新手請指教

買左一對獅子兔養左幾日， 好忙，忙過我以前養貓好多倍。  好彩我老公都好愛錫佢地 （亦係佢提議養）， 係假期幾日我爬晒所有文，希望更了解多d兔仔，給佢地健康快樂一生。之前養貓，我都就熟讀晒書）

而家佢地二三個月大， 呢幾日佢地熟習左環境，開始黏住一齊瞓，爬文後知道佢地應該分開籠(尤其絕育前）， 所以一陣要出去買多套籠。

佢地好快適應係廁所盤尿尿，係屎屎仲係邊食邊屙， 我覺得算叻！

問題1：而家用木糠墊料，我會就咁放草係面俾佢食，我唔想佢食左d木糠，係咪用紙墊好d？ 佢地開始打側瞓，痴到成身都木糠。

問題2：今朝發現有軟便痴住阿囝pat pat, 佢唔俾我反轉清潔，有無方法處理? （放心， 之後係粒粒屎）

我知道新兔剛到家一星期都要留係籠入邊熟習環境，我忍唔住會開門等佢出到閘口然後抱下佢 (因為d人話唔可以迫佢出黎），佢想周圍走就叫佢home， 佢地開始識聽， 會走返入籠。

Tks all!

囝 - dudu
囡 - 毛毛

我之前未夠1星期已經放佢出黎玩     可能隻隻兔仔都唔同    佢地好好動同八卦     
我覺得佢如果肯比你手抱  細個最好抱多D   咁大個都唔會咁反抗   等佢細細個開始習慣   

唔好用細細片個D木糠    對呼吸道唔好 好多塵的...   最好用返木/紙粒

唔一定要分開~  你可以睇多一段時間//   
我自己2隻女   6個月絕育前個排先分開   但早D都OK既         但男女就真係要分啦......

歡迎dudu同毛毛，一仔一女更加要分開養直至絶育後先試夾返埋一齊

兔兔唔會食木糠的，佢地識揀返D草來食，不過木糠好碎好粉容易引起鼻敏感及唔吸尿味，既然你兔兔算叻叻識得去廁所尿尿，咁淨係放墊料係廁所得啦，不過都建議唔好用木糠，改用紙粒或者木粒會比較吸水同吸味。D草就咁散係籠底，兔兔應該食草食得好開心的。

你隻兔兔係邊度買番黎?
建議盡快帶兔兔去BODY CHECK

另外, 木康對兔兔既呼吸唔好
盡快教識兔兔去廁所小便，停用木康

多謝你地回覆。

我分開左佢地，因為見到佢伸長腳仔瞓，而家瞓得舒服好多，但無咁warm.

廁盤我用紙粒，我會換走2/3， 留返少少等佢認到味。

兩隻都係ilove兔都買。

我前日第一次見到佢地打側瞓 + 反轉肚瞓， 嚇死我，以後佢有事!