急...兔兔好似病左...

今日我隻兔兔好無精神...
冇食野冇飲水...
我摸落去個陣佢比平時既感覺好唔同...
成個身都好似好硬好實...
個肚仔按落去都係好硬...
平時佢都會中槍咁訓...
但今日就全日縮埋左...
夠竟佢咩事??
好擔心...頭先餵左小小草粉...

兔兔冇 cc ar.??
你最好聽日拿拿林帶佢去睇e生 la !!
有冇事都好 自己都安心d先ar !!!!

佢冇cc...
我都打算聽日帶佢去睇e生...
但我怕佢今晚情況轉差...

屋企有冇草粉 有冇後備藥??

兔兔由幾點開始冇食野冇大便??
幫兔兔按下肚仔...

好可能腸停，你摸到個胃有硬塊，聽日先睇未必趕得切
餵住草粉同水先，腸停會缺水。

同佢一路按摩住肚仔先呀!

佢今日全日都冇食野冇大便...
我依+都不停按摩住肚仔先...
感覺好似軟番小小...

你要加油~~
試下開少少暖水俾兔兔飲~~
同埋keep住按肚仔

情況危急，
暖水開定多ｄ草粉餵佢食下。

快速帶佢睇醫生，等聽日趕唔切的了；
我見過好多例子兔兔一無ｃｃ第二日就頂唔住。

按下佢肚仔，俾ｄ有水份既野佢食，例如菜。
千萬別餵食水果。

兔兔宜家点呀? 按肚仔真的很有用?, 我家津津豬有次都係無端端成晚都無食無飲,連平時最鍾意的兔糧都不看一眼,一味扮雞,肚仔實的的,於是我成朝都不停每一小段時間按肚仔十餵草粉,半天後牠就食返嘢啦!個肚仔都軟返曬啦! 所以你你的兔兔要加油啊!!!!!

兔兔依+好番好多喇...多謝各位關心
我琴晚不停每一小段時間按肚仔...再餵草粉同水...
結果個肚仔都軟番小小...
到左佢今朝精神好番晒...仲周圍跑同好好胃口..
我放心晒喇^^

我都試過幾次, 真係嚇鬼死, 好在有草粉看門口