帶兔兔出街一問~

我想問下你地大多數帶兔兔去邊架?
要帶d咩?
要注意d咩?

我大多數帶兔兔剪毛,始終出面有好多細箘,同埋就算去放兔,我怕兔兔會惹到虱,食左草地D草,所以我好少帶兔兔出去

我都係帶佢剪甲咋* 仲係落平台商場, 冇去過戶外!
去過一個朋友屋企, 都係泊正架車係佢樓下就衝入大堂上樓*
呢排樂富果個兔兔遊樂場真係好想帶佢去...但都唔敢*
星期3要去九龍城body check* 我都好緊張*

其實帶兔兔出街多數都只係剪甲同埋睇醫生..
始終兔兔係好脆弱又好細膽,
真係唔多岩出街..

帶佢出街既時候要留意天氣,
如果有成25度以上就要放冰種,
因為始終袋入面好熱,兔兔又好厚毛,
要俾舊冰佢降溫以免中暑,

另外,都要留意帶佢出去所用既袋,
唔好用普通膠袋紙袋,
寵物店有好多唔同既袋供你選擇,
我自己就係用布質既寵物袋,
但要留意寵物袋入面多數會有木板/格仔板,
記得要拎走佢地,因為兔兔踩落去好唔舒服,
嚴重可以引致腳仔有問題,
其實只要係袋底加尿片(狗仔用果d都ok),
又或者加木粒同木糠(注意木糠唔可以用好碎果d倉鼠用既木糠,要用好似兔協用緊好大片果種),
咁樣俾佢吸尿就ok,
唔可以只係放木粒因為會好"un"腳好唔舒服,
袋入面可以俾少少草佢,以免佢肚餓,
不如有好多兔兔出到街會好驚唔食都係正常既.

原來好多人都好小帶兔地出街
不過我隻Dor Dor就成日出街...
除左去睇醫生會出街，Dor Dor跟過我去拜年、去草地玩、前兩日樂富啲活動、去影樓影相......
Dor Dor唔驚出街，一出親去就會成日想出黎八卦

想同佢地出街，我覺得首要你要睇下自己兔兔驚唔驚出街，你睇下同佢去睇醫生會唔會好緊張，好驚
好多兔兔出街就會唔食野、唔飲水，如果係咁，我覺得就唔好出咁耐喇！
同埋睇下你想同佢去邊啦！如果去戶外好似草地，我覺得就要特別小心會唔會有蚤、驚佢食出面啲草／垃圾，唔好行沙、石地，留意附近會唔會有其他動物，要每一秒都捉緊兔繩等等
之前我問過dr ma，佢話其實就算去室內都建議滴蚤水，因為宜家出面細菌多，唔乾淨，保險啲！

我仔仔都幾驚出街，所以基本上除睇醫生外，都無出街