可唔可以加多d宣傳（最新消息）

今日黃昏有同事話俾我聽，

係佢條偏壁既村，

連續兩日有兔兔出沒！

一隻好彩，有人暫時收留，

係佢既屋前掛牌「待領」，

有一隻被困係坑邊…


因一個女仔好難爬入去捉兔兔…

期望晏點有家人回來幫手…

結果，依家…不知所終！


知道有咁既事，好心痛！

點解見佢地細細粒，好可愛時就要佢，

到大一點對厭，就隨手放係草地就算！！

可否加多點宣傳，

又或者立例，養前要簽合約，

教導d人養前，一定要想清楚，

就算真係唔養，都搵人收留照顧他們，

其實，就咁「放生」佢地，

同推佢地落山涯無分別，

佢地都無學過野外求生技能！

點保護自己？

點可以咁忍心？！

咁遺棄動物算唔算虐畜？

早前話有兩隻兔兔出現係偏壁村落…

一隻暫被人收留以「待領」

一隻失蹤！

昨晚，我同事有緣一次過見到佢地兩隻！

係，係兩隻！

連「待領」個隻都係路邊搵到！

佢即刻抱返屋企，

同家人商量後，

最終都唔可以收養佢地！

不過，已通知愛協，

愛協決定今晚會接走佢地！

好感激同事充滿愛心，

暫時保護佢地！

亦唔厭麻煩，

聯絡愛協，等愛協接收佢地！

希望有心人可以領養佢地！

其實就算真係簽左約, 都無咩用, 除非係當場捉到棄兔既人, 兔兔又5同狗敢, 有打晶片可以有得跟

長遠要改善就一定要由細教起，如幼稚園或小學搞下講座，成效唔係一朝一夕見得到
漁農處同SPCA都有做下網上宣傳，鼓勵領養，停一停諗一諗
宣傳需要錢，一般只有政府或慈善機構先做，PetKD 一直都有Keep 住俾錢賣廣告，宣傳領養訊息，吸引多啲人上黎學下養寵物

其實我想講，

好多人以為唔養兔兔，咪放佢地係公園、山邊，

有草既地方咪算囉！

佢地會自己食草！

這些例子太多啦！

尤其唔識上網搵資料既人，仲有好多好多！

點樣可以令人知道，真係唔養動物可以點處理！

道理就好似，

落雨出街要用遮！買野要俾錢！肚餓要食野咁！

俾人明白，唔養就要搵人領養，

或者交托俾兔協、愛協等！

至少有個機會，

讓他們重新得到被愛、得到被照顧、得到被尊重！

網上宣傳，真係有幾多人有興趣睇？！

佢地養動物前，實能許下所有承諾，

照顧他們終生，有病會帶佢地睇醫生等等！

真係做到，就唔會有咁多動物被遺棄！

可否有機構、義工團隊，

每年到所有中小學作講座、話劇、討論、project等，

只少將來每一個人都有領養、棄養等基本常識！

kwan104kwan 發表於 2012-8-9 08:06 PM
其實我想講，

好多人以為唔養兔兔，咪放佢地係公園、山邊，

其實就敢將兔兔遺棄係街原因有好多, 5係因為5知敢做5得, 係有部份人怕煩, 亦有D人既理念認為只係一只動物之麻

雖然5係人人都會上網睇, 但大家只能係個人能力範圍以內去做, 儘力希望做到最好, 總比咩都5做為好

以我所知兔協有時都會帶兔兔去幼稚園之類

kwan104kwan 發表於 2012-8-9 08:06 PM
其實我想講，

好多人以為唔養兔兔，咪放佢地係公園、山邊，

而且去做一系列網上以外既宣傳需要一定資源同資金, 如果真係做, 你願意比幾$出黎做呢?

其實兔協幾耐會搞一次呢啲講座呢 ??

wesky 發表於 2012-8-10 01:09 AM
其實兔協幾耐會搞一次呢啲講座呢 ??

幾耐一次我就5係好清楚, 不過, 兔協依兩年已經好活躍, 佢地有係街派資料同宣傳, 亦有好多公開活動, 傳媒訪問敢

其實好多人都知道有兔協, 不過, 因為太多人棄兔, 兔協地方有限, 所以上去申請棄養有時半年至9個月先可以接收, 所以, 有部人根本5會等禁耐

其實, d人將寵物掉係街并5係所有人都5知道敢樣係有問題, 有部人怕麻煩, 亦有可能係價值觀問題, 所以講到底真係心態因素多d

雖然5係人人會上網去睇動物權益既資料, 但我覺得一定會有作用, 亦幫左5少剛養同想養小動物既人, 簡單黎講, 有人想養兔兔, 都會上黎依到問下兔兔難5難養, 有咩開銷, 有兔友都會講出當中利害, 有咩要負擔, 想養既人會有個預算, 亦會去根據大家所講去衡量自己係咪合適養, 或者本來去購買兔兔而改為領養既人大有人在

所以, 網上既宣傳同資訊其實係好重要

好可憐o既兔兔呀，希望佢o地早日搵到主好人家！

8月14日星期二晚上七點，無線「星期二檔案」今集好似係講小動物比人虐待之類話題（因為無再睇到預告，唔知個詳細內容），到時大家記得睇睇啦！

wendy 發表於 2012-8-12 11:21 AM
好可憐o既兔兔呀，希望佢o地早日搵到主好人家！

8月14日星期二晚上七點，無線「星期二檔案」今集好似係講 ...

我都5打算睇, 睇黎仲咩?  

我有時間去做下義工好過, 因為睇完最多咪覺得佢地好慘或者幫口鬧下d人之外, 咩都做5到, 亦對依d小動物完全毫無幫助