PetKD 寵物網 (寵物領養、資訊廣告、用品買賣及寵奴互動平台) › 討論區 › Mini-House 就是愛•兔 › 新手發問區 Beginners Area › 我家小兔b出左世，但另一邊廂豬豬要絕育了！ ...

我家小兔b出左世，但另一邊廂豬豬要絕育了！

p990101)) 發表於 2011-08-03 16:30|只看該作者|倒序瀏覽|打印

1P 幣

話說兔女milk milk剛進家門，我家大少豬豬就對佢虎視眈眈，而我地都一直分開籠養，
等佢地可以好似牛郎織女咁隔住個銀河互相對望，一黎等豬豬絕育時，二黎可以比佢地先培養感情！

誰不知意外就係意料之外，有一次小妹與兔爸一齊清潔籠仔時，豬豬沖左出黎追milk milk，
(當然係兔爸誤信寵物店之話，以為milk milk仲細個，唔會有BB住，所以比佢地玩下:077: )，
係千鈞一髮之間，豬豬成功擒到milk milk，點知依個唔係一個浪漫綺麗既場面，
換黎既係一下驚人既尖叫聲，同埋兩隻同時僵硬左既兔仔，佢地維持住「擒」既姿勢，
好似一對陶瓷公仔既硬呔程度，一齊向右跌(唔知各位想唔想像得到，其實場面真係好好笑:040: )，
跟住我即刻叫兔爸分開佢，點知一抱起豬豬，佢就如雷般驚叫一聲，仲有幾條毛隨隨地飄下……

從此之後，我地都好小心咁唔好比佢地走埋一齊，後來日子一切都好正常……:059:
本來我都諗緊milk milk會唔會有左，但係佢仲係好細個，連圍巾仔都未生好，
應該冇事既，佢又冇築巢又冇咩唔同……
只不過，人算不如天算，milk milk真係生左四隻BB，可憐既係佢真係好似唔識點照顧BB，
有3隻都幾瘦，d皮皺皺地，好彩左一隻都好健康，脹卜卜，仲好跳得添！
但係milk milk就好似唔識佢地咁，由得佢地分散晒，周圍捐黎捐去，
跟住我地就抱milk milk出黎，「教」佢餵奶。
d BB真係好過癮，識得自動search邊度有奶飲(milk milk個肚仔軟林林，一定好舒服姐)，
本來milk milk都有反抗，但係我地捉實佢，之後摸下摸下佢個頭，
佢就好似好舒服咁！餵完奶之後，我地就擺佢地係一齊，但係milk milk都係咁走去另一邊，
我就逼佢去BB身邊，可能佢地真係血脈相連，佢聽到BB叫下叫下，佢終於都主動理下d B，
lam下佢地……:063:

但係事情到依度，我都係好驚milk milk唔識照顧d BB，因為我今朝睇佢地果陣，
都係見到d BB分散晒，仲好似瘦左d咁，佢會唔會次次都要人逼佢餵奶先餵架？
仲有d BB都冇巢，我先頭鋪左一堆草同紙巾係個屋仔度，第二日又變晒形
(milk milk仲係上面'放水'黎==)，最衰係有時d B「飛」左去個水樽底，
milk milk過去飲水果陣踩到佢不止，仲滴左d水係bb度……
有冇人幫到手呀？任何有關兔B既資料都可以提供架，唔該晒><

講咁多，比d B你地睇下@@`

4隻剛出生的可愛B

最脹卜卜既B

'支力'死左既milk milk

好鐘意按摩~~

-----------------------------------------------------------
另外，避免不幸既事再次發生，同豬豬絕育係刻不容緩既事黎，冇得再拖，
所以我地已book下個禮拜六同豬豬做手術！
不過真係好心痛佢要捱刀，仲有佢咁鹹濕，絕左育之後一定少左好多樂趣，哈哈！
對佢好又對milk milk好，絕育係最好既選擇……
我想問下絕育果日係咪淨係帶隻兔、糧、草、水去就得架啦？
仲有我見人地好似要準備好多野，雖然睇完都係一頭霧水，有冇人可以話我知呀><?
其實絕完育幾耐先可以擺兩隻兔一齊呀?(其實我地一早買左個大籠諗住比佢地雙宿雙棲.)
仲有冇d野要特別注意架？
如果我帶豬豬去我舖頭等我好照顧佢得唔得既呢？因為都係樓上樓下黎既姐…
唔該晒!:001:

奉送豬豬的「肉照」:053:
訓死左

另一個角度

好似pat pat既咀仔!

成舊野:073:

地下一定好涼!!

豬豬岩岩黎我地家庭果陣...黃今今又傷殘……