係咪生腳瘡

請問各位兔友,兔兔係咪生腳瘡??

果個位都幾紅下, 留意下皮膚有冇損, 依家可以搽住凡士林先, 有損就要搽藥
活動量係腳瘡形成的其中一個重要因素, 俾多D 空間佢走動, 就無咁易惡化

如果你摸上紅腫既部份無凸起一粒既物體, 即係好似人既暗倉既樣, 就仲未係腳蒼既階段

不過, 佢而家已經紅腫同甩毛就要留意, 吾好再比佢惡化落去

- 儘量係兔兔活動既地方鋪上軟墊
- 廁所如果有用隔網就要拎起, 吾好再用啦
- 每日梳腳板仔既毛毛
- 已經發紅同甩毛既部份, 梳毛之後可以用生理鹽水清潔一下, 等佢干左之後, 可以用凡士林查下患處
- 增加兔兔活動既範圍

如果做左上面既野, 大約7日到就會無禁紅同開始生返新既毛毛, 如果仲未有改善, 就要去睇醫生啦

希望, 你兔兔早日康復

唔知幾時先好返,已經楂左藥膏,不過唔夠一陣,佢又開始係度LAM,我用紗布包住兩隻腳仔,到依家都好似未好過

你帶佢睇dr好啲，未必一定要搽腳膏架，聽dr意見吖!
另外，包腳仔要小心啲，我上網見有兔友咁做，結果擦損埋兔腳呀!
初初發現腳枕唔使太擔心，好多兔地都有，情況唔差落去就得喇!

我隻拿b都有. 不過無你咁明顯. 佢好懶, 就算出黎都唔多走. 成日企.....

我阿仔最近都發現有突起的腳瘡，睇左醫生查左幾日藥膏，好似都冇咩改善，
我唔知係佢懶唔多鐘意郁，定係有腳瘡痛唔多想郁，總之成日好懶唔多鐘意跑，
我好擔心
同埋我係放佢通屋跑，冇可能成整屋都放軟墊，咁點算？？不過佢真係唔多鐘意跑，
我有係佢成日爬GE地方放軟墊，我想知腳瘡係咪好難好？？
因為我有聽過有隻兔兔生腳瘡大粒到有膿，清左D膿時發現隻腳D骨枯左要切左佢
我真係好驚

Y_S_ 發表於 2012-9-22 03:56 PM
我阿仔最近都發現有突起的腳瘡，睇左醫生查左幾日藥膏，好似都冇咩改善，
我唔知係佢懶唔多鐘意郁，定係有 ...

咦？平地應該冇事架，咁奇怪？
你帶兔兔睇下醫生好噃

DomDomPig 發表於 2012-9-23 02:18 AM
咦？平地應該冇事架，咁奇怪？
你帶兔兔睇下醫生好噃

我有睇醫生，屋企個地係地磚唔知有冇關係，我諗住都係半個廳放地墊，睇下咁同查藥會唔會再好D