MIMI星期六要絕育

因為MIMI今個星期六要去絕育啦~
我呢個緊張媽媽依家每日都倒數緊~
始終MIMI依家都5歲幾,雖然DR.MA話風險唔過10%,但都好擔心啊~
成日都好驚果日會點,護士會唔會中途通知我,MIMI撐唔住~
SORRY,又帶左D負面情緒出黎,希望各位唔好介意.....

好啦,言歸正傳!有D照顧既問題想大家幫幫手
以我所知,兔女絕育係比兔仔難復原,
我想知係診所返屋企後有咩要注意?
我前一日會洗乾淨哂佢個籠同廁所,買定佢最鐘意既唐生菜,
駛唔駛早兩日開始比草粉佢食呢?(因為MIMI咁大個女都未食過,我怕佢到時唔肯食~)
另外就係個頭罩,聽聞兔兔戴左好唔方便郁動,又食唔到盲腸便,個頭罩又重!
但如果唔戴,我真係驚佢會搞個傷口,同埋我未戴過頭罩,我驚除左就戴唔返,咁我可以點做呢?
最後就係,咪要覆診架?大約幾耐之後先至去呢?
唔該哂各位:054:

emma,
我明你講咩呀!
護士都有教過我,今日再餵草粉好左好多
不過mimi食得唔多囉~
今日第二日,護士話佢完全唔食野就要餵120枝
今朝餵得兩次,第一次餵左15枝
可能今朝有益生菌佢食得好快,不過一陣又係咁掙扎,
我怕佢會整到傷口,所以餵到15枝就放棄左~
下午mimi瞓吓醒吓咁,唔多郁動,只係換吓位瞓
我見佢有自己食菜同少少草冇飲水,
所以冇餵到(因為兔奴又都累到瞓著左)hehe
第二次就係夜晚啦,不過仲少,只有12枝!
因為佢開始有返力,就係咁反抗,又係怕佢會整到傷口,所以停左

我依家諗緊聽日點算,因為兔爸聽日臨時要返公司做野,
冇人幫我捉住mimi都唔知點餵佢食草粉同藥~~
有咩辦法呢? 唔知可唔可以帶佢去兔協幫手呢!?

今朝一起身即刻走去睇吓mimi
仲諗住尋晚困佢係籠會發脾4添,點知冇喎(平時門係24小時開放)
食多左草草(平時既一半左右),有飲少少水,
最緊要係好多......圓碌碌既屎屎呀~~~~~~~~~
雖然比尋日大粒左,不過都未回復以前咁大粒~
mimi加油呀~~
佢依家好似平時咁,周圍走,好似咩事都冇發生過~
好啦,要準備餵草粉同藥啦,今日兔爸唔係度,希望我單拖搞得掂啦~:052:

終於成功左~
又求又拜,又讚乖,又要讚靚女
先食到草粉10枝,食哂要食既藥~
可能佢知媽媽今日一個人做辛苦,所以都算合作,
冇好似之前咁反抗得咁勁~
乖女啦,聽日媽媽要返工,朝早要乖乖食藥呀~:055:

mimi女加油呀#^65^#

mimi:見媽咪咁辛苦,我會乖d架啦,瞓陣晏覺先zzzzz........:055: