咬人,咬圍欄,唔比梳毛

有頭髮都無辦法呀..:056:

各位經驗兔爸爸兔媽媽,,我的兔兔我應該點教?:054:

1,早幾日帶佢剪甲,,人地幫佢梳毛,教我反起來梳,會澈底D..加上佢D毛是曲的,唔梳會好易打結..
禁我哩幾日都反起佢來梳毛.佢就勁唔中意,而家直頭有人行近佢(都唔係抱佢)佢就閃得好快....
仲咬我好大力:052: 點先可以令佢唔好再咬人呢??(佢一直都會咬人,唔比人抱)

2,以前一直都比佢係屋企周圍走,但佢成日入梳化底,咬野,,所以今日買阻個圍欄,,,
比佢跑動既範圍係半間屋...但佢出阻個籠之後就一直咬個圍欄.:001: ..已經咬阻2個鐘頭喇....
我唔比佢咬,,唔駛1分鐘又咬...我應該點做好呀?唔理佢?但我真係唔想比佢通屋走,,
佢會食垃圾,咬鞋,入梳化底...我真係好煩惱呀,,應該點做好????:050:

我張sofa...唉;'(
我chinyad都吳比人疏
按摩拒好耐先肯比人疏,,
剪甲逼不得已要返轉拒地先剪到,
好多時都要兩個人先搞得添啊
慘....:022:
你維住拒係d無野咬都既地方到活動啦,
放就一定要放拒出黎價啦.
咬人.dum地發脾氣 我會lau價,
拒地就吳甘xdd

兔兔去到生保地方係會扮綿羊嫁..    ((但我2隻兔去到生保地方剪指甲都係好惡-.-  

養左兔兔幾耐呀,.     我半年隻兔仔都係睇心情先比我抱下... -0-
多D胃佢食野會癡你多D..    摸佢多D溫柔D....
同埋我發現讚佢乖..佢地係識聽-.-........     會乖D#^34^#
((佢好中意我媽咪摸摸..   有時見到我阿媽行過都要佢摸摸  但見我就唔會#^37^#

佢地唔中意比人迫.. 有D硬頸既兔仔  愈迫佢愈唔中意
只好按摩下佢 ..  等佢靜D先開始 ((有D情況迫不得意勒))

梳毛應該唔洗反轉梳嫁WO... 腳板仔個D例外...   
我自己梳佢下巴仔   我會用手了佢D毛出黎   有時會摸到佢打結D毛都係了去左邊 / 右邊梳     大前提佢唔咬人真係...
有時梳得耐  米第2日梳埋靜返個D囉...
我幫佢地梳毛  梳得耐會同我咬毛巾-.- ...死咬爛咬 .  咬到D毛巾穿窿

唔係隻隻兔都中意比人反轉嫁..  反轉都要慢慢黎 ..  可能比佢習慣坐係到先..
雖然我依加隻兔都唔中意比人反...    但剪指甲要迫..  
同埋要幫佢按摩....   搞掂哂米比D新草佢食下

我花生細細個都好中意咬人..  之後比我阿媽日日摸佢下巴仔 咀仔 鼻仔
一直講唔準咬我嫁   唔咬佢就讚下佢   想咬就叔手  話佢曳曳豬
日日甘哦佢...  格左一排 佢真係無開始咬#^34^#       E加點搞佢都唔咬..
除左整嬲佢..  佢會咬我叫我停....

兔兔慣左周圍行 忽然有野格住佢  佢會想出去 ...     因為平時行哂成個地方嫁嘛 ...
為有教佢同佢講圍欄外唔比行..  依到地方先係佢..   /  搵野引走佢注意唔比佢咬
慢慢應該唔會咬  佢知道個個地方係佢

個陣我2隻兔仔 中間格住個網      有隻成日咬..咬極唔停 ..   一定要阻止佢...
唔好比佢咬慣  一陣咬到D牙仔生側左就大獲..
但又唔好甘寵佢..  一咬又放佢出黎圍欄外   
甘佢會知一咬你會放佢出黎玩..


剪指甲真係好煩惱#^3_002^#

我小朋友又係一時比抱一時唔比抱
梳毛就勁唔鍾意
咬到我D衫一個個窿
用毛巾墊住大脾梳既話佢就起勢咬條毛巾
好似同佢有仇咁
同埋一定唔比反
佢會反抗逃走同好嬲唔比人再抱
所以我都好少反佢梳
反都會梳好哂背脊最尾先反佢梳腳板底
而家同佢梳完會都會比少少糧佢讚下佢同當係哄返佢....
尋晚同佢梳都OK
如果佢可以定定地唔再咬毛巾同我件衫就VERY GOOD喇....= ="

你見佢咬欄既話就同佢講NO
之後拉開佢唔比佢咬
你見佢一咬就要咁
等佢知唔比咬, 唔可以咬

以前呀B都抓到我對手損哂，好似驚我食左佢咁… >< 因為佢唔知我想點

而家我想同佢剪甲，剪/梳毛之前話聲佢聽。同埋講埋做完有野食，佢就定好多喇~
其實佢地識聽架，因為我一講完有野食佢就"LAM LAM脷"啦。有時掛住執野冇比獎勵，呀B會問返我轉頭啦..... :073:

間唔中佢都想走佬，佢知道走多幾次都返繼續梳毛，佢就唔走喇…

----------------------------------------------------
兔兔會唔明&不滿，明明平時多D地方玩，點解要用圍欄欄住？
唯有佢一咬就"NO NO"，太過份就將佢關籠，等佢知道咁係唔岩。

PS: 我而家放棄左用圍欄LU，因為佢一發現個欄就係咁咬，又想"逃獄"，我寧願望實佢好過。

[ 本帖最後由 katy 於 2011-7-28 09:55 AM 編輯 ]

養阻一個月...:053: 唔通因為時間未夠先唔比抱?:002:

我買個圍欄隔開阻之後佢就入唔到梳化底同枱底咬野...可能而家空曠得制無得比佢匿埋
,平時放佢出來就好似捉迷臟咁...佢之前幾時匿埋阻,全屋都搵佢唔到...總之我一沖涼,食飯,,就一定要放返佢入籠.,怕屋企人唔知踩到佢(但每日都放佢三小時)

而家用圍欄禁樣係安全好多,,,比佢出來既時間多好多...但佢一出來就張所有時間用來咬圍欄...:056: .

no完佢又咬..no完又咬..

唔知要幾耐佢先唔咬呢.:050:

[ 本帖最後由 y22f 於 2011-7-28 11:27 AM 編輯 ]

我隻兔兔都唔鐘意抱抱呀,只喜愛摸摸,一想抱佢幫佢疏毛,就逃跑#^21^#

咬?真係好難避免,我家的木傢俬自從養了兔兔之後全部都俾佢咬過#^68^#

唯有慢慢教啦,我發現兔兔真係可以明你指示,不過就要俾d時間佢,之前我隻兔兔喜歡跳上餐?,我話過佢幾次之後,佢宜家就唔會跳上去啦,有時見佢望住張?好似諗緊上好唔上好,?上有她喜歡?菜菜,但最後都無上,跑去第二度玩,我見咁就會讚佢叻叻#^9_003^# 佢好似識聽咁架#^54^#

樓主兔兔好似棉花糖,好可愛呀~:010:

關於梳毛,我自己都會用毛巾夾係大脾,之前都會成日俾佢走甩,不過最近我會整濕條毛巾先,因為濕佢會冇咁易走甩,同埋唔知係咪我太暴力,:069:
佢想走,我會好大聲話佢,之後佢會唔敢走,梳完之後就同佢按下摩,咁佢又會好開心~

haha...好搞笑呀...跳上桌...:012:
不過話幾次都唔跳都算好乖了

暴力:039: ..你隻兔兔都好可愛呀,好少見到黑白禁分明

我都試下先..而家有圍欄..捉佢都方便d..之前真係追到我喘氣:022:

可能兔兔仲未習慣同你相處,
關係係要用時間黎經營架~
同埋好多兔兔都唔鐘意比人捉住梳毛,剪甲~
mimi都係唔鐘意比人抱,就算按摩都要睇大小姐心情!
我平時同mimi梳毛,都係佢坐定比我梳,
如果佢走圍走,我會比野佢食,一路食一路梳~
不過心口同肚肚就要抱起先可以梳到,
佢都係超唔鐘意,係咁叫救命同掙扎,不過都冇辦法~
唯有一隻手抱住佢,一隻手梳,梳得幾多得幾多~
兔兔識聽人講野架,我試過一次梳毛,
佢唔比我梳,係咁走,
跟住我同佢講:mimi乖啦,梳吓毛啦,唔梳會肚仔痛架噃!
mimi叻叻,mimi好乖既,mimi係叻囡黎架嘛,係咪!?黎啦,比媽咪梳下啦~
跟住佢企係度唔郁望住我好似聽緊我講野咁,
咁我就慢慢行埋去佢度,一路讚住佢,一路梳毛,真係唔郁架!!
不過唔係次次得,要睇大小姐心情,hehe~
至於剪甲,我每個月都要帶佢去兔協剪,
因為我過唔到心理關口,冇辦法,好驚剪落去果下~~~

mimi好乖丫:020:
好彩我兔仔今曰已經無再咁瘋狂咬圍欄:048:
今晚返去試下幫佢梳先，兩日無梳了，又要比佢一連串無影腳

剪甲我都帶佢出去剪，兔恊好難book啊.......
真係好善務上面的義工姐姐馴服得佢地乖乖梳毛剪甲:033:

兔兔係蝦熟人架~
帶佢去兔協比人反就好地地,
自己反佢就嗌到阿媽都唔認得~
你越反佢,佢就越唔鐘意你~
所以我依家都唔反佢,抱住佢搞囉~

zucca e掛唔知做咩成日都咬籠
但佢應該唔係因為想出去玩啦
因為佢會嚮出面玩玩下突然跑入籠度咬
可能口痕啦
只好見一次no一次啦...:043: