charcoal仔做哥哥喇

好開心想同大家分享charcoal仔10月就做哥哥喇,我的bb在兔年出生,所以我呢個「兔媽」到時就會有2個兔b,哈哈.

想請問大家,有b的人接觸兔兔應該冇問題掛?我宜家日日都係照舊同charcoal玩,有時仲會好close咁哄下佢,不過兔爸同我媽都話叫我減少接觸佢,搞到我有d擔心,因為charcoal同我既關係最密切,如果我唔同佢玩得咁埋,我怕佢會唔再親我/對我冇咁熱情喇~

而且,日常清潔同打理兔籠+便盆的工作已經由兔爸自覺咁take-up左了,我諗應該唔怕影響到細佬/細妹?

我同兔爸一直都視charcoal係家庭成員,佢係我地既大仔,所以我好期待bb出世之後我地一家四口影全家幅的日子~我可以想像到,一定係好sweet的!

恭喜你:002: :002: :002:

恭喜「兔媽」!
希望你兩個「兔B」都健健康康!

公喜哂!
見到你有左bb都唔放棄兔兔真係好感動!
兔兔同bb一定可以快樂咁一齊成長哩

首先恭祝妳身體健康，BB快高長大！:001: :002:
很多人都擔心BB會唔會對兔兔敏感，其實BB如由細和兔兔一起，敏感情況應不太嚴重！:057:
不過要勤掃地和吸塵，最好加埋大馬力空氣清新機就至好啦！:053:

恭喜哂
bb睇到charcoal甘cute一定好中e佢

多謝大家!
養兔是終身應承諾,我絕對唔會因為有小朋友而捨棄charcoal.我反而擔心bb初初出生既時候因為要比較忙,大家會因為咁而冷落左charcoal.我會好好計劃下,確保日日都有人同charcoal玩先得.相信兔爸同我既屋企人會好好睇住佢,唔比佢悶親的.

另外,由於我同兔爸都要返工,大家一早商量好,bb第時跟公公同婆婆住,charcoal仔就跟返我地.bb會有好多人錫同照顧,但係charcoal從小就冇左親生媽媽在身邊,我同兔爸宜家係佢最親既人喇,所以我地當然要日日陪住佢.有好多人生完bb之後就將寵物比其他人照顧/甚至棄養,只係focus on個bb度,我覺得好殘忍呀,動物都有感覺+感情的,凡事總有方法取得平衡既~

恭喜晒~~~~~~~~~~~

恭喜 ~~ ^^ :053:

Congratulation:001: 叫兔爸勤d幫小兔梳毛,等兔媽唔駛吸到d毛.:038:

恭喜恭喜恭喜:001: :001: :001:

恭喜晒你！
真鄧你開心！

恭喜晒呀~!!!
charcoal仔有你地做兔媽兔爸真幸福呀~!!!
都唔知細佬/細妹會唔會呷醋添呀...:073:

衷心多謝大家的祝福+提點/建議~ 我同兔爸會好好記住的~

想同大家再分享一個小插曲:
上年八月生日既時候,我抱住charcoal對住生日蛋糕許左一個願,我暗地裡同charcoal溝通,祈願charcoal可以祝媽媽在一年之內生個小b陪佢玩.
宜家願望成真,我開心之餘,心底裡好感謝charcoal.雖然兔兔好可能都唔知我地諗咩講咩,但係有時直覺話我知佢地好有靈性.所以呢,冇charcoal仔的話,可能就冇細佬/妹妹了,我比以前更加珍惜同charcoal的時間,那怕是數分鐘的massage,我都會好投入咁令佢舒服同開心.

可能大家會覺得我有d「迷信」,但係我梗係覺得charcoal係我既守護神,哈!有時我同charcoal爸出街,大家都會掛住阿兔,有時仲會話「如果可以帶埋charcoal黎呢度(玩)就好喇~」
唔知各位兔媽兔爸有冇呢種感覺呢?

好開心睇到妳無因為有咗bb而唔要兔兔,我以前有個親人就係因為有咗bb而唔要家中陪咗佢多年的狗狗,真的很過份,所以我真心祝福 妳們一家生活開開心心,健健康康! :002: