兔兔做絕育前後的準備?

我隻兔兔(女仔)星期6去做絕育手術啦!
請問大家有咩準備既呢?
我想做足準備等兔兔返屋企!

如果個籠係雙層, 你就拆左2樓, 最好係兔兔去診所之後或兔兔絕育前10分鐘先拆

兔兔絕育之後返到屋企可能無咩胃口

你可以比d較軟身同香氣較重既草佢食, 可以引佢既食欲, 好似果樹草, oxbow有機牧草, 同時籠入面都要有T草等兔兔隨時可以食

若兔兔有食菜既, 你可以準備好菜比佢食, 如果無食菜, 你有兔兔專用既電解亦可以溝水稀釋比兔兔飲用, 有助兔兔恢復

絕育後頭2日你5好攪佢, 等佢慢慢康復, 靜養

留意兔兔絕育後既飲食, 便便係咪正常, 如果兔兔無胃口, 5願食野, 你就餵草粉, 5願自己飲水, 你就用針筒 (拆左針頭)可以餵水比佢飲, 飲水不足, 對兔兔腸胃, 肝腎都會有問題

兔兔每日每公斤正常飲水量要飲100ML

因情緒5好或傷口有5舒服, 便便會5令, 你可以餵草粉或益生菌比兔兔調理下腸胃

再留意下佢傷口有無紅腫發炎之類, 如果無既, 就無事架啦

好詳細呀!! 謝謝你!
岩岩返到屋企啦!
不過佢真係無哂胃口咁...草粉唔食...菜菜唔食...水唔肯飲..
我試下用針筒餵佢先..好彩佢肯食藥