眼垢問題

各位資深免友好! 近日發覺"肥波"眼角位出現白色大粒眼垢
帶過佢去睇醫生! 醫生話佢身體冇事腸胃OK! 係可能D眼側毛長!
咁我都幫佢剪左! 但近日重有出現! 想問問各位有咁既經驗嗎?
"肥波"泥左兩年啦!!一路都好健康!!謝謝解答

有冇打返比vet 講返你個情況比佢地 ??
話再一次發生

mimi耐不耐都會有眼屎架,不過佢又冇其他問題喎

講講下    我芝麻有時都有.跟住我會幫佢整走佢....   
但有時佢地洗面面都洗走左LU ~~
不過佢地D 眼K  黑黑地-_-  硬既一塊仔

我隻衰豬有時都有一粒仔硬既,上次到兔協時問佢地,佢地話正常,如一日很多可能有問題

靜妍間唔中都有架...用d濕綿花整走佢就ok...
佢行得,食得,訓得,痾得,重鬼打咁精神,
話佢有病就真係唔似..
e生都話佢冇事...

我都係徙手整走佢,事關MIMI冇反抗,hehe
岩岩醒起,佢呢兩日冇食菜又好似冇眼屎.........

原帖由 carbee 於 2011-6-2 04:57 PM 發表
我都係徙手整走佢,事關MIMI冇反抗,hehe
岩岩醒起,佢呢兩日冇食菜又好似冇眼屎.........

+1  芝麻仲會e埋眼仔  比我整=口=

再+1
PILLOW會合埋眼PA低比我地整
XD

機機基本上，一瞓醒覺就會有眼屎，好似我吔人咁，我都會隨手整走佢，但太乾會用棉花濕水整，我覺得有眼屎無嘜問題，如果太多淚水反而要着緊D (個人表態）

小問題,基本上每日摸兔兔頭仔就知有無眼屎,一摸就知的了.

摸頭仔代表妳關心佢,通常兔兔會好聽話咁扒低.
摸頭仔手有毛既就是開始換毛.
摸頭仔兔兔耳仔熱即係要開冷氣.
摸頭仔兔兔唔扒低又好興奮既係肚餓.
摸頭仔兔兔用頭推開妳既即係嬲緊妳.
所以每日摸頭仔呢下係指定動作.

其實仲有好多,不過費事講咁多廢話,因為離題了...