今次點都唔可以再容忍!

好耐無蒲頭啦~不過今次真係唔可以唔同大家分享, 因為件事真係好過分!


11月頭, 我個仔因為大牙問題要做磨牙手術~
當日下晝5點左右我係屯門維多利接左佢返屋企
大約7點, 我見到個仔嘴邊紅曬, 嚇左我一跳...條脷仲突左出黎...
我已經即時帶左佢返去俾醫生做檢查, 佢話無野, 一陣就會正常返。

但係果一晚成晚都維持咁既狀況, 我第2日一早就即時帶佢返醫院
放低佢之後, 到下午1點我打過去, 仲排緊隊
2點半再打過去, 仲未輪到...
3點半左右佢打返黎叫我去接佢

我去到醫生話我知, 個仔係做完磨牙之後麻醉未過自己咬穿左條脷?!好罕見?!
仲話右邊條脷頭位置已經壞死, 切左少少出黎
我真係O曬嘴, 想反問佢你會唔會無啦啦咬穿自己條脷?
點解尋晚我再帶佢返黎果陣你唔幫佢檢查清楚? 搞到而家有壞死要切?
你作為一個醫生係咪要將D責任推俾一隻唔識講野既兔仔身上?
你話咩都得架啦! 佢根本反駁你唔到。

跟住係屋企休養左幾日, 佢都無咩食到野落肚, 體重由2KG跌到1.7KG.
我心都痛埋, 原來而家先係開始!!
手術1個星期後, 我發現個仔右邊下顎位生左粒野, 成粒波子咁大粒
即刻再帶佢覆診, 問醫生係咩野黎, 佢答我話係牙瘡, 仲話對上次磨牙已經發現。
(12年頭做第1次磨牙,12年11月做第2次)
我心諗, 你發現點解當時唔同我地講? 點解到而家惡化左仲要我問你先話我知?
你有無操守架? 之後仲要問我要唔要幫佢放膿?
(((我心諗會唔會係因為條脷件事搞到佢抵抗力弱左先會惡化得咁快)))
果一刻我對呢個醫生, 呢間診所大失所望, 亦都唔想再搵自己個仔黎教飛

到星期一, 我帶佢睇左DR.MA, 已經約左5號做手術。
遲D我會再將手術後既康復進度同大家分享。

我出呢個POST係建議大家如非急事BK唔到醫生都唔好去維多利睇
我唔想因佢既唔錯失令到更多既兔仔好似我個寶貝仔出事。

   你睇邊個醫生????我都覺BOOK咗絕育

你睇邊個醫生呀?
我阿仔尋日緊急情況都睇左屯門維多利(因為DR. MA OFF)，BB發高燒留左一日院...
明天我再帶阿仔去睇DR. MA

希望你仔仔早日康服!!!

warm_warm 發表於 2012-12-1 07:30 PM
你睇邊個醫生呀?
我阿仔尋日緊急情況都睇左屯門維多利(因為DR. MA OFF)，BB發高燒留左一日院...
...

DR. GERRY...

我都係BOOK咗DR. GERRY.....睇黎要重新考慮....

Jesus Christ....我覺得佢之前發現粒波子咁大的粒粒就應該同你REPORT啦!!!真係過份~~~

如果佢馬後炮話一早就見到,咁係佢唔掂!  如果佢真係之前就見到,身為一個醫生,應該同病人講囉....而家好似你去睇咩病,佢就淨係睇果樣,發現第2樣野就keep silence. 嘩...........

聽你咁講,我住洪水橋都好, 我都唔會去睇佢!!

最後,祝兔兔身體健康!!!!!!!!!!!快快好返呀!!!!!!!!!!!

Suzanne 發表於 2012-12-1 10:03 PM
Jesus Christ....我覺得佢之前發現粒波子咁大的粒粒就應該同你REPORT啦!!!真係過份~~~

如果佢馬後炮話一早 ...

我真係信佢唔過啦...以後真係如非急事, 如果唔係都唔睇佢
佢真係好HEA...

我仲諗住帶女女去DR. GERRY度做Body check....
希望你的仔仔早日康復....

我都聽講佢hea...仲以為佢係勁個種..唔洗做咁多野都醫好
我同個仔係Dr.Ma fan 兔兔要早日康復！

我都睇過dr gerry 一次
只係覺得佢hea
但冇諗過咁冇責任感

睇黎要入黑名單

選擇一個合適既醫生真係好緊要

之前因為睇過醫生但我又唔放心, 之後心急就搵第2個醫生睇阿仔, 而選擇左Dr. Gerry
我唔知佢真係少見阿仔隻病定佢唔識醫 (阿仔有兔梅毒, 後來又轉左去睇Dr. Ma先搞掂及清楚佢咩事)
其實我之前都有post過問兔友的
但阿仔眼邊有分泌物未搞掂, 梅毒o個度又o係佢度完左所謂既一個療程都無任何起色, 前後已經係幾個月時間

後來轉左睇Dr. Ma, 好快就可以確診係咩事
但好可惜既係眼仔既分泌物因為延遲左去醫, 結果搞到淚管閉塞, 通左兩次都通唔到...
之後都通唔到...天氣轉變仲會有影響....

另外, body check方面, 我個人認為Dr. Gerry係顯得比較求其
當我帶阿仔去睇既Dr. Ma時候就會好明白點解係講求其
做醫生就算病人一直睇緊要follow, 就算呢次係返黎覆診, 好應該要由頭check多次
我記得o個陣帶阿仔睇Dr. Gerry, 佢無同我講阿仔牙仔個比例係咪ok, 個肚情況係點樣...

作為一個主人, 自己既小朋友有事一定會好擔心, 錢事小
但如果因為個醫生而搞到小朋友醫唔返或者差左既, 用幾多錢都補唔返!

其實我有兩隻兔兔, 第2隻去body check都唔駛諗, 一定揀Dr. Ma
因為我對另外個醫生已經無晒信心!

lovin_gloria 發表於 2012-12-3 03:50 PM
選擇一個合適既醫生真係好緊要

之前因為睇過醫生但我又唔放心, 之後心急就搵第2個醫生睇阿仔, 而選擇左Dr. ...

AGREE.

我記得上次帶我隻兔兔去睇Dr.MA, 係睇呼吸道感染, 但Dr.Ma不但馬上診斷到係初期上呼吸道感染(對佢黎講可能係小case)。佢仲主動話：睇睇佢上次跌親,牙仔同牙肉係咪好返曬先。 我當時好感動!!!  真係好難得。主動follow返patient的病歷, 佢無收extra錢都係其次,呢個舉動顯得佢好專業同關心兔兔。

lovin_gloria 發表於 2012-12-3 03:50 PM
選擇一個合適既醫生真係好緊要

之前因為睇過醫生但我又唔放心, 之後心急就搵第2個醫生睇阿仔, 而選擇左Dr. ...

我好同意你話睇過dr ma就知dr gerry 係點求其
我又要分享多一次我個case

我岩岩領養兔兔返黎的時候
發覺佢有少少鼻水同打哈次
我剛為人母 十分緊張帶佢睇醫生
而我就揀左dr gerry
好啦去到佢開始檢查
成個過程5分鐘都冇
我好肯定冇
因為佢只係磅左重同做d超級簡單連我都識ge檢查就叫我走
連我一打開門出到去 等緊ge其他人都驚訝地望住我
然後問友人: 嘩 佢咁快ge

= =
好啦~ 然後就帶兔兔返屋企
如是者過多兩日我都係唔放心就去左睇dr ma
完全係兩個世界
如果你有睇今個星期明報週刊 dr ma 訪問
你就知佢係點樣檢查
dr ma 連兔兔肚入面有幾多粒屎都話我知= =....
返正題啦, 咁dr ma 就check到兔兔有上呼吸道感染同鼻敏感
我真係好疑惑
點解dr gerry 話兔兔very healthy
我真係唔知點解
總之我就唔會睇佢啦= =

好慘的經歷嚇人

終於做完手術啦，但之後係長時間既抗爭。聽日會開post講手術後護理同肥仔(我寶貝仔) 既情況。