兔奴的話 --- by hill ma

每當有人知道我養的是兔兔
首先會先問幾條關於兔兔的生活習慣
兔兔平日食咩架...
兔兔會做D咩架

跟住就會入正題
哎...通常兔兔有幾多年命架..
(答完之後)
E..你隻兔兔都差唔多到一半啦喎 你要有心理準備....

呢件事我諗已經係我身上發生過不止3次

昨天當我在執籠既時候我係度諗
點解人地生小朋友個時你唔問 通常小朋友有幾多歲命
點解當你見到人既時候你唔問 通常人有幾多歲命
假設人有九十歲問 意即 當一個人四十五歲既時候 你就要同佢講
你既人生已經差唔多到一半啦喎 你要有心理準備....

我咁講 係因為 沒有養兔 或者 冇養動物 冇用心對動物既人係唔會知道
一個人可以有幾愛佢既小動物
我可以話何Hill係我身命既一半...
我完全唔敢想像失去他 我會有多痛

尋日寵愛有家 有一句說話講得好岩 大概意思係
花時間去諗佢有幾多歲命 不如諗每一日都係賺番黎 好好咁珍惜同佢相處既日子


所以....... 沒有養動物既人
唔該下次唔好再問 人地隻動物有幾多年命
對於主人 ........ 呢個就好似一個不想提的話題
因為我們太愛我們的寵物

[ 本帖最後由 smallsuishan 於 2011-7-31 10:34 AM 編輯 ]

雖然我冇試過有人咁問我~~!

但我好認同你O既講法.........

都唔明白點樣可以講得出口~!:046:

係..好多人同我講:
下你養兔仔? 好易....架喎..不過唔驚啦, 咩左買過隻...
我真係好想問佢地講野之前有冇用腦?
絕對唔係講者無心聽者有意囉我覺得...

雖然,,我明白你ge意思~
我身邊ge uncle antie 都會問兔仔有幾多年命ar 果 d~
但就冇講其他~(咩過左一半果個又係衰左d ge...-_- )
不過我覺得,佢地會咁問 其實係因為養兔ge人一定唔及貓狗多,佢地對於兔仔ge認識小先會咁問~正如會有人覺得兔兔唔洗飲水咁.但就從來唔會有人話貓狗唔洗飲水~

而我d朋友都有同我講 兔仔好易死..果d. 但我聽倒果陣 我就會提醒自己 自己要更加小心養佢~ 就算我ge朋友係我口中知道兔兔好難養..好易死都好.. 前排我兔兔(芝麻)死左..我一路同佢講..我都味喊..佢就喊得早過我...佢係冇養動物ge人 都係怕小動物ge人.但我相信 佢同芝麻相處果d短短ge時間 係對佢有影響,而佢都好鍚芝麻   所以我並唔會怪佢講d唔經大腦ge說話 正如我味養芝麻之前,我都唔知道佢對我原來可以有咁大e影響力.

不喜勿插 .....

好buy hill媽講0既野
身邊的人一知我係養兔仔就會問兔仔生命有幾長
其實不論兔仔定人
生命都有長有短0架啦

尋日同個朋友出去dinner
佢男朋友又係養兔仔
隻兔仔已經成十歲啦
不過係生人勿近果種
主人自己都愛理唔理咁由得佢
隻兔係連主人都咬
平時又冇人陪佢玩
活左十年又點
隻兔根本都唔開心
真係覺得隻兔好慘...

同埋覺得zucca過得好開心好幸福
至少佢同我生活0既9個月來我自問有盡心盡力俾佢最好0既生活
仲日日都同佢玩陪佢
用盡力地愛佢
佢每日都過得好開心幸福
長定短的生命唔係重點
重點係開心快樂地過每一日
只要珍惜生命0既每一日
令寶貝兔日日都過得開開心心有價值
幾長幾短又有咩所謂

個句  唔緊要啦  咩左買個隻..   
有人同我咁樣講我真係會勁嬲

如果講個個係男人...   佢老婆個BB咩左  
唔通我又講  唔緊要勒  咩左米再生過囉 ..!!!

講得出口多數應該無養寵物..  有養都唔方好得去邊囉!!  
甘既說話都講得出!!   我地當兔兔係寶 ..唔係草..  唔係隨便搵第2隻就代替到依加依隻既地位

[ 本帖最後由 小小夕 於 2011-8-1 12:59 AM 編輯 ]

我都係....
通常講開我有養兔仔D人都會問有幾多年命, 食D咩同有冇性
因為佢地對兔仔既認識真係好少
不過其實因為今年係兔年, 電視電台有時都會講下養兔仔
已經多左人對兔仔有D認識架喇
因為而家有D人都知兔仔唔係食紅蘿蔔而係食草

而問有幾多年命同唔信兔仔識聽人講野都唔係問題
但講話"死左可以買過隻"真係唔可以接受囉....
你當佢係咩先?!!!! 生命離架.....

我都同意身邊朋友問兔兔"有幾多年命同唔信兔仔識聽人講野都唔係問題",因為身邊養狗狗,貓貓,魚魚?人比較多,始終唔係太多人對兔兔有深入?認識,在我決定養咖啡之前我都係對兔兔?認識很淺,經過一番(可以係話專登)上網搜尋資料及買關於兔兔?書籍閱讀才對兔兔有更多認知#^5_002^#
我的朋友就係問我呢d問題就由本身打算領養貓貓而變為領養兔兔,現在她的兔兔有了溫暖?家還和咖啡做了朋友#^79^#
所以我可以接受朋友問我兔兔有幾多年命等?知識性問題,因為隨時可以令棄兔有個幸福?家#^70^# 但就唔可以接受"死左可以買過隻"或"E..你隻兔兔都差唔多到一半啦喎 你要有心理準備...."(總覺得有點是在咀咒兔兔)#^73^#

當有人問我兔兔可以養幾多年..
我答佢絕左育可以有十年八年..
佢地個個反應都係..下?乜咁耐架?我以為得一兩年貨仔!

仲有好多大人都會話..
明明貓同狗有性好多又好玩好多.
都唔明點解你好揀唔揀揀著隻叫都唔識叫既....

其實真係有好多人都唔明兔兔既可愛之處...
不過我地一班兔奴明就得啦..

其實我覺得養兔兔同貓狗唔同~
貓狗真係當佢係寵物咁養,陪你玩,陪你食,陪你去街~
但我覺得養左兔兔,就當佢地真係小朋友多過係寵物!
事關你返屋企佢唔會叫你,好多時都係自己一個,
而我地大人既責任就係留意佢地今日有冇特別!?
就好似小朋友咁,問吓佢地返學開唔開心?要唔要食茶點咁!
因為佢病唔會叫出黎,想玩玩具唔會咬住你件衫拉你去拎,
由於兔兔真係比貓狗脆弱,所以自然想保護佢,唔想佢受傷害,
尤其是年幾有返咁上下既兔兔,好多時都係扒地多,好少周圍跑,
主人都會留意佢多D,睇吓屎屎有冇唔同,食量正唔正常咁~

我唔知大家認唔認同,但我就真係有咁覺得~

[ 本帖最後由 carbee 於 2011-8-3 01:29 AM 編輯 ]