兔兔性格…

話說我家bobo係領養嘅，領養佢前佢屋企已經有一隻
初初以為佢地夾點知…所以依家都要分開放兔
Bobo好惡平時同佢洗龍放野食佢都會咬我地
五好話抱撫都五得，所以不直都剪五到指甲同*sor*毛
(有時都可以撫下嘅bobo重會錫我)
可能因為係領養關係佢五鍾意我？
佢黎左我屋企已經半年了，我五想再咁落去
我有諗過不如被人領養但去到人地屋企都係咁都無補於事而且我五捨得佢
我可以點做

唔好放棄呀!我之前都有領養兔子，係媽咪個朋友唔養俾我地，佢話兔兔好乖，但係返到黎乖左日，就追住人咬，咬左又唔放口，好惡，其實我覺得係因為兔兔知道之前個主人唔要佢，佢對人失去左信任，嗰時無人夠膽掂佢，我就成日同佢傾計，摸頭頭，佢可以好似好冧咁然後一啖咬落我度，我從來都唔會大聲喝佢，後來佢就少左咬人，不過都有咬，不過幾個月(起碼半年)我就可以bb抱佢喇!反而我細佬會整蠱佢同大聲話佢，佢就好鍾意咬我細佬=="

所以，時間同你對佢嘅態度可以改變佢，可能佢以前個主人好變態，所以對人會有介心，而且你亦有另一隻兔兔佢可能又會想覇地方，所以精神好緊張，你除左可以多啲時間同佢玩，摸頭頭，亦可以伏在佢前面四目交投咁同佢傾計，咁會有改善，不過唔係隻隻兔兔都鍾意俾人抱，所以你亦唔使夾硬我抱令佢反感，你可以見佢伏低至梳毛同剪甲，我都係咁做，雖然辛苦啲不過兔兔無咁驚㗎!加油呀...兔兔有日會知道你好錫佢架!^^

仲有天氣熱佢一定唔想被抱，更熱呀!

而且佢會錫你，即是佢都好喜歡你呢!^^

我家可可都係領養嘅! 佢前主人都話佢好乖架

但佢初初都成日咬我架，一日咬幾十次，
抱佢佢仲會走都走唔切!
雖然而家佢都係唔鍾意人抱(我諗係佢性格)
但就好鍾意痴住我， 仲成日不停舔我，
可以舔半個鐘=__= 已經無再咬人啦!
我而家養左佢四個幾月!
所以俾啲時間慢慢來啦，唔好因為咁唔要佢呀!!

一開始我bb買番尼都都惡死.見人就咬
跟住我日日番到屋企都摸佢頭仔.講幾句甘
之後個幾月bb就勁痴我.比我抱上手任抽水同系我手睡到成隻豬甘
舔我舔到5肯等
兔兔比較慢熱而且又比人遺棄過.你突然見到個巨人比你都驚
而且天氣甘熱5好話兔人都燥d
加油呀.你對佢好佢肯定會知道的

佢可能過份保護自己，

好鐘意你，

但又怕另外隻兔兔搶走左你！


你試下先洗手接觸BoBo，

同佢玩完，先同舊兔兔玩！

並將佢地個寵放近些，

多聞到對方存在！

俾多點時間佢啦！

每只兔兔性格5同, 佢地既性格亦可能同佢經歷有關

你話佢咬你依D, 其實好濕濕碎, 好多兔兔去到新屋企因為5熟, 特別係比人棄養, 自我保護意識令佢有依種舉動, 我小填格格係後樓梯垃圾房執返黎, 仲有侏老板係兔協領養,佢地兩個比你既新兔兔惡好多, 做既行為你可能想像5到, 仲係周身病要長期睇醫生, 其實只要你用耐心好好對待佢, 終會令佢有改變既一日

兔兔同人5同, 比人簡單得多, 所以, 要兔兔好地地去5鐘意一個人, 根本係無可能既事

兔兔天生好聰明, 你對佢有咩念頭佢完全知道, 所以5好再有諗住比人領養既念頭

對我地黎講, 半年時間好似好耐, 但對兔兔黎講可能係好短既時間, 都仲未脫離比前主人拋棄既傷心經歷, 有時間同佢傾下兔兔話

你可以做既野, 就係用無限既耐心去包容, 接納佢, 對佢付出真心既愛, 假以時日, 佢對你會有所改變, 這亦係我地應該做既事

咬下你！濕碎啦！
阿b唔鐘意我搞佢d野，咬到我流血添呀！
兔兔5粉團，唔可以用任你搓揉既心態對佢，佢都有自己既想法！
所有棄兔，性格都會因為比前主人丟棄而変得絶望！
同佢傾多d計，好有用架，多d摸下頭仔！
如果你又5要佢，好陰公姐！
邊個話佢5鈡意你即！？佢5鈡意你就5會

兔兔只得係小朋友，佢做5出咩坏事！你又奌會同佢計教呢！

我嘗試一下啦，但依家同五到佢sor毛剪指甲

可以bk8號兔剪甲梳毛.聽人講幾好
兔協甘full等得尼都冬天..
太子mimi zxx就5好去拉..

樂樂:) 發表於 2012-5-27 04:08 PM
我嘗試一下啦，但依家同五到佢sor毛剪指甲

你可以買把豬毛梳/按摩梳同佢梳住先，效果無針梳咁好，但係兔兔易接受，因為針梳梳毛結時會扯到兔兔，佢會發脾四,另亦唔使抱住佢梳，佢伏在地下時梳都得，慢慢梳加一路摸頭仔，咁會易梳啲，剪甲可以俾人剪，不過要小心選擇...我係自己幫佢剪，佢都係一般聽話渣...