小鼠拒食草粉+善終問題

頭先睇左醫生, 開左草粉比小呠食但佢似乎唔中意食, 想問下大家係點樣餵嫁呢?

有經驗既各位可否講下鼠鼠善終服務方面既資料, 程序, 價錢等等?? 點處置最好? 如果係善終公司既邊間比較好?

天竺鼠食草粉好正常, 倉鼠都食草粉??
如果佢唔食乾糧, 你拎d 糧開整糊仔佢食吧
你可以搵寵之天國, 詳情
寵之天國寵物善終服務

倉鼠唔係草食性, 腸胃構造同倉鼠天竺鼠龍貓唔同, 唔明點解要餵草粉 = =

以大圍來說我只 buy Tiger!
而正常亦應該會開 Harrison's 甚於 草粉

你鼠寶咩事呢? 冇精神冇食慾的話就真係非常嚴重,,,

如果唔肯食就暫時以有機黃豆粉, 小米等開糊人手餵
(有 Harrison's 就都 okay)
醫生照計有俾針筒你, 冇就要去藥房買小針筒去針
抱好抱穩再從嘴角逐少逐少咁餵
不過長期唔係辦法, 唔食硬野會影響牙要留意

同埋怕佢唔係點飲水很容易脫水
一樣要針筒慢慢餵佢飲水, 最好開D電解粉
可以拉拉佢頸背皮看看會否立刻縮回
如果身體水分唔夠會冇乜彈性

另外係鼠寶唔舒服的時候, 絕對要更加注意保暖!!

至於善終服務可以考慮 ''最終有您'' 火化
之前就 HK$580
想留念更多可以造多個 HK$598 的DNA鏈

琴日同佢睇左醫生, 話佢病得好嚴重, 可能係個腦有事同埋嚴重超輕, 所以就開草粉比佢補充營養咁話..

我都係睇珍禽異獸嫁!!只係一時衝忙忘記左要指名Tiger 小鼠下個月就2歲嫁喇...禁大個仔都係第一次睇醫生, 我都心急到死了

之前我見佢胃口好似唔太好但而家都有食野...草粉都只係補充姐我諗

但小呠佢唔中意抱嫁...淨係得捉住嫁咋而且仲會係咁掙扎 咁點好? 根本放唔到係佢嘴角

溝啲生果汁，甜甜地，或者吸引到佢食

頭先嘗試將草粉開到好希咁比佢終於肯飲...但担白講我睇完醫生之後冇再比止痾藥佢今日情況即刻差左, 頭先同佢驗查亦有發現肚痾跡象 同埋似乎身體水分唔太夠, 食慾都好差.....係咪應好似hamstertroy 咁講開電解粉比佢?

佢成日訓教, 係咪應該定時都餵D水+草粉/ 其他補充劑比佢? 雖然佢已經2歲仔, 但我都唔想就咁放棄佢呀...

amy_baby 發表於 2012-8-15 05:08 PM
頭先嘗試將草粉開到好希咁比佢終於肯飲...但担白講我睇完醫生之後冇再比止痾藥佢今日情況即刻差左, 頭先同 ...

2歲年紀已經好大了, 有病痛係正常
必經之路黎, 就算佢乜都唔肯食
都要強迫比野佢食, 即時殘忍D
即使你唔係家, 最好可以有家人可以24小時照顧佢

有24小時照顧的！而家佢食番野了但肚痾…有咩方法止痾？

amy_baby 發表於 2012-8-17 05:19 PM
有24小時照顧的！而家佢食番野了但肚痾…有咩方法止痾？

記住一件事
肚痾唔等於濕尾

肚痾係輕微徵狀, 仲有食慾同精神, 即時跟進會無事
濕尾係嚴重病症, 唔肯食野同虛弱, 幾日內就會死

肚痾處理可以嘗試食 白麵包碎/蒸熟蘋果塊 睇下情況有沒改善, 除左水外, 斷絕有水份食物
濕尾處理係即時盡快睇獸醫治療, 自己沒野可以做到!
以上係個人經驗

小呠係星期六既凌晨靜靜離開左了....

amy_baby 發表於 2012-8-20 04:21 PM
小呠係星期六既凌晨靜靜離開左了....

希望佢今生會感受有你呢個主人的照顧
如果下次再養鼠鼠要多加留意注意事項了!
我有隻2年4個月大既小紫王, 之前肚痾, 後尾都好番!