我家肥b身上有一點點黑色既野..係咪虱黎架?

尋日幫我家肥b梳毛個陣發現佢D毛到有一點點黑色既野..係咪虱黎架?
要好留意先見到...我見佢成身都係...有冇問題?&要買D咩野滴係佢身到(好似狗甘)&噴野?
因為我係新手..所以想清楚兔既野多D...唔想佢有事!同埋屋企有2隻兔兔..而另外一隻得2-3個月到...
會唔會野到D虱俾佢?同埋想問多一問..日常應該點樣打理/清潔先係岩?先會令兔兔干淨D?
THX!

[ 本帖最後由 kayee1231 於 2011-7-24 08:35 AM 編輯 ]

應該係虱~快D隔離兩隻兔,,同埋帶佢睇VET 滴藥,,就會好番GA LA~

係虱, 帶去睇獸醫, 會有虱藥比你滴, 唔好亂買藥. 因每隻兔仔重量唔同, 份量唔岩會致命.
唔好放近另外2隻兔仔. 盡快book睇醫生啦. 唔理佢會愈來愈多的.
天氣潮濕就會有, 好似而家咁有時落下雨之後又熱..

2隻兔兔一直都係分開籠的~
同埋睇VET大約幾$到?

留意下另一隻有冇~~    有時屋企有 兔兔身上都有嫁

睇VET大約250<診金`藥果D要再俾$$.
不過夏天有虱證明係太潮濕啦~你要多D清潔同埋保持乾爽!
絕對要睇VET先買藥...唔係既可能會影響到兔兔既健康!

一發現有...我已經第一時間睇埋第2隻..好彩第2隻冇事''
同埋我想問點樣可以令到間屋乾爽d?
因為佢地個籠都係放係我間房..而我間房唔算係好潮濕...不過大多數都係開冷氣多~
同埋如果睇vet既話邊間好...?我住元朗~

開抽濕機.
獸醫資料請看以下
http://mini-house.info/thread-41-1-1.html

其實大部分時間開冷氣應該唔會太潮濕架 bo...
你一日開幾多個鐘冷氣?
我就幾乎是二十個鐘...
甚至番工時間唔係屋企都開比佢嘆...

如果仲係太濕既...
搬D兔兔出廳先...
開個抽濕機...
大約一大半天就可以抽乾間房架喇...
然後先搬番兔兔入去...

至於現階段...
我覺得你應該大執間房一次...
換曬所有乾淨既床上用品...
兩個兔籠都應該由頭到尾洗一次...
因為如果兔仔睇咗醫生滴咗藥仍然住係有虱地方係治標不治本...
加上你都唔想佢地傳染你架!

元朗好似有地方睇兔仔...
上網 search 一 search 元朗兔兔獸醫應該可以揾到...

我一日都有12個鐘係開冷氣架...因為我係屋企就會開!
因為我牙爸唔中意小動物所以只能放佢地個籠係房~
換曬所有乾淨既床上用品...?靜係換哂床上用品就ok?
我間房客立左2個兔籠已經唔夠位再容立多部抽濕機了~
同埋我個人認為我間房照計就唔會太潮濕!(因為個人感覺到)
我想問如果間房空氣唔流通關唔關事...因為我係住丁屋個d,最近後面個單位做緊大裝修!勁多灰塵,所以小左開窗..而我唔係屋企既時候大多都會關埋門!
同埋大洗1次都係就甘用清水洗?

我屋企個兔籠都係放喺間房到...
因為佢剛唻到自己屋企時媽媽直頭係驚...
不過對對下佢而家竟然日日要入房睇兔仔 ~_~"
不過都好, 放隻兔喺房方便我可以全天侯?住佢...

我平時其實係日日消毒佢個籠...
用既係消毒洒精...
然後再過幾次清水...
但我諗清潔劑或皂液都 ok gei...
不過一定要過水過得好乾淨...
以兔殘餘 chemical 比佢地食入肚...

空氣唔流通緊係關事啦...
但你暫時唔開得窗都冇辦法...
大掃除一下間房囉...
但如果清潔間房嘅時侯又唔可以搬啲籠出廳暫放又幾麻煩...
可以叫你爸爸通容下吧?
或者等佢出街時你先整 lor

其實屋企係得我牙爸唔中意兔兔..我牙媽有時都會入黎下佢地^^
而消毒方法我真係想搵d天然d既方法...我真係唔敢用清潔劑或皂液個d...
我怕過好多次水都重會有殘餘物...

我真係好想知個源頭係邊....因為我間房話佢潮濕我真係唔覺得~想快d搵到源頭去避免~
同埋我牙爸日頭唔係到架..我都係係佢唔係到個陣洗籠的~

30號個日已經帶左肥B去睇醫生同做埋BODYCHECK~
醫生話佢好健康~而身上既虱滴4次藥水就OK~
但第一次滴完之後尋日再睇佢個身已經冇咩虱了...SO 得牙~:053: