大家好. 我養左串燒已經有5年啦. 佢一直都好健康, 好百厭~
星期3個日, 我見佢食少左野, 又唔願郁, 星期四就帶左佢去睇大圍診所.
因為DR TIGER做緊手術, 我見串燒情況好唔樂觀, 佢地就搵左DR PETER 幫佢睇.
雖然我知DR PETER唔係睇開兔仔, 不過冇選擇之下, 我都將串燒交俾佢.
DR PETER睇完串燒, 同我講佢個胃好脤, 有好多GAZ, 仲壓住一條好主要既血管, 情況非常唔樂觀, 估計捱唔過聽朝..佢地可以做既, 就係同佢驗血, 照X-RAY, 同推肚肚, 仲話可能報告未出, 佢已經同我地講拜拜.
我眼淚即刻流哂出黎, 醫生講到咁白, 一定係好唔掂. 如果放佢係度, 佢聽日真係走, 我趕唔趕得切見佢最後一面.? 但如果帶佢返屋企, 連唯一既希望都冇. 到最後, 我都係決定俾申燒留底, 至少仲有一點點既希望.
個晚, 診所6點打黎, 話串燒仍然冇咩起色. 佢地已經驗左血同照X_RAY, 話腎指數好高, 可能有腎病, 之於係咩病, 就要吊幾日鹽水再驗血時, 睇下個指數, 仲話佢身子好弱, 叫我要有心理準備.
星期5朝早, 診所又打黎. 姑娘話串燒情況比擒日好左好多, 仲食哂D野. 真係叻叻. 不過未過危險期.
成朝都坐唔低, 3點就飛過去探串燒. 見到串燒精神都OK, DR PETER知道我黎左, 好細心同我分析串燒個病. 指佢肚肚已經正常, 已經冇GAZ, 話串燒好叻, 今日都食哂D菜菜同草草, 但佢個腎指數好高, 要吊2-3日鹽水再驗血. 佢話如果情況許可, 聽日可以幫佢駭. 講左足足15分鐘, 有問必答, 完全冇黑面, 非常GOOD!
星期6, 佢地話報告腎指數DR PETER非常滿意, 叫我過黎上個堂就可以帶串燒返屋企~
佢地俾左止痛藥, 草粉同教左我打皮下水... 雖然好多功夫, 不過為左串燒, 一定要加油!!!!!!!!!!
佢地叫我下個星期過黎再驗一次血, 就可以知道佢個腎咩問題...
我做過下功課, 知道DR MA呢方面經驗好D, 同埋佢可以開D中藥俾串燒.. 不過佢BOOKING 真係好FULL, 我又冇哂假, 只可以BOOK 24號SAT.
大家覺得我係唔係都應17號去覆診, 驗左血, 之後24號就去搵DR MA?
另外, 我今日見串燒俾我捉住餵草粉掙扎時, 佢有靚靚既便便, 但擒晚成晚D便便都唔靚, 點解會咁.?
仲有, 唔知係唔係天氣凍, 佢只係飲好少水... 有咩方法可以令佢飲多D?
最後, 佢依家有1.94KG, 都算係正常, 不過醫生話佢冇咩肌肉, 皮包骨, 點樣改善??
咁多問題, 辛苦哂大家幫幫手~ |
|