兔兔好不安，亂咁便便同尿尿

尋晚試將MonMon由廳搬入房瞓覺，因為佢從未入過房，一入到房佢好好奇好不安，我一直都陪係佢則邊，但佢係籠內企起身週圍望週圍聞，但佢又有食草喎，無耐佢就係籠內亂咁屙便便同尿尿啦，我才驚覺原來咁少事都嚇親MonMon，我立即將佢搬返出廳既原位，幫MonMon清左Ｄ便便同尿尿，又用醋抹乾淨返籠內尿尿位置，跟住安撫左佢好耐，同佢傾計又用手摸住佢輕輕按摸同輕掃佢身體，佢定返神放鬆返仲伸長手腳趴係度休息，我繼續掃佢一陣，又再陪住係佢則邊，佢繼續食草同飲水，之後佢都識用返廁所啦，我才可心去瞓覺，一攪就攪左2個鐘頭。:026:

其實佢可能唔係驚(除非你間房好嘈), 因為兔仔係一種好好奇的動物, 所以去到一個陌生地方四圍聞係正常的, 而籠內四周便便同尿尿係因為去到陌生地方霸地盤, 如果佢唔係响籠度的話, 佢會响你間房度四圍去廁所

間房比廳還要靜架，初初接佢返屋企佢第一個半日係識得用廁所，但半日後我放少左貓砂，佢屙尿時好大聲her her聲，之後開始係籠內亂屙，我用醋抹乾淨哂，又好有心機次次屙完即刻教佢要用廁所，佢好快就識用返個廁所啦，我以為佢絕完育無耐只有8日有陰影怕痛唔敢用廁所添，原來係籠內都會有霸地盤意識架？
我將會搬屋，咁係咪佢去到陌生環境都會同樣有咁既情況發生架？:036:

原帖由 jinjin 於 2011-5-13 12:16 PM 發表
間房比廳還要靜架，初初接佢返屋企佢第一個半日係識得用廁所，但半日後我放少左貓砂，佢屙尿時好大聲her her聲，之後開始係籠內亂屙，我用醋抹乾淨哂，又好有心機次次屙完即刻教佢要用廁所，佢好快就識用返個廁所啦， ...

其實基本上去到一個陌生地方都好大機會會咁, 其他動物都會有咁的情況, 因為佢地要响呢個地方留有自己陣味, 咁佢會覺得比較安全, 同埋警告其他同類呢個地方係佢的, 而佢地想响呢個地方最大的範圍霸地盤, 當時佢响籠度, 咁最大的範圍當然係籠的四周, 到佢熟悉左個地方應該唔會咁

原來係咁，即係如果我要將佢搬入房瞓覺，佢係一定會係籠內亂便便同尿尿，到佢識應左就會識得用返廁所，明白哂，唔該哂:048:

咁MIMI都好勁啊~
佢跟我搬過兩次屋,都冇見過咁既情形
佢淨係好好奇,呢度邊度黎呀,係咁索,走圍走
不過因為間屋好細,所以佢都好快咁搜索完
其實我諗都好睇兔兔係咩性格既...

原帖由 carbee 於 2011-5-13 12:43 PM 發表
咁MIMI都好勁啊~
佢跟我搬過兩次屋,都冇見過咁既情形
佢淨係好好奇,呢度邊度黎呀,係咁索,走圍走
不過因為間屋好細,所以佢都好快咁搜索完
其實我諗都好睇兔兔係咩性格既...

係呀, 通常兔兔會好好奇咁四圍探索:031:

哈∼咁我既MonMon都幾霸道喎，得佢一隻都要週圍霸地盤:047:

好彩MIMI只會係廁所小便,如果唔係就有排煩~
(除左發難之外)
佢有一期好憎兔爸,仲試過~
--特登痾尿尿係兔爸拖鞋度:040:
--我隻鞋壓住兔爸對鞋,佢就會掉開我隻鞋,再咬咬咬,幫兔爸隻鞋飛邊!:042:
--衝入房特(集)兔爸隻腳,咬一大口,即走!!:073:
--其餘都係咬兔爸,手,腳,背脊都咬齊:078:

從o係兔協第一次見到MonMon開始，一向MonMon都識得用廁所尿尿同便便，未試過係籠以外既地方解決，所以之前果2次係籠入邊亂咁屙令我束手無策，我以為佢因為嚇親至會咁失常:036:
因為我係新手第一次養兔兔，一直以為係放出黎至會霸地盤，從不知竟然o係籠入面都會霸地盤:014: ，真係要問多Ｄ睇多Ｄ，儲下經驗至學得識養兔的要門。

初初開始我2眼:020: 實MonMon既行蹤，直到觀測到佢只會聞唔會咬鞋，我至放心唔駛睇得咁緊，對眼可以休息一陣間:056: 。

不用擔心啦　這只是普通的霸地盤行為。
但佢ｄ味有哂就唔會嫁啦∼

如果佢真係驚既徵兆就係肚柯同身體震；
如果佢只係到處企下望下就只係好奇，
我隻兔兔一出到新地方，好像走出家園同埋岩岩番黎果時都會係咁的∼

不用擔心啦所以∼

唔該哂小穎^^

好在暫時MonMon都未試過肚屙，就算第一日返到屋企佢都只係縮到一個波咁，可能我同兔爸之前上過兔協探過佢幾次啦，可能認得我地把聲同陣味掛 :031:

哇~;p
咁芝麻咪好叻仔..佢咩鬼都唔怕..
最怕就係比人嚇親..or比人抱到好高先瞪大隻眼...
震都唔見佢震下-3-