減少兔兔食用無機菜吸收農菜的方法

好多兔友平日比兔兔食既蔬菜都5係有機菜, 而依D菜上面都含有農藥, 對兔兔黎講有害無益, "農藥"亦係兔友所擔憂既事

正因為依個原因,

大部份既兔友兔兔食之前會先用水浸個半鐘, 想將菜上面既農藥浸出黎, 再洗干淨比兔兔食, 希望兔兔5洗食埋D農藥

但係, 如果將蔬菜一直浸個半鐘, 係可以減少菜菜本身既農藥, 但依個做法大約可以減少菜上20%既農藥, 剩下既80%仍然會隨住兔兔食菜既時候食埋落肚, 對肝臟做成不少負擔, 時間長左, 或當兔兔年紀漸大, 新陳代謝不及年幼既時候, 慢慢就會出現肝腎問題

可能有兔友因為擔心蔬菜上面農藥既問題, 好少比菜菜兔兔食, 其實敢樣對兔兔健康5好,  

蔬菜對成年既兔兔好重要, 因為蔬菜上面既營養, 維生素同某些微量原素, 係維持兔兔身體健康所必需

若兔兔單純只食干草, 干糧同飲水, 比較容易出現腸胃問題, 例如腸停, 腹脹......

所以, 兔爸兔媽都5好因為農藥問題而5比少比蔬菜兔兔食

如果兔兔食既係無機菜, 只要做多少少野, 就可以有效減少蔬菜入面既農藥,
- 係清洗同浸菜之前先將5新鮮同菜上既花扎出, 再將表面洗干淨
- 浸菜期間, 要每半小時換新既水, 5好一直用同一盆水浸, 因為蔬菜係浸泡期間會將農藥溶解係水入面, 如果5換新既水, 等於將菜菜一直浸係有農藥既水到
- 浸菜既水最好用微溫既水, 因為溫水有助揮發農藥
- 浸完後, 若果有洗米水, 可以再用洗米水再浸幾分鐘 (因為洗米水有某種成份有助農藥分解)
- 浸泡完之後, 再用開水清洗兩至三次, 將菜菜徹底清洗干淨
- 然後可以將洗好既菜風干, 最少放置一晚, 因為蔬菜收割之後, 放置係空氣之中有助農藥揮發
- 蔬菜表面再無水珠既時候, 就可以用袋或盒裝好, 放入雪櫃到保存

** 已收割既蔬菜係空氣之中, 係有助農藥揮發, 但如果放入雪櫃則無依個作用
** 依照上面做餵菜菜既前期工作之後, 蔬菜入面既農藥會大大降低, 對兔兔既健康更有保障

多謝分享！

補充資料：
http://big5.gov.cn/gate/big5/www ... content_1436426.htm

曾經睇過一個資料，係講點樣浸菜去除農藥，係用盆盛一盆水，將d菜放入去浸（呢d我o地已經有做），但係一路浸之餘，一路開住水喉（細水長流），等d水流動，咁有農藥o既水就會流走，過程大約半個至一個鐘！
不過我覺得咁樣好浪費食水，我都係選擇有機菜同勤d換水！

wendy 發表於 2012-8-11 10:53 AM
曾經睇過一個資料，係講點樣浸菜去除農藥，係用盆盛一盆水，將d菜放入去浸（呢d我o地已經有做），但係一路 ...

我覺得真係無必要長開住個水喉黎浸菜, 用依個方法亦只會減少部份農藥, 如果真係長開水喉, 太浪費食水, 5環保

我依幾年都係自己種蔬菜, 香草, 藥草之類, 因為敢樣可以比兔兔每日食到3種菜, 而且可以日日比到5同既菜, 兔兔可以吸收多方面既營養同維生素

香草, 藥草新鮮種出黎一次過肯定食5晒, 我就會烘干, 然後分小包包裝, 連防潮包放入密實樽到保存, 因為一收成就會有好多

wendy 發表於 2012-8-11 10:53 AM
曾經睇過一個資料，係講點樣浸菜去除農藥，係用盆盛一盆水，將d菜放入去浸（呢d我o地已經有做），但係一路 ...

其實浸完之後, 用洗米水浸幾分鐘, 再用清水洗一下, 敢比長開水喉黎浸菜去農藥更好, 因為洗米水入面既成份係有效去除農藥

all_loving_it 發表於 2012-8-11 03:30 PM
其實浸完之後, 用洗米水浸幾分鐘, 再用清水洗一下, 敢比長開水喉黎浸菜去農藥更好, 因為洗米水入面既成份 ...

我未試過用洗米水去浸，都係第一次聽咋！

我記起o刺，長開水喉係因為用清水去浸菜，有少部份農藥會溶係水度，但係由於浸o既時間都幾長，有機會比菜菜吸收番，所以咪用「流動o既」水流帶走d有農藥浸菜水囉！

自己種香草同藥草 ，我都係買寵物店o個d o架咋！咁有咩香草同藥草可以自家種o架？我屋企地方有限，夏天日照時間短，冬天就會有3幾粒鐘，種菜就唔夠位同日光，用盆種香草、藥草都應該無問題，我都想親手種比兔仔食，等佢開心下！

wendy 發表於 2012-8-11 03:45 PM
我未試過用洗米水去浸，都係第一次聽咋！

我記起o刺，長開水喉係因為用清水去浸菜，有少部份農藥會溶係 ...

其實只要每20-30分鐘換1次水就可以架啦, 只要5好浸係同一盆水到就得, 實在無咩必要長開水喉

洗米水真係有依個作用, 我無呃你架

薄荷, 迷迭香, 百里香都可以用盆栽種

其實我屋企都5大, 不過, 我係用大型種植箱同埋我會將細盆既放係層架到, 所以可以放禁多

陽光方面我屋企都好少架, 不過, 我裝左燈專係用黎代替日照

係食安中心都搵到少少資料，節錄如下：

蔬菜有殘餘除害劑的原因可能是：
－ 在蔬菜上直接或過量使用除害劑；
－ 沒有足夠時間讓除害劑分解至安全水平便收割；或許
－ 環境污染。

受除割劑污染的蔬菜通常屬葉菜類，例如菜心、本地生菜、麥菜、西洋菜和椰菜花。

（資料來源：http://www.cfs.gov.hk/tc_chi/mul ... files/veg-lft_c.pdf）


另外，剛搵到一個blog o既資料，內容有提及用洗米水洗菜，想同樓主分享一下！
http://blog.udn.com/coschange/3478534

.....鹽，確實妙用多。但不包括「清潔蔬果」這一項。.....
.....對於蔬果表面的除草劑／農藥，用鹽水來泡，根本就是越幫越忙，比用水洗還慘。.....
.....還有沒有其他的？我只能說，在廚房裡現成的，沒有了。（不要對洗米水抱以厚望，『米』自身就有殘留不確定風險物要清洗了。拿了洗過米的水來二次利用，究竟是幫忙還是增加麻煩，得想一想。.....

wendy 發表於 2012-8-12 09:31 AM
係食安中心都搵到少少資料，節錄如下：

蔬菜有殘餘除害劑的原因可能是：

稍為有常識既人都知道用"鹽"水黎洗菜, 都係多餘

而所講既洗米水洗菜, 已有明確科學測試係有效果, 內地亦有資料, 不過, 對個BLOG提及既野, 有所保留, 因為佢無咩實際確實理據資料可以支持佢講既野係正確

網上世界太多鐘意扮專家既人太多, 除非有依據可以提供, 否則我都係5多會信

多謝分享！
我會試下架啦,..