再見了

由第一日見到你 就覺得你軟綿綿 好脆弱
雖然我曾經三心兩意 但係因為你個嘟樣
我決意帶左你返屋企 我真係開心到想喊
我夢寐以求既你 終於出現
我從來都無諗過 我可以有你陪伴
就算真係好鐘意 但係我都唔敢輕易帶1條生命返屋企

結果作為1個新成員既你 初次見面我就已經比你嚇破膽
擔心到成晚都訓唔好 第二朝前所未有甘早起身
第一件事就係探下你 情況穩定 仲識八八掛掛
不停甘打比唔同既診所 佢地都話比我知你應該都無咩事
我先安心落黎

過左幾日預約好醫生 買好新出街袋
準備出發 雖然有甩漏
但好在細心既醫務所
提醒左我 仲補充我既甩漏
我就變成萬事俱備

當醫生話我知你無大問題 只係有小小鼻水
都算係健康 只係要準時食藥
我簡直想話比所有人知 我既呀嘟好叻仔

當我心滿意足甘帶你返屋企 第一次同你梳毛
襯呀b出街 仲第1次比你係屋企四圍行
平時比隻b霸佔既地方都係你嫁喇
你嘟到直接係廳中間訓左 仲hea到爆
見到你甘健康 我簡直放心晒

我將你安置好 就出發去出街
我無諗過我地以後會無得再一齊玩
我唔可以照顧你
我承諾過你 會陪你終老 我做唔到
我永遠都會掛住你 我既乖嘟
雖然只有短暫七日 但係希望你曾經開心

今日再打比診所 想問原因
醫生護士都覺得好突然
因為琴日既佢係幾甘乖 完全無特別既症狀
所以都唔知道原因
佢地只係答左我好可惜..

請節哀..
佢係彩虹橋一定過得好開心架!
choco都係7日就走左..
走之前仲好生猛..
我明白架.__.

樓主唔洗咁傷心架><
因為兔兔佢係彩虹橋會好開心食草草,生果,菜菜,
可能重同其他兔兔一齊跳開心舞TIM~
佢遇到你呢個主人已經係佢一生之中最幸福的事了..

不要難過,佢知道你心意

rip兔兔;我明白你感受!因我的毛毛都在3個星期前走左!放心;彩虹橋有
好多兔兔陪嘟嘟咖!毛毛會幫手照顧佢咖啦!有一日你平復倒後;
考慮再幫一D弱勢棄兔;延續對嘟嘟的爱吧!樓主振作;共勉!

RIP,我的寶貝女兒叮叮會在彩虹橋好好照顧牠,你可以難過,但請難過1天就夠了,新的1天新的開始. 幫牠找個好的火化公司(叮叮是在再見寵X那裡火化的),為牠做完最後可以為牠做的事吧

請節哀。兔兔有緣和你一起已是大家的褔氣，要離開也是註定，請不必過分疚。RIP。

雖然相處只有七日.但佢都會感受到你既愛