MIMI星期六要絕育

因為MIMI今個星期六要去絕育啦~
我呢個緊張媽媽依家每日都倒數緊~
始終MIMI依家都5歲幾,雖然DR.MA話風險唔過10%,但都好擔心啊~
成日都好驚果日會點,護士會唔會中途通知我,MIMI撐唔住~
SORRY,又帶左D負面情緒出黎,希望各位唔好介意.....

好啦,言歸正傳!有D照顧既問題想大家幫幫手
以我所知,兔女絕育係比兔仔難復原,
我想知係診所返屋企後有咩要注意?
我前一日會洗乾淨哂佢個籠同廁所,買定佢最鐘意既唐生菜,
駛唔駛早兩日開始比草粉佢食呢?(因為MIMI咁大個女都未食過,我怕佢到時唔肯食~)
另外就係個頭罩,聽聞兔兔戴左好唔方便郁動,又食唔到盲腸便,個頭罩又重!
但如果唔戴,我真係驚佢會搞個傷口,同埋我未戴過頭罩,我驚除左就戴唔返,咁我可以點做呢?
最後就係,咪要覆診架?大約幾耐之後先至去呢?
唔該哂各位:054:

回想當初~
我芝麻去做手術我都好驚...QAQ
果次個dr ma係度講 我有d眼濕~ 不過我baba係度~所以我廢事咁樣衰...
:p雖然我果隻係兔仔~
不過我覺得草粉唔洗提早喂~!
不竟 營養好多 ~而且當初芝麻係一隻死都唔肯食ge兔仔 !
姑娘話 好多兔仔都會肯自己食.
只不過我芝麻...絕對唔係乖ge兔仔...所以佢係比我逼住佢食的 !
另外..頭罩真係好重...
不過由於我果隻係兔仔..我都有時間睇住佢..
所以我會係佢食嘢果陣幫佢除左佢..
食完幫佢帶番~
頭罩好簡單的~係啪鈕泥的..
本來e 生 唔係整好緊的..
但芝麻一 兩日之後就係咁整甩個頭罩..
所以比我教到佢整唔甩 .../_\

個e生到時會同你講幾時覆診ga; )
放心~樓主ge兔兔一定會冇事ge ><!

ching,
我冇你咁勇敢,上次我好失禮係dr.ma面前喊左出黎啦(唔係嚎哭),可能真係太擔心啦!
人地兔兔鐘意食既小唐菜,娃娃佢通通都唔鐘意食架,淨係獨孤一味-->唐生菜or羅馬生菜~
姑娘都係話好多兔仔都會鐘意食,會自己食,仲叫我唔好擔心
所以呢,我就係驚佢好似芝麻咁,我唔想逼佢食,好驚會整到佢個傷口~
有咩方法可以安全咁逼到佢食呢? 因為我驚捉佢反抗會整爆個傷口呀~
我已經特登揀今個星期六去做,咁星期日同星期一放假就可以48小時照顧佢~

丁丁都約左星期6做絕育啊..
我都好驚,重專登請埋請星期二同三睇住佢

丁丁媽,你真係好錫丁丁呀,我都想架,不過公司比較忙,唔可以請到假,所以我得星期日同一可以陪到佢咋,唔知到時會唔會見到你呢~

dr ma 佢個劇本好句句都好入心?
佢講到某幾句個心就痛一痛 QAQ

佢地係用毛巾包到佢得個頭仔 :p
好可愛 ><
咁佢就冇得走佬喇 :p
芝麻係真係好鬼唔聽話ge兔仔;p xd
不過唔知點解..佢e家係搶草粉食...
就算係藥都係..逼佢食頭果幾次..之後就變左搶住食..-3-
可能佢撞親個腦..

ching,真係撞親個腦就大件事啦,HAHA
因為平時MIMI唔多比人抱,所以比較擔心要逼佢食草粉
我聽護士講,D藥係甜既,所以兔兔好多時都會搶住食
可能就係之前唔知,之後食過覺得好好味,所以咪搶住食囉~HEHE
DR.MA果次係同佢傾開絕育問題,可能我又驚MIMI年幾大,所以.......唉!

星期日同佢洗完籠,唔知點解,佢有部份尿尿同屎屎都冇係廁所痾~
平時佢淨係會係廁所痾尿尿,屎屎就9成都係,唔知點解突然間會咁~
兔爸話洗籠淨係用清水,冇落其他野,所以應該唔關味道問題~
唔通因為星期日屋企執左位所以會咁? (有部份傢俱換左位)

MIMI媽, 我好明白你感受, 因為我都係過來人.:022:
之前我個女女兔-BO BO去搵 Dr Ma 做body check, 發現咗個肚裡面有個腫瘤. Dr Ma 話好大機會係子官cancer. Dr Ma 仲教我點樣分同摸.
我都喊了出黎, 但係Dr Ma 好好人安慰我同 BO BO, 叫我唔好喊, 好採係早發現.
最後手術成功.

你同 MI MI 都要咁叻叻!!!!

我隻PI 6月尾都去做呀
兔爸話會請成個星期假睇住佢順便放下假
PI未食過藥同草粉
如果佢都會搶住食既話就可以慳返好多功夫
我可能唔洗請假, 兔爸自己都搞得掂

我隻兔兔都岩岩係5月28做左絕育手術呀...
做完手術我即 刻帶佢返屋企,佢好明顯好攰咁,唔多想郁.呢埋係一角...
因為戴左燈罩好難食野,要餵佢食同飲水..

第2朝見佢d便便細粒左,但佢都開始肯自己飲水同食草
到夜晚,我一轉眼,佢就痾爛便同自己咬甩左個罩..
嚇死我呀...好彩佢冇咬傷口.

同第3日朝早我即打俾e生,咁佢話兔仔肯自己食野同飲水都ok
痾爛便可能營養唔夠,要餵佢食多d野,如果keep住係咁要餵草粉.
咁我再打去問埋兔協,因為我好擔心,佢話兔兔受驚都會痾爛便..
叫我唔洗咁擔心...
同埋佢叫我試下除左個罩睇下佢會唔會自己咬傷口,如果唔會其實可以唔洗戴都得..
因為兔兔始終唔太鍾意個罩,又阻住佢食野.

我星期一觀察左佢成日佢都冇咬,所以之後都冇再戴喇.

我果隻雖然係兔仔,但希望d資料都幫到你少少啦..

btw,兔協話兔女復原冇咁快ga~要好好照顧兔兔呀.

bobolee,
點解dr.ma冇安慰我既:050: ,佢好似睇唔到咁,
反而護士姐姐見我摷左好耐袋都搵唔到紙巾,就拎紙巾比我:057:
mimi同bobo既情況都有d似,dr.ma摸到佢子宮附近有粒野,
仲話希望係脂肪粒,不過好少會咁大粒,所以有可能係子宮癗~
年幾大啦,唔驚都唔得~

pillow ma,
pillow就好啦,有專人一星期陪伴~
兔爸因為係返新工,所以唔請得假,
兔媽公司忙,唔可以請假:056:
如果可以我都想請返一星期假陪佢
不過我都預左48小時監測住mimi,護士話頭2日好緊要架~

arkayhk,
我都有諗過係平時唔比佢戴頭罩,不過驚佢會係我地唔為意既時候搞傷口,所以.......
唔知到時mimi會唔會鐘意食草粉同藥呢~
多謝咁多位既意見,希望有多d兔女絕育既資料啦~~:002:

我家薯蛋係女仔呀，都係28日去左絕育，佢係第一返到去呆呆地，但當晚已經會食菜。之後已經冇咩野，逐漸食返草，自已fing走個燈罩，第4日好似平時咁出來玩。

頭3日我地會墊薄薄的草，放哂d佢最中意食既菜係佢身邊。因為佢仲未會飲水，所以比多d菜佢吸收水份。

燈罩講真，絕對建議頭2日一定要帶，要狠心，佢一定會好可憐咁既樣，但我地要明白，咁係為佢好，因為佢舔傷個傷口，到時佢要再帶多7日頭罩。為你為佢，都係帶會好d。

食草粉及食藥是99%不中意的。我地用毛巾包實佢強餵的。

總之，放心啦，唔好緊張，你緊張兔兔都緊張架。

emma,
終於都等到有兔女既回復啦~
薯蛋好似復原得幾快喎,恭喜你呀~
我都預左會買定MIMI鐘意既菜菜比佢架啦~
唔知佢戴住頭罩用唔用到水樽飲水呢!?
薯蛋係咪到依家都係唔鐘意食草粉同藥呀?
因為我見有D初初唔肯食,但食過之後又會鐘意食~