2012年10月10日...早上7時50分
囝囝,你在我手裡離開了這個世界。
同你生活GE點滴好似琴日GE事咁。
我知道有癌症的你一直都好勇敢咁生存。我明白生癌症好痛,好多時都係睇病人GE意志。你好堅強,即使生病都會日日係我回到家的時候出黎迎接我。好似講俾我聽,你無事。
帶你睇過好幾次..醫生,佢地都話你個病無得醫。果下我真係好灰...成日世界都好黑。係囝囝你叫我唔好放棄。你好愛惜自己。令我學習到...樂觀E樣野。
你GE樂觀為媽咪帶來好多GE奇蹟,你變左我地家最堅強GE鼠鼠。
2年半了。我真係好感謝你陪住我。你好似識聽我講野咁,之前試過病到訓係到。我好擔心,抱住你同你講 我想你再陪多媽媽耐D)點知第二日你就好活潑咁係我面前跑黎跑去
我成日都覺得,你很懂事。識聽我講野,又俾奇跡我。好似癌症咁,我知道你大半年前已經開始有病,一般可生存的日子不長。
但囝囝呢,可以為左我而捱過一年。就連我睇到都唔係好忍心。我係果時都知道,你係為左我先堅持到而家。
係兩個星期前,我帶你覆診,醫生話你癌細胞擴散。叫我俾你安樂死,我唔捨得,因為我唔想你係醫院床走,你係我地家人。我要帶你回家。
之後我見到一日比一日瘦。雖然係咁,但係你都肯食藥,食營養食品。直到你個口口同鼻鼻GE癌細胞生左出黎,食唔到野。
我知你好痛,同時好辛苦。果時我同你講,囝囝,媽媽唔介意你走,睇到你咁辛苦因為我而捱到而家我真係過以唔去。我只係想可以陪住你走到最後,陪住你離開E個世界。)
琴晚,我最記得,
囝囝個性格變得好痴我,
一打開個籠就走上我隻手到爬係到,唔願走。
我放佢返入籠,佢又走返出黎我手到。
果一刻,我就知道你就黎要離開我。
我都知道,原來你都唔捨得媽咪。
我好感動,
直到今日早上..我睇到你出左黎訓係到喘氣。
我抱你上手,
就知道你要走了,支持唔住。
我係你耳仔講左句,:乖!唔洗怕,媽媽係到,你走吧。
佢聽完就斷左氣,我見到佢兩邊眼角有淚水,之後合埋眼。
你咪係聽到我講,所以由琴晚到今日你都等到我起身,先離開。
你走果時GE眼淚我永遠都唔會忘記。
因為你係媽媽最錫最錫GE囝囝
小鄧,一路好走。
你去到另一邊GE世界搵檬檬同你D仔仔,
希望你可以開開心心。
愛你, 媽字。
|
|
分享
收藏
支持
反對
