求分享及解答下巴既問題,太擔心-0-"

前日帶左b兔睇e生,因為下巴甩毛同濕.而且食小左草<多左食糧>
去到做左個body check,e生話可能內下排牙齒較尖長,導致以上問題
幫佢做左磨牙,但我擔心係皮膚病.<因e生話無法肯定係牙齒引至>
所以e生話可以幫佢種癬.不過14日先知結果.e生幫b兔打2支針,開左d藥.過3星期復診

不過淨係等左2日.都覺得簡直係節磨
因為太擔心.

1.所以想問大家既兔兔有無與過下巴濕同甩左毛既情況?
大多是什麼問題

2.會唔會佢成日舔下巴導致?

3.可唔可以比d草粉佢食?

4.我可以做d咩對佢下巴情況好轉d

牙齒過長或生癬兩樣都有可能
等埋報告睇下醫生點講
如果腸胃無問題，唔駛俾草粉，你減返糧，佢就食返多啲草
同佢抹下下巴，保持乾爽及衛生，唔係會有細菌滋生

1.無呢個經驗，不過睇左其他資料試下答您
2.唔會，因為佢都會lam個身，咁個身都無事，個下巴都應該唔會因為咁影響到，反而之前佢流口水，長期被口水腌住皮膚可能發炎，你應該同佢抹下下巴，保持乾爽，衛生...另要留意係咪水樽漏水而整濕下巴，如果係換左個水樽，定兔兔食菜無抹咀/用水杯飲水無抹咀引致?
3.如果兔兔食少左野，係要食草粉，因可以keep住腸胃正常郁動，同時唔會餓親佢，佢做完手術，可能會唔開心而無胃口，另外，你係咪長期俾糧佢?如果係會影響佢磨牙,糧早晚最多一平匙就夠!
4.而家keep住2.嘅做法先，睇左dr.報告至算，另如dr.建議覆診，為兔兔著想都一定要去!!

先說明一下, 我本身養既兔兔未試過好似你兔兔既情況, 以下分享係個人認知

1. 做成下巴甩毛一般有幾個原因, 最常見係下巴既毛髮長期潮濕所致, 令下巴既毛髮經常潮濕一般由於 :
- 牙齒過長問題引起咬合不正, 流口水, 下巴既毛毛長期比口水濕住
- 兔兔無用飲水器飲水, 飲水器咀位太粗或使用飲水器不當, 一邊飲水一邊漏水整濕下巴
- 兔兔平日食有汁既食物之後無同兔兔清潔, 令食物本身既汁液長期依附係下巴既毛毛上面

兔兔毛髮長期係潮濕既狀態之下, 容易引致受真菌感染, 患處會有甩毛既情況

下巴甩毛亦係疥廯既其中1個症狀

2. 5會, 正常黎講, 兔兔用口舔身體同下巴既毛髮5會引致甩毛, 因為兔兔用口舔係會有口水, 但口水既量係極之小, 極其量只會令毛髮有好少濕氣, 5會整濕毛毛

3. 先要同兔兔減糧, 如果兔兔食草量仍然不足或有困難, 可以酌量餵食草粉作輔助

4. 多注意兔兔下巴係咪干爽, 每日可用微溫既生理鹽水同佢抹下巴, 抹後要同兔兔用干既棉花抹干, 保持下巴干爽, 避免潮濕

好多時下巴有甩毛既兔兔, 兩邊咀角位置都會出現問題, 所以要留意一下

在此, 希望你既兔兔早日康復

你可以細心d留意佢下巴奌解會濕，飲完水，食完有汁既食物，流口水！