如何為倉鼠清潔？

話說最近猛太陽 + 天氣酷熱，為左我既寶貝倉鼠，早前係旺角買左包有消暑功能既墊沙，等佢可以涼快點。
過左幾日，我發現倉鼠身上 (特別係耳仔位置) 粘住 D 沙粒，見佢不停係咁撥又撥唔出 ...
我有嘗試捉起佢用棉花棒 + 清水幫佢抹，一抹到近耳仔邊佢又係我手心 "鼠黎鼠去" 唔肯比我抹。
因為以前用開都無問題，宜家搞到佢咁真係無哂辦法 ....
請問有過類似經驗而又成功幫佢抹走沙粒既主人可以幫幫我？見住佢不停舔下撥下好心痛

用D野食引佢, 等佢咬實想食時唔好放手, 同佢鬥力, 趁佢爭住食時試下把握機會清潔, 應該OK

面上果幾粒 ok 掃走左，但一抹到耳仔佢真係反抗得好勁 ... 唔敢再郁佢
最怕有 d 沙粒入左耳仔又黏住左 ... 唔知獸醫幫唔幫到手呢？

係咪真係沙粒黎架?
如果佢比你抱可以用餵藥既姿態捉住佢
姐係左手手指公+食指輕輕力抱住佢手仔下面既位置(從倉鼠後面)
然後一手就可以拎起佢, 反抗唔到架啦, 極速幫佢整走

你一拎起佢果陣係好似順勢舉起埋佢手仔咁既, 不過要練幾次先得, 小心整親佢, 手勢好佢唔會痛不過要快

小班 發表於 2012-5-11 10:09 PM
係咪真係沙粒黎架?
如果佢比你抱可以用餵藥既姿態捉住佢
姐係左手手指公+食指輕輕力抱住佢手仔下面既位置( ...

係果 d 消暑墊沙唔會有錯 ...
我成功捉實左佢，但 D 沙粒黏得好入下 ( 可能係佢自己越撥越入都未定 .. ) 我清唔走 .......
死啦 ... 會唔會永久影響聽覺架 ...

NapoLaw 發表於 2012-5-11 11:40 PM
係果 d 消暑墊沙唔會有錯 ...
我成功捉實左佢，但 D 沙粒黏得好入下 ( 可能係佢自己越撥越入都未定 .. )  ...

其實多唔多沙係入面呀
如果只有少少 應該無咩問題既

我冇用消暑墊沙 ,
買左消暑墊比佢 ,
不過佢5 訓 .

你用新既火山灰比佢自己轆２０分鐘要拿走，墊沙唔好長時間用，濕咗會黏著佢熱既就比冰種啦