兔兔甩毛問題

我隻兔兔最近冇幫佢梳毛
今日有時間就想幫佢梳下
但係見梳極都仲甩....想問佢會唔會有d咩病...
需唔需要帶佢睇獸醫??

留意甩毛嘅皮膚有冇異常，無嘅話好可能只係普通換毛

係呀，即係有無皮屑同紅腫、結痂。

仲要睇下個身有無毛蚤，灰灰黑黑、細細粒，有少少似芝麻。

獸醫話有啲兔仔可能對毛蚤o既糞便分泌敏感，會令佢不停搲痕、甩毛、打乞嚏、無胃口兼消瘦.......
仲會心情煩燥o忝！

所以每日幫兔仔梳一次毛，保持披毛乾爽清潔。換毛期最好梳多2~3次（要輕力呀），以防兔兔清潔身體時大量吞下引致腸塞，T草更要無限量供應以助排毛。