mimi你永遠都係媽咪既乖囡

mimi係8月13日下午5點離開左我地~

mimi,你走得好突然,我仲以為你好似平時咁鐘意係梳化底？覺.
到你再走返出廳之後,四周圍沖,我仲係度諗,
你隻臭豬做咩咁興奮!?唔通知我整緊草粉比你食?
我完全冇諗過,原來呢次係你最後一次跑比媽咪睇!
跟住你就走左去？底好大力咁抖氣,
兔爸行埋去望？你,想睇真？你點,點知你抖氣抖到要用埋個口,
跟住你仲一路用力抖氣一路叫,我即刻跑去打電話比醫生,
一收線我就即刻一路望住你一路換衫,拎袋......
當兔爸捉到你入袋既時候,突然見到你抽左幾下,
伸手入袋摸你,你已經唔識郁!
我即刻摸你心口,冇心跳,肚仔都唔再郁!
我喊住咁係咁不停叫你,但你已經唔再會回應我~

媽咪個心真係好痛,好痛,點解你要走得咁突然!
點解你唔早d話比媽咪知,等媽咪搵人去救你!
係咪媽咪照顧得你唔陪好!?所以你選擇就咁走!?
如果媽咪細心d,就可以早d知道你有問題,帶你見醫生,
你就唔會就咁走左去,亦唔駛你咁辛苦!
mimi,你有冇怪媽咪咁蠢?咁大意?

媽咪抱住你好耐好耐,仍然唔相信你真係走左,
好想你會突然間跳返起身,跑出去玩!
但你冇咁做,你依然繼續全身放軟係媽咪個懷抱~
我一直係咁不停按摸住你既身體,希望你能夠最暖,
你對耳仔開始凍啦,媽咪都仲未能接受你既離開!
我幫你按摩耳仔,手仔,腳仔,以及全身,只希望你會暖d,
但可能我真係抱左你好耐,你既手仔,腳仔都開始硬.......
爸爸打左電話搵人黎接你走,媽咪一路摸你......

mimi,你仲記唔記得臨走前爸爸同媽咪同你講既野呀?
你好叻囡架啦,爸爸同媽咪永遠都咁愛你,
mimi唔駛驚驚,你唔會自己一個架,
爸爸已經叫左momo係彩虹橋度接你,哥哥會帶住你陪住你,
果度唔會再有病痛,又唔駛食藥,仲有好多小朋友陪你架~
mimi你要記住,以後冇爸爸媽咪係你身邊,
你要好好咁照顧自己,好好地同momo哥哥相處~

mimi你永遠都係爸爸媽咪心目中既乖囡!!
爸爸媽咪今生今世都唔會忘記你呢個寶貝!!

[ 本帖最後由 carbee 於 2011-8-14 01:32 PM 編輯 ]

MIMI媽你整喊我!!!!!!!
MIMI而家同好多FRD一齊玩緊
係彩虹橋跳緊開心舞!!!
你諗起MIMI就要笑下!
咁MIMI先跳得開心玩得放心架#^65^#

MIMI媽..,MIMI永遠都會係兔媽,兔爸心中,,
MIMI同MOMO係彩虹橋會好開心嫁.~~
放心啦~,MIMI媽~加油呀~加油!!!!!!!!!!

min係i彩虹橋會好開心好掛念你

mini幾多歲呀? 咁突然, 妳都唔好太傷心同自責喇, 兔兔会係自己的世界有好多朋友仔陪佢架喇!

多謝各位兔友支持同祝福。
津津豬，mimi今年五歲半。

好突然.....
Mi Mi ~ 在彩虹橋要開心o!

mimi走到彩虹橋,化身做小天使,不必自責,mimi有你呢個親人,係佢最大福氣.

mimi媽#^10^# 加油      mimi係彩虹橋會開開心心    化做小天使陪著你

mimi媽加油!   
mimi同momo係彩虹橋會開開心心化做小天使陪著你!

rest in peace, Mimi..

mimi 好乖囡
走前都好落力希望媽咪記住佢
rip

rip mimi

mimi佢一定都好愛好愛你
佢都一定永遠唔會忘記你!

Mimi 你在彩虹橋要開開心心，咁你媽媽就會開心。
Mimi媽，mimi會一直守護你，你要保重。

carbee,我相信你同mimi爸開心,mimi就最開心. 我知道難過傷心一定會,但你吾可以比自己一直難過落去,傷心幾日就夠喇,之後就要放低傷感,照常甘生活,如果吾系mimi會好擔心你地架!