求救！！

我隻兔兔好惡，唔俾我抱，養左差唔多２年，一次都未抱過，甚至想拎佢出黎等佢玩，佢都唔俾，我唔知點算好！

有冇可以幫下我？俾Ｄ意見我？佢連指甲都唔俾我剪，佢好似好驚人咁！我可以點做？

第一件事換個平底籠，長期企係網底上面會生腳瘡
另外，買個圍欄，俾多啲空間佢活動
你係屋企嘅時候打開圍欄俾佢出黎活動，然後多啲用手餵糧或菜佢食
等佢唔怕你之後再抱佢吧

你試下多同他傾計…

摸下他頭仔…

上下兔協網…有教點抱兔兔！

又或上兔協課程…學下點同佢相處！

籠底d格格太大，會好傷腳同埋兔兔會好辛苦
建議快些換個平底籠

係咪腳仔痛痛變得臭脾氣呢？咁一定要換左個籠佢，真係好易有腳瘡架...多啲呵頭頭，同佢細細聲講野...日子耐左，佢就會同你玩個夠，當然，有啲兔兔係唔鍾意人抱架！

剪甲你可以用毛巾包住佢,一次過唔好剪晒四隻手腳,可以分兩三日逐隻剪,每次限定時間比兔兔休息,到剪完可以比糧作奬勵,對兔兔戎心少左,你熟練之後就可以一次剪晒四隻手腳.

我都養左b仔3個月....佢先畀我放佢上大脾按摩...但前提我要坐地下

唔該晒咁多位！！

我兔兔都唔比抱，我接受左佢性格，
我唔會夾硬抱佢，我都係打開籠門叫佢自己出黎，
佢有時會走過黎我度，我會摸頭頭，佢會將頭放我大脾上，
我都會餵佢食野，佢都好乖，
但就真係唔鍾意人抱，起我飛腳，anyway，我會尊重佢。

LouisaIvy 發表於 2012-12-2 10:44 AM
我兔兔都唔比抱，我接受左佢性格，
我唔會夾硬抱佢，我都係打開籠門叫佢自己出黎，
佢有時會走過黎我度，我 ...

我都係咁諗
但係佢連指甲都唔俾我剪，我只係擔心佢啲指甲太長會令到佢好辛苦！！

同佢換籠先丫~佢腳仔會好痛痛丫~
剪指甲呢d,你試下包毛巾或或搵人幫手一齊整,
不過首要換左蘢先,平平地買個jolly籠都係$200左右,
因為見到兔兔咁好痛痛呀>.<

blythepicca 發表於 2012-12-3 09:40 PM
同佢換籠先丫~佢腳仔會好痛痛丫~
剪指甲呢d,你試下包毛巾或或搵人幫手一齊整,
不過首要換左蘢先,平平地買個 ...

唔洗擔心
換左啦

KwanWanSwift 發表於 2012-12-3 08:15 PM
我都係咁諗
但係佢連指甲都唔俾我剪，我只係擔心佢啲指甲太長會令到佢好辛苦！！ ...

太長斷甲更加痛