Checked Up

bB 尋日去 check up

Dr Ma 話 bB skinny 咗少少不過問題唔大
腳仔 d 腳枕係 Grade 1 - 2 唔係腳瘡
兔籠同厠所照依家個 setting 就 okay
我比咗包屎 Dr Ma 佢話便便 size color 都正常
佢講解咗好多 bB 依家同年老兔既情況, 草既品種品牌,蔬菜份量同清潔耳朵既方法, 好多兔兔既病例, 我重問咗佢好多問題
佢重話 bB 好健康, 一年 check up 一次就可以
bB 健康又無腳瘡
我真係好 ...... 開心阿

健康咪好,

你有無咩資訊可以同我地分享喔?  謝謝

清潔耳朵既方法？
我想學，教教我^_^
我果隻係賓尼兔

弊啦！我無同佢地清潔過耳仔咖！

kwan104kwan 發表於 2012-4-16 08:10 PM
弊啦！我無同佢地清潔過耳仔咖！

兔兔同人一樣, 都會有耳垢, 正常黎講, 兔兔會用後腳撓耳仔, 令耳垢自然排出, 但有部份兔兔因為技巧5好或者身體既因素 (如殘缺, 賓尼兔), 就無法將耳垢去除清潔(所以,賓尼兔較易患中耳炎), 敢就需要透過兔爸媽既協助

一般來說一個月清潔一次就可以, 如果耳仔係健康, 正常係無異味

但如果平日發現有異味, 有可能係耳道感染或經常抓耳仔, FING頭很可能係有寄生蟲, 敢就要去睇醫生,

以下是我同兔兔清潔耳仔既方法 :

1. 先令兔兔放鬆
2. 當兔兔放鬆至安心打側身訓低既時候, 就可以開始摸兔兔既身體, 再按摩兔兔耳仔一陣, 等兔兔知道你將會開始接觸佢既耳仔
3. 輕力將兔兔耳仔抬起約45度
4. 輕力按摩兔兔耳仔既根部, 再用乾淨的棉花棒或用耳鉗用棉花包成棒狀, 沾少許生理鹽水, 用耳朵內部向耳朵外部推的方式, 將髒東西推出來, 但動作要小心, 以免耳垢越推越深
5. 注意不要擦拭太深, 最後用棉花棒或棉花球沾溫水或生理鹽水清潔耳仔, 由內向外擦即可

建議 :
- 可以每次先清潔一只耳仔, 過兩日再清潔另一只, 以免做成兔兔既情緒過度緊張
- 進行清潔前令兔兔放鬆好重要, 越放鬆越好, 所以由頭到尾都要用耐心去進行, 即使你兔兔在過程中發狂, 你仍需要耐心, 唔好用嚴厲責問既態度, 因為敢樣只會更難做, 亦令兔兔情緒不安
- 有部份兔兔清潔完耳仔後, 會令耳仔貼背放低, 係正常情況, 但如果到第二日仍然5願意舉起耳仔, 就要注意好大可能係清潔過程中整傷兔兔既耳仔, 要儘快去睇醫生

唔該晒！好詳細呀！

kwan104kwan 發表於 2012-4-17 07:43 PM
唔該晒！好詳細呀！

唔洗客氣, 應該既, 你唔怕我長氣就好............................

all_loving_it 發表於 2012-4-17 08:54 AM
兔兔同人一樣, 都會有耳垢, 正常黎講, 兔兔會用後腳撓耳仔, 令耳垢自然排出, 但有部份兔兔因為技巧5好或者 ...

棉花棒或棉花球唔洗沾溫水或生理鹽水嫁
乾既就得

Dylan 發表於 2012-4-19 12:41 PM
棉花棒或棉花球唔洗沾溫水或生理鹽水嫁
乾既就得

話時話可唔可以打日西dr.ma講啲野出黎，等我地知多啲呀!^^
哈哈哈哈哈

貓仔兔 發表於 2012-4-19 01:29 PM
話時話可唔可以打日西dr.ma講啲野出黎，等我地知多啲呀!^^
哈哈哈哈哈

Dr Ma放大bB 個咀仔入面 d 牙仔比我睇，Dr Ma 話 bB 好多口水不過無問題既，bB 不停玩口水 bu bu好多口水， 我一隻牙仔都見唔到．姑娘反轉 bB 比 Dr Ma check 個時 Dr Ma 重逗 bB 敢話: 重扭腰 tim 牙

細菌 - 兔兔身上有金黄色葡萄球菌、巴士德杆菌

眼瞼 - 健康既兔兔，眼瞼係唇色既，如果呈 pale pink 就有問題嫁喇
淚管 - 兔兔既淚管唔係直既，係有圈既所以淚管窒既機會會大咗，淚管窒會有好多眼屎，淚管起眼角至鼻孔，可以按摩按摩
排汗 - 兔兔係會出汗嫁，鼻孔微濕呈透明係排汗，而呈奶白或黃色就係病徵喇
頭骨 - 貓貓兔頭骨比較細，而侏儒兔比較大會有牙齒上既問題，如牙齒過長引至膿瘡就要剪牙同 jik 膿
膿瘡 - 賓尼兔耳朵有膿瘡好常見，因為佢地係垂耳，會有寄生虫同中耳炎，所以一定要清潔耳朵，經常 fing 耳仔就係有寄生虫，痕痕癢癢
心跳 - 每分鐘跳動240次好正常 80 次太少 300 次又太多，正常既心跳聲可以清楚聽到，有個 Case 兔兔心臟兩邊生咗腫瘤會聽唔到心跳聲，因為又要開胸骨又攝及心臟血管風險太大所以唔會做手術，開腹腔簡單得多
乾草 - 兔兔主要食糧 Timothy Hay, 可按以下次序加少量其他乾草 1st Orangic Meadow 2nd Botanical Hay
不宜食用 -  Oat Hay既麥粒有害兔兔腸胃，Alfafa Hay 成兔唔可以食，過多既鈣質唔能夠排出體外，萬一兔兔腎結石，就要開刀切除
食藥 - 食藥要定時，如果唔可以定時餵藥，兔兔就要留院嫁喇
耳朵 – 用棉花清潔耳朵，睇下有無臭味
毛毛 – 睇下皮膚有無蚤，好似芝麻敢嫁
兔糧 - 家兔平均壽命 8-10 年，兔糧係不必既. 兔糧營養豐富，一般用來谷肥1 歲既兔兔再製皮草，timothy hay 同菜就已經夠營養
蔬菜 – 每日兩杯 250 ml 太小既杯就夠喇
便便 - 貓貓兔既便便比較深色屬正常
圓便 - 兔兔食圓便因為口痕或者肚餓
營養便 – 兔兔生理時鐘改變咗，排營養便時間會有改變，兔兔會食曬 d葡萄便，如果唔食就有問題嫁喇
臭線 - 臭線係 5 需要 jik 既，臭線係兔兔用作霸地盤，無 desex 既兔兔會比較多，兔兔年紀俞大臭線會比較黑
草粉 - 兔兔有病要食抗生素果時先需要食
益生菌 - 兔兔腸道有害菌有益生菌，當害菌多過益生菌就會生病，益生菌類似益力多敢
Gaz - 因為兔兔唔會嘔，所以會有 gaz
推肚 - 左右兩邊近後方打圈按摩，5洗反轉兔兔嫁
腫瘤 - 睇兔女既vulva可以睇到有無腫瘤
腳枕 - 每日搽凡士林 2 次，薄薄一枕就可以
淋巴 - 淋巴腫大可能是係腫瘤 (淋巴瘤)，亦有可能係不明細菌/病毒引起的感染
墊材- Carefresh 最好用天然無漂無染既色 beige 比較天然

Dylan 發表於 2012-4-19 12:41 PM
棉花棒或棉花球唔洗沾溫水或生理鹽水嫁
乾既就得

係Dr. Tiger教既, 或許每個醫生做既方法5到, 不過, 依個方法我用左8年多, 養既賓尼耳仔十分之健康, 完全無出過任何問題, 所以我都係信Dr. Tiger

all_loving_it 發表於 2012-4-19 05:57 PM
係Dr. Tiger教既, 或許每個醫生做既方法5到, 不過, 依個方法我用左8年多, 養既賓尼耳仔十分之健康, 完全 ...

3年來我用手指同 bB 清潔耳朵，試棉花同毛巾都唔得bB好抗拒。我問過 Dr Ma 佢話用令佢最舒服既方法同佢清潔，重話唔洗用清潔液

Dylan 發表於 2012-4-19 07:43 PM
3年來我用手指同 bB 清潔耳朵，試棉花同毛巾都唔得bB好抗拒。我問過 Dr Ma 佢話用令佢最舒服既方法同佢清 ...

無聽過用手指依個方法

生理鹽水5係清潔劑

另外我問過醫生點解要將棉花點少許溫水/生理鹽水, 醫生同我講因為兔兔耳仔構做好特別, 特別係賓尼兔無辦法自己將耳垢排出, 所以耳仔內有較多耳垢, 棉花上濕溫水/生理鹽水可以幫助清潔時將耳垢依附在棉花上清除出來, 若棉花是干, 有可能會將耳垢越推越入, 無法徹底清潔

噢，多謝日西樓主，原來唔可以食oat hay,我前排晚晚都俾一小撮佢... 怪唔得啲腸行慢左....等我仲以為開唔夠冷氣，開左48小時!=="