兔仔係醫院返屋企之後唔食野 呆得好緊要

兔仔大約有六個月大

5/11 帶左兔仔去 body check 醫生都話幾好 好健康

6/11 有d盲腸便 覺得可能睇完醫生佢仲有d驚

711  前一日有盲腸便 所以停糧
        兔仔開始冇乜胃口 冇乜精神 明顯食少左草 飲少左 便便都時大時細
        咁我見佢唔係點食野 就不停放新草 抱佢去草堆 迫佢食返多d草
        之後佢先開始正常返 正常食量 正常便便

8/11 正常 但便便都係大細不一

9/11 兔仔開始又唔食野 淨係攤係度 冇便便 所以又帶佢去睇醫生
        睇 DR. James 照左 x-ray 佢盲腸有d乾左既食物殘渣積聚
        然後決定留院 因為兔仔較細 所以俾醫生睇住會安全d
        又俾左鹽水佢 草粉 等等

10/11 收到姑娘電話 前一晚俾既草都有食晒 便便亦都多 大粒
          餵左糧 冇餵草粉兔仔都肯食草 所以可以帶佢返屋企

但係兔仔返到屋企 又出現返 9/11 既情況 唔食野 唔飲水 呆係一角

跟住就餵左草粉俾佢 係間唔中郁下佢先食兩三條 之後又繼續呆

水就用針筒餵  便便都有 不過係好細粒 又硬硬地

究竟我依家應該要點做?? 好擔心兔仔 !!!!!
   

你去邊間睇??未聽過呢個醫生,我通常搵DR. MA,始終係中國人,易D溝通

大圍珍禽異獸 因為我想快d有得睇 好急 所以冇得揀

Ayore 發表於 2012-11-11 12:55 AM
大圍珍禽異獸 因為我想快d有得睇 好急 所以冇得揀

再帶佢去睇醫生啦 睇比較尊業d既醫生
dr.tiger or dr.ma  因為真係好嚴重下..
勁似我死去兔兔既徵狀...

你放係大脾   比下草佢食    如果佢中意食草粉   點少少草粉係草上面   當比佢食下草      
幫佢按摩下肚仔 頭仔       安慰下  陪下佢      可能忽然出街有D怕   有D兔仔係細膽少少      希望兔仔快D無事

係囉 佢唔食草既話 迫佢食草粉同飲水 之後幫佢按摩肚仔 (你摸下佢既肚仔係咪硬硬地..
如果係既話咁佢應該消化唔到d食物..)嚴重既話好似之前咁 排唔到便便   聽日就要帶佢睇醫生!!
因為我死去既兔兔 就因為太遲帶佢睇 so..
唔好 好似我咁[[住]]成大錯!!!
其實佢排唔到便便or d便便愈黎愈細:
1)[[決]]水
2)消化唔到

都係果句啦 快d帶佢睇醫生
睇你比較放心既醫生
如果你睇d唔放心既醫生 你會唔係好信 驚d藥會食死兔兔咁..(之前試過-_-'')

d醫生話兔兔會咁:
1)有壓力 例如:
- 嘈
- 熱
- 環境改變左
2) 牙齒問題
3)食錯野

你試下餵佢鍾意食既菜菜 可能會食小小 起碼可以促進腸胃 加上有小小水份

sor 剩係可以幫到你咁多炸..
希望你隻兔兔快d好番啦!!

大圍珍禽異獸 因為我想快d有得睇 好急 所以冇得揀

兔仔其實郁下佢 佢就會食 食一陣又唔食 不停loop

便便都keep 住有 唔算話超細 肚仔摸過都係軟林林

自己新手餵草粉呢樣野 就住就住咁 怕整親兔兔 佢又唔多合作

周不時都有按摩肚仔 同佢傾下計 等佢 relax下

Ayore 發表於 2012-11-11 02:10 AM
兔仔其實郁下佢 佢就會食 食一陣又唔食 不停loop

便便都keep 住有 唔算話超細 肚仔摸過都係軟林林

你攞大毛巾包住佢 比佢有安全感d (姐係平時睇body check d醫生咪拎毛巾包住既..)
之後4指放係佢既下巴
向上抬小小(好似話唔好比草粉流出黎..)
手指公就放係個頭頂到 個針筒係側邊塞入去 慢慢咁餵佢
唔知你睇唔睇得明= =''

不過我係禁住佢個頸背
(仲知佢反抗唔到果d力度) 之後就塞入去..咁啦-_-''

唔好就住就住
仲知要迫佢食啦

有D兔仔中意食草粉  有D就真係唔中意食    就算唔得都要迫係口汁邊塞入去 一野禁入去比佢   半支半支咁比我個陣   

試下買唔同牌子(大牌子, E.G. OXBOW, APD, MOMI) 的草俾佢試. 同埋6個月仲要食ALFAFA草, 唔好ONLY俾T草.

我想問兔兔食緊咩牌子既草呀？

之前我隻兔都有試過唔食草又係嚇死我

除左要定時餵佢食草粉(隔4個鐘一次)

仲可以買d香d既草返黎溝比佢食..

啊b本身食1st cut apd 果排我就買左包細既2nd cut+ 果樹草 溝比佢食...直到佢胃口去返以前咁。

兔兔好返d未呢~_~?

多謝各位兔友關心 兔仔依家好返好多喇

便便又大粒返 胃口又正常返 水又飲多左 唔似岩岩返黎咁唔食草唔飲水

不過依家又有另一個問題 就係兔仔個肚上少少 有塊硬野係皮下面

唔知係咩黎 總之就有塊硬野 摸到係凹凹凸凸咁 求助