小白走左...

小白前日突然走左...我同媽咪都好傷心好內疚..
諗返起當時GE情況就好心痛.
果日我同媽咪都放假..諗住陪下小白..朝早小白仲好地地
有周圍走.但係好似冇乜點食個野同飲水..我地都冇乜為意.以為佢扭計想食零食
點知過左陣小白就好似好喘氣咁..個鼻係咁郁..個口又張開左..我以為佢熱就即刻抱佢係梳化上面
吹風扇..跟住又試下比佢最鍾意食GE零食 點知佢都係唔食..
過左陣佢就冇咁喘又食左少少草 我地以為佢冇事啦..冇帶到佢睇醫生
之後我落左街買野..點知小白就出左事..媽咪喊住打比我話小白突然跌左係度成身冇力..跟住隻手硬哂
唔識郁..我嚇到即刻跑返屋企帶佢去睇醫生.但係果陣已經7點幾..最近GE獸醫診所都收左..唯有出旺角睇24小時獸醫診所
我地住大埔搭的士去旺角都已經係半個鐘以上GE事..希望已經好渺茫..但係呢個係唯一GE希望
去到醫生幫小白檢查已經話佢走左..我地喊得更加犀利收唔到聲
點解我地放假都唔識帶佢睇醫生..個心真係好內疚好痛..小白我地真係好唔捨得同接受唔到..以前一齊玩一齊訓GE畫面係咁浮現
但係我知道已經冇可能再見到.點解你要走得咁突然.丟掉我同媽咪走左去
點都好
我地都算係陪到小白最後一程..好過我地返哂工剩低小白係屋企孤怜怜咁走
小白希望你一路好走..開開心心咁係彩虹橋生活..
你永遠係我同媽咪心中最可愛最痛錫GE寶貝
我地永遠愛你 LOVE YOU FOREVER.

[ 本帖最後由 narutosrsuke 於 2011-6-24 06:08 PM 編輯 ]

r.i.p~~
小白係彩虹橋會有其他兔兔同佢一齊玩,會玩得好開心~
樓主唔好傷心喇...唸下點同佢搞身後事啦..

rip
小白係新地方有好多朋友
會過得好開心~~
主人都唔好咁傷心~~
小白唔想見到你咁嫁~~
:063:

琴日小白已經火化左..
我地已經帶左佢返屋企..個心都定左D
但係都係接受唔到呢個打擊
小白係呢短短3年帶比我地無限GE歡樂
我地已經當佢係一家人
每次諗起以往GE回憶就好難過
小白我地好掛住你..

R.I.P
小白都會記得同你開心生活嘅時候，希望你振作, 好明白你的感受，因為我隻兔兔'mau mau'離開我半年了，我無時無刻都咁miss 佢

樓主小白永遠一樣錦愛你，所以不要傷心，否則佀在那邊都不開心

rip
小白係彩虹橋度有好多朋友仔陪住佢
樓主都唔好咁傷心啦,小白都唔想見到你咁~

rip..  
小白會有好多兔仔係上面同佢玩   ...  小白都唔想見你唔開心嫁><

rip..
小白會係上面好好睇住你地架喇!

RIP.....
小白去到彩虹橋會有好多小朋友睇住佢~ 唔好太傷心啦

醫生有冇話小白走的情況，可以心情平伏些再養一隻動物啦！

be happy la~~佢會:038: 開心的

我睇到篇POST都好心痛...
放心吧,小白佢係彩虹橋會好開心咁生活

不用擔心，彩虹橋上有很多兔兔陪伴小白。

[ 本帖最後由 katkat 於 2011-7-21 01:58 PM 編輯 ]

小白RIP, 佢係彩虹橋上有好多朋友仔陪佢, 永遠都唔會有痛苦