有幾個原因會導致兔兔甩毛 :
１. 換毛 :
兔兔如果係正常換毛, 有時甩毛既面積會比較大, 有極極極少既兔兔會同一時間甩左半個身體既毛毛, 但好少會有依個情況, 但亦5係完全無
如果兔兔係換毛, 甩毛既時候會露出皮膚, 可以觀察兔兔皮膚顏色係咪正常, 干爽, 干淨, 有光澤 (可以用其它無甩毛部份既皮膚做比較), 如果兔兔既毛色係深色, 有花紋, 皮膚既顏色可能都係花紋, 好似乳牛一樣, 一塊深一塊淺, 所以要同其它無甩毛部份既皮膚做比較
而且每日要同兔兔梳毛, 檢查一下會5會有好多皮屑, 正常換毛5應該出現過多皮屑
大約1個星期左右, 有少數兔兔約10日時間, 就會有短短既新毛開始生返出黎
2. 皮膚病：
如果係皮膚病, 可能會某一部位既毛全部甩光 露出皮膚, 但亦可能係病患部份毛毛變得稀少, 但除左甩毛以外, 皮膚仲會有其他症狀, 例如皮屑比較多, 皮屑出現既範圍好頻密, 皮屑可能會比較大塊, 而且甩毛部份既皮膚有分泌物 (即甩毛部份既皮膚5係干爽), 結痂, 紅腫
皮膚病初期, 皮膚可能未出現異常症狀, 如果一時無法分別, 可以觀察多兩至三日, 如果係皮膚病會越黎越嚴重, 皮屑會增多, 如果完全甩毛露出皮膚, 甩毛面積會越黎越大, 甩毛形狀可能會好奇怪, 而且5會再生新毛
- 外寄生蟲
外寄生蟲亦會導致兔兔脫毛, 一般由疥癬病引起, 全身各部位的脫毛較多, 以冬春發病率較高, 常見患部有炎性滲出液, 被細菌感染則會出現膿性痂皮, 繼而斷毛，脫毛長短不一，並往往發生瘙癢, 兔兔會經常係患處抓癢
- 真菌性皮膚病
任何時間, 任何年齡, 性別既兔兔都有機會發生
一般係由於兔兔既毛髮同皮膚長期潮濕, 環境潮濕衛生不好既情況下發生, 真菌性皮膚感染, 患處會出現白色皮屑, 周圍有粒狀突起, 脫毛範圍既形狀多為圓形 |
分享
收藏
支持
反對
