兔兔白內障

我的同事有隻貓貓兔，而家八歲幾
佢上星期發現隻兔兔好似有白內障，
去左睇醫生，醫生話係白內障，無藥食無得醫

咁咪會不停惡化落去？無方法可以令佢唔變差？

你朋友只兔兔應該係老年白內障, 係無得食藥無得醫

康復亦無可能, 如果有白內障既兔兔, 係會惡化, 可以參考下面建議應用係照顧佢兔兔方面, 有助減慢病情惡化既速度 :

- 每日提供維生素A同C片比兔兔做補給 :
維生素A對有眼病既兔兔減緩病情惡化 (維生素A片可以比平日我地食那種, 份量每日1/4片)
維生素C對防止白內障形成同惡化有一定作用 (維生素C片可以比OXBOW出那種, 份量每日1/2片)

- 維生素A及胡蘿白素含量較豐富既蔬菜兔兔食用 :
菠菜 (含鐵量較高, 每次份量不多於1/2顆, 每星期不多於2次)
南瓜 (含糖量較高, 每次份量不多於3湯匙, 每星期不多於3次)
蕃茄 (蕃茄對有白內障問題既兔兔有良好作用, 每次份量約1/4個, 每星期不多於3次)
大白菜 (只比深綠色菜葉部份)
甘筍葉 (含豐富胡蘿白素, 對有眼仔問題既兔兔好好)
深綠色菜葉既蔬菜

- 藥草 / 香草輔助食療 :
茴香 : 對白內障問題有療效, 新鮮或者干品亦可 (新鮮每次1湯匙, 干品每次1/2湯匙, 每星期2次)
胎菊, 野菊, 洋甘菊 : 對有眼病問題既兔兔有幫助 (每次份量5克, 每星期3次, 可以直接比兔兔食用或煲水後比兔兔飲用)

- 平日多提供新鮮蔬菜比兔兔食

- 注意飲水量要足夠, 每公斤每日要飲100ML

- 每星期用生理鹽水同兔兔洗眼仔3次

- 避免兔兔眼仔直接比強光照射

all_loving_it 發表於 2012-7-4 02:02 AM
- 藥草 / 香草輔助食療 :
茴香 : 對白內障問題有療效, 新鮮或者干品亦可 (新鮮每次1湯匙, 干品每次1/2湯匙, ...

你好pro 呀~~ >3<
我會轉告她的，謝謝!

小黑與我 發表於 2012-7-4 08:30 AM
你好pro 呀~~ >3<
我會轉告她的，謝謝!

5洗客氣, 希望可以幫到你朋友只兔兔啦!

all_loving_it 發表於 2012-7-4 02:23 PM
5洗客氣, 希望可以幫到你朋友只兔兔啦!

有無辨法預防，又或是患病對他們有什麼影響？

kwan104kwan 發表於 2012-7-4 07:38 PM
有無辨法預防，又或是患病對他們有什麼影響？

白內障對兔兔既影響, 輕則影響視力, 產生視力障礙, 嚴重會導致失明, 亦有少數有白內障既兔兔有出

現眼痛既情況

年老, 化學中毒, 營養失衡, 眼晴損傷 (包括外傷內傷), 新陳代謝混亂, 經常受強光照射都係引致兔兔

白內障既因素, 到現時為止, 無論係國內國外都未有預防兔兔得白內障既方法, 但平日係照顧護理方面多加注意, 係可以減低發病既機會 :

kwan104kwan 發表於 2012-7-4 07:38 PM
有無辨法預防，又或是患病對他們有什麼影響？

預防可以根據我上面提及既方法去做, 另外......

1. 注意日常營養同維生素攝取均衡

2. 飲食中缺乏維生素A, C, E同胡蘿白素都會增加白內障發病既可能

3. 平日可以餵多D新鮮蔬菜, 雖然兔糧本身所含營養好豐富, 但蔬菜入面某D天然成份同微量元素始終係兔糧無法完全取代

4. 如果兔兔眼睛損傷, 有流眼水既現象, 需儘快去睇醫生治療

5. 平日可以同兔兔用生理鹽水洗眼仔, 做眼部按摩, 保持眼部新陳代謝同血液環良好

6. 避免兔兔所在環境經常接觸化學物質, 包括清潔劑, 漂白水, 天拿水......

7. 注意環境清潔衛生, 減低受細菌感染既機會