兔兔黎左幾日，有問題問大家......

同兔兔相處左幾日，有以下問題求解答.
1. 尋日想想試下抱兔兔，但係兔兔一野就跳走左.....好驚咁樣....我係咪太急呢? 要比多d時間佢?
(有時我放佢出黎行，摸下佢都會跳入籠....係咪未習慣我?)
2. 咁我未抱到兔兔，應該點同兔兔梳毛同剪指甲? 定係唔使咁快住?
3. 兔兔會咬籠同圍欄，有無方法阻止?我驚對牙仔唔好.....
4.我用手餵草，兔兔淨係咬斷又唔食....姐係唔鐘意我餵?
請求各位兔友解答~thx~~

Where did you get your bunny? I think u should give some time to your buuny and you.

唔好咁心急 兔兔要適應環境.
兔仔唔同狗貓一樣咁鍾意人抱.
剪甲同抱呢D要慢慢黎.

頭幾日唔好抱佢住喇！等佢自己慢慢習慣下先！
你係喺邊度帶兔兔返黎架？
如果你帶佢返黎前有剪過指甲應該唔使咁快剪！
我兩隻兔兔都係養左大半個月先第一次剪~~

我養b仔都系3星期

佢都系睇心情畀我摸..有時會縮..

摸都5畀..抱就更加5洗講

你5好甘快逼佢住...慢慢傾下計先摸

因為我懷疑自己太心急又帶佢剪甲果d

有腸慢既情況出現..d屎好細粒

睇左$852醫生...所以你都5好學我啦

Ard2-3星期啦..關係會好d ga la...

B仔宜家識聽自己名啦;)

兔兔比較慢熱~~比D時間佢適應下啦~~
到時你想佢唔跟住你問你拎野食都難呀=_=

多謝各位兔友意見! 可能我真係太心急.....我會比多d耐性架喇!!
兔兔其實大部分時間都會比我摸ge....有時想捉佢先會走....
好啦..我會慢慢黎.

大家對咬籠同圍欄有無咩建議呢??