有養兔問題

我接左兔仔返黎3日, 等一星期後先放佢出黎~兔仔係賓尼, 3個多月大, 有幾個問題想問1.我個籠頂有得打開, 方便我地整佢d野, 早2日我都仲用個籠頂幫佢換野,佢就會嘗試想跳上/出黎, 我好驚佢跳完果下會整親, 之後就唔用籠頂果個位,

但今日我係個門口度放糧/草, 唔知佢係開心期待過頭定驚,
佢又會企係度之後又想跳上黎, 其實咁樣會唔會整親佢><

2.我一開門幫佢整野, 佢會係咁想係個門口度出黎, 仲要好狼死果隻,
但我都無放佢出黎, 其實佢係驚定想出黎玩下咋?

3.我日日都有幫佢洗廁所, 其實佢都有係個廁所vv, 但我一拎走個廁所佢
就周圍vv, 我未拎走果陣佢又唔去vv, 點解咁既, 係咪未真係識去廁所!? (我唔係拎走好耐佢就會咁)

4.我爬過文知道唔好用底版, 直接用籠底, 廁所都唔好用網, 但係咪教識佢去廁所先拎走塊木版會好d?
同埋因為唔放佢出黎, 我而家好難執到籠底既便便同木康, 其實頭一星期係咪唔使清潔得咁密?

5.直接用籠底既意思係完全唔鋪野係度定點@@完全唔鋪野佢咪會係咁踩到便便囉!?
廁所就直接咁鋪果d砂而唔用網板佢咪會踩到濕哂!?

唔好意思, 問左好多問題><"感激

用正門好d.兔兔彈跳力好高同埋可能會因為掛住食5小心跌到.好危險
2.應該係想出尼玩.我隻兔兔都系甘
3.我隻b都係甘...比bb激死.你可以推兔兔上廁所等牠去乾淨先or洗完wc再抹番.都系wc個位姐.可能無左味兔兔想all番表示個位系vv的
4.除非兔兔識去wc.否則日日都要洗.由其系呢d天時.可以用稀釋醋洗籠再用清水過乾淨.清除vv既味
5.直接用籠底or一些軟墊(兔兔5食就ok)
便便硬5會踩髒而且容易清
wc我一向用網.但會選擇一d對兔兔無甘傷既網
因為我bb無網5肯去
賓尼all vv量大唔用網板會踩到濕哂.

1+2. 你隻兔兔應該未適應個環境,因為我隻兔兔岩岩黎都好驚.佢系吾敢出黎,一個月後佢就變得大膽,得我同兔兔系屋企佢自己走出黎玩.而家吾洗講.一打開門就出黎,吾理屋企有邊個都好.!; (個陣我問過兔協既人,話兔兔返到屋企要一個月時間先適應到嫁!)
同埋我籠頂系吾會開..開門口..如果你籠門系向下開.要用毛巾/木板墊住比佢出黎嫁..
你過左3日都可以試下放佢出黎,比佢知道呢個環境系安全.佢應該好奇姐.但我隻兔兔一個月後,每次喂野食先狼死.
3+4+5. 我系用貓沙+Carefresh 鋪籠底,木康最好用兔協大塊個隻,Carefresh 系去DR.HUGH幫兔兔 BODY CHECK介紹用既!廁所都系咁,如果夠墊料系吾會濕既.(兔友們大致上咁講既.但我都系用廁所網底..我都知系吾系幾好.但我BODY CHECK個陣我都問過DR.HUGH正常用吾會因咁而有腳瘡.)不過你可以試下吾用網底!
我估你隻兔兔應該識去VV.因為你拎開先VV,如果吾拎都系廁所VV?因為卡卡(我隻兔兔),佢大大個D,佢有D都系廁所外嫁.我得閒就會幫佢汁返系個廁所到.

(以上系我個人意見同養卡卡經驗得知.,如果有問題,可以其仔兔友提出.)
希望可以幫到你DD!

我拎走呀佢個廁所，佢又唔係去返放廁所個位vv,而係周圍都有@@仲有，我咪話戈佢想跳出黎既，佢失敗左會係果個位(懶尿),我好驚佢過份緊張，就好似岩岩諗住同佢清理下個籠底，咁我而家仲係用緊木版，佢係分兩塊木板咁既，由於又唔放得佢出黎住，搞到我好吃力，我拎起左一塊木板棟係中間欄住佢，佢又係咁想過我清理緊果邊，搞得佢黎我又清潔唔到，由於佢再次(顛左),係咁跳高同想跳過去我清理緊果邊，所以我都係放棄左去清理另一邊><我唔敢再搞佢住，頭先佢跳之餘仲係咁想伸個頭出籠外，不過而家佢又冷靜返落黎，請問你地係點清理個籠架另外，我發現我呀兔唔岩用細木康，因為我岩岩同佢換完一邊，佢衝左去木康度，打左幾個噴嚏，。

咁吾好用木康NA,因為兔兔吾岩用細塊木康,如果系咁轉用Carefresh!好多兔兔都用呢隻冇事嫁.!
咁樣你暫時吾好再整佢住..比D時間佢適應先!初初我隻兔兔黎..系換野先幫佢清理哂(佢都去椅子下躲埋.)!吾會好似而家咁得閒就幫佢汁大大(佢都冇問題.仲想你摸下佢.)..因為個陣佢都好驚咁..慢慢佢熟左就好自然比我清潔NA.仲覺得臭臭就整開個廁所.初初吾知佢因為覺得臭臭..以為系吾鐘意..而家每朝我都幫佢廁所清潔+放左工就成個籠清潔.咁佢都慣左就冇再整開個廁所NA!
佢周圍VV你要教佢..你見佢停系到好耐吾走開(多留意下)..就想VV.就推佢上廁所到..慢慢教吾好急NA,
自己要想下佢感受.你想下自己去左一個新地方都吾慣..好驚吾知點算..何況佢系一隻小動物!慢慢熟左個環境就冇問題..

卡卡KaKa`; 發表於 2012-6-18 11:23 PM
咁吾好用木康NA,因為兔兔吾岩用細塊木康,如果系咁轉用Carefresh!好多兔兔都用呢隻冇事嫁.!
咁樣你暫時吾好 ...

係呀, 除左換水比野佢食, 我都唔敢搞佢,
今朝佢知我餵佢食糧, 佢係度跳開心舞
O...我仲諗住今晚放佢入返個袋洗籠TIM

你個咩籠?系兔協做義工幫兔兔換籠系可以用籠蓋蓋住兔兔..吾比佢走出黎..不過我而家用緊個籠蓋系有洞,兔兔都可以走到出黎..個陣我都想過放入袋..但系我帶過佢去BODY CHECK入袋巳經好驚.所以都由佢行下...如果普通籠可以學兔協咁幫兔兔換野..

我想我和你個籠一樣
我果個都係可以開頂
但係呢你兔兔識用wc未咖?
未就最好用反豬仔板
五係佢會比自已D vv灼傷咖

愛糖糖 發表於 2012-6-19 07:04 PM
我想我和你個籠一樣
我果個都係可以開頂
但係呢你兔兔識用wc未咖?

籠既豬仔板係5應該比兔兔用

其實已經有無數既兔友講過對兔兔既不良影響

只要係個籠落夠墊材, 根本5會存在你所講比尿灼傷既問題

大把兔友既兔兔同兔協既兔兔都係5識去廁所, 佢地一樣係個籠到周圍尿尿, 大家都只係放墊材比兔兔用, 完全都無問題

all_loving_it 發表於 2012-6-20 01:43 AM
籠既豬仔板係5應該比兔兔用

其實已經有無數既兔友講過對兔兔既不良影響

我果個係木板底黎架, 都係唔好架可?
我琴晚試過唔比個木板佢, 用左環保紙粒做底,
點知放返佢入去就係度食D紙粒, 嚇到我又即係放返佢出黎,
跟住又試過咩都無鋪, 但佢周圍VV,
搞到腳仔濕哂, 同埋睇到佢自己都覺得唔舒服,
但因為我未買其他墊材, 唯有用住木板先

Da_25 發表於 2012-6-20 08:45 AM
我果個係木板底黎架, 都係唔好架可?
我琴晚試過唔比個木板佢, 用左環保紙粒做底,
點知放返佢入去就係度 ...

塊木板點樣架?

係一塊過定係好多條木條敢款

有部份兔兔係會食墊材架, 好似紙砂, 木砂都有機會食,

我4只兔兔, 其中1只就走去食紙砂

如果發覺佢食紙粒, 木粒, carefresh同木屑,

就5可以用依幾種墊材, 因為食左會塞腸, 好大獲架

就要用麥草粒

你試下再比其它墊材睇下佢反應, 因為真係要觀察過先知邊只合適自己只兔兔

如果佢係籠到會周圍尿尿, 你就一定要鋪墊材,

5係會比尿尿整濕, 尿灼傷, 會甩毛同損害毛囊, 嚴重會患皮膚病

Da_25 發表於 2012-6-20 08:45 AM
我果個係木板底黎架, 都係唔好架可?
我琴晚試過唔比個木板佢, 用左環保紙粒做底,
點知放返佢入去就係度 ...

你而家養係賓尼兔, 因為賓尼兔既身體結構比較特別, 賓尼兔較其它種類既兔兔容易得中耳炎, 因為佢耳仔係垂落黎, 兔兔無法自己清潔, fing走耳仔入面既耳垢同分泌物, 所以你要同佢清潔, 5係好易有中耳炎

另外賓尼骨架體型比較大, 亦較重, 佢對腳仔要承受既重量同重心係較重, 所以亦較其它種類既兔兔有腳蒼之類既問題, 所以兔兔活動既地方儘量避免用隔網, 亦加上軟, 定期同佢剪甲, 避免腳甲過長, 每日幫佢梳走腳板既死毛, 可以降低兔兔得腳蒼腳枕既機會

其實只要廁所落夠墊材, 就算係賓尼兔比較多尿尿都5會有問題架, 5係5用網就會比尿尿整濕

我自己其中有2只係賓尼兔, 有一只仲係大種賓尼兔, 好大只, 食得勁多, 飲水好多, 自然尿尿都係超多, 佢地用既廁所一樣無要隔網, 都未曾試過會比尿尿整濕同污jo

all_loving_it 發表於 2012-6-20 09:17 AM
你而家養係賓尼兔, 因為賓尼兔既身體結構比較特別, 賓尼兔較其它種類既兔兔容易得中耳炎, 因為佢耳仔係垂 ...

咁係咪用棉花棒同佢清潔就得? 指甲我未敢自己同佢剪
梳毛係咪用軟毛果隻梳就得? 因為pet shop只係叫我買呢隻梳咋
咁我直接用麥草粒就得? 廁所同籠都只係用哂呢隻得唔得
仲有我呀兔佢成日都好想出黎, 但未夠一星期我唔敢放佢出黎住呀==
同埋以上既動作係咪都等佢一星期後先幫佢搞

Da_25 發表於 2012-6-20 10:59 AM
咁係咪用棉花棒同佢清潔就得? 指甲我未敢自己同佢剪
梳毛係咪用軟毛果隻梳就得? 因為pet shop只 ...

1. 兔兔清潔耳仔既方法, 我之前其實有出過post, 你可以睇睇
http://petkd.net/thread-21735-1-1.html

2. 指甲通常1-1.5個月到同佢指一次就可以, 你同佢梳毛檢查需5需要同佢剪, 暫時依多禮拜應該5洗剪住

3. 軟毛梳點樣架?  因為腳板毛好密, 再加上兔兔好多時會係活動既時候, 將腳板踩到既野, 越整越入, 所以你最好用密齒梳同佢梳


4. 墊材方面可以用麥草粒, 不過, 你要留意一下兔兔會5會走去食, 如果兔兔仍然食好多, 你要繼續同佢嘗試合適既墊材, 雖然麥草粒係食左落肚都較安全, 但有一個問題, 如果兔兔食麥草粒多, 佢會飽, 就食少左好多草架啦

如果用粒狀既墊材 (即紙粒, 木粒, 麥草粒)之類, 你最好係上面鋪上一層carefresh或者大片木糠, 以舒緩兔兔踩係上面既壓力

5. 一般返屋企3日之後可以嘗試放兔兔出黎, 不過, 剛開始既時候5好放狩耐, 第一日放半-1個鐘, 第2日個半鐘, 慢慢增加時間, 一d對兔兔有危險既地方, 如廚房, 廁所之類你要將門鎖好, 一開始都5好比佢入