻手入去摸下佢.
慢慢佢就會冇咁驚架喇~
跟住仲伸埋個頭出黎.差d仲撲埋出黎= =
嚇到我即刻禁住佢= =巴士附近d人係咁望xd
唔食野好正常=o=
上次同佢去兔協剪完甲佢勁驚~
跟住俾糧佢都唔食xd
番到屋企俾佢係地下走下~
跟住再加條菜菜~又變番隻暴走兔~

岩先搭左巴士再轉的士去絕育＝＿＝
巴士反應如下：佢係個袋到訓鬼著左，不時看下風景但唔敢食野。
的士反應如下：登既機率多左，佢突然偏左一邊，之後再偏另一邊（因為的士轉彎）；之後嚇到呆左。

到左醫院反應如下：要我抱佢出黎，但佢企係左果到之後一陣，就開始好奇地唔安份走動（要我禁實佢先企定定）。

我兔兔上次去搵betty都係搭巴士
仲要係舊式果種好嘈的
但成程不斷食草食菜無有怕
去到拉開拉鍊仲好8掛咁伸個頭出黎周圍望
咁睇可能的士車細"登"d wor...

平時我搭的士聞到的士d味都會好唔舒服，
唔知兔兔聞左會唔會呢..

[ 本帖最後由 angelaska 於 2011-4-10 03:22 PM 編輯 ]

無計－　－因為我屋企唔搭巴士再轉的士既話；
真係唔知有咩方法去（行路大半天左右）。

不過佢驚驚地，係的士果陣；好在番黎唔洗搭的士，
如果唔係怕佢登登下爆線仲大鑊。