本帖最後由 丫芷^0^ 於 2012-11-15 01:22 AM 編輯
我係波丸媽,一個潛水會員.......
本來我有兩隻好可愛活潑的女兒...小丸(白色),波波(黑色)
今年年頭二月, 快到5歲既小丸因為腸塞離開左我.令我愛兔既心冷卻了,不過慶幸仲有波波陪伴我.
我一直以為波波可以健康咁陪住我.....但波波亦都5歲多,開始老了........
最近十月,我發現波波不停抓耳仔,仲抓到損曬,於是就BOOK左Dr Ma檢查.
一開始檢查結果係耳仔生左粒息肉, 令到佢唔舒服,加上有一D細菌,令佢耳仔發炎......所以開左耳藥同止痛藥等等,一星期後覆診........
一星期後, 波波明顯有改善,息肉發炎位置不像之前的紅腫,細菌又少了,以為再繼續同樣的療法就可以......兩星期後覆診........
兩星期後, 因為覆診前兩波波又抓到流血,好多血....到覆診日發現息肉不單紅腫,而且脹大了......而且體重急跌由1.68KG,下跌至1.35KG
當日立即帶頭罩,仲要抽樣本化驗息肉係屬於邊種類類別.............又一星期後覆診........
到左尋日,化驗結果出來,証實左波波粒息肉係腫瘤,俗稱Cancer............Dr Ma的建議係為左避免癌細胞有擴散危機,要留住佢條命就要把耳仔切除...........
呢個消息簡直係惡夢......無奈我只能一邊喊,一邊聽醫生講解.......好心痛,好無助...........
到底做不做手術呢?
即使痛心,我亦打電話BOOK 手術.因為我知道冇野比留住條命更重要!
雖然佢以後冇左隻耳仔,外觀上一定差左,但又何況?!
佢地既幸福係在於我地主人既想法, 你愛佢,哪怕佢有一絲瑕疵?!
另外, 波波的手術費約6000,加上之前覆診費,都差不多用一萬, 未計日後的康復治療費用及蟲草雲芝等等.........
請不要用值不值得來衡量,因為愛是不分種類, 我視佢為女,點解有能力又唔去盡力做?!何況佢曾經帶給我們好多歡樂時光!
波波比我想像中乖,佢就算好唔舒服都會食好多野,痾好多CC......既然佢生命力咁頑強, 我地會一直陪伴佢同病魔作戰......
我打呢篇野既目的:
一來希望大家多D留意兔兔一些細微問題,因為抓次數多左,我地先會發現得早!
二來希望大家能夠為兔兔(甚至任何寵物)有儲蓄醫療基金的習慣
三來希望大家明白, 愛是不分種類, 不要輕易放棄佢地!
只要我認為波波一直都係咁可愛,佢就一直咁可愛!
|
|
分享
收藏
支持
反對
波波要加油, 祝波波早日康復